ആസിഫ് അലിയെ നായകനാക്കി ദിൻജിത് അയ്യത്താൻ ഒരുക്കിയ കിഷ്കിന്ധാ കാണ്ഡം സൂപ്പർ ഹിറ്റിലേക്ക് കുതിക്കുന്നു. പ്രേക്ഷകരിൽ നിന്നും നിരൂപകരിൽ നിന്നും വമ്പൻ കയ്യടി സ്വന്തമാക്കിയ ഈ ചിത്രം, പതിഞ്ഞ തുടക്കത്തിന് ശേഷം ബോക്സ് ഓഫീസിലും കത്തി കയറുകയാണ്. ആദ്യ ദിനം കേരളത്തിൽ നിന്ന് 47 ലക്ഷം ഗ്രോസ് നേടിയ ചിത്രം ആഗോള ഗ്രോസ് ആയി നേടിയത് 76 ലക്ഷമാണ്.
രണ്ടാം ദിനം കേരളാ ഗ്രോസ് 65 ലക്ഷവും ആഗോള ഗ്രോസ് 1 കോടി 65 ലക്ഷവുമായി ഉയർന്നു. മൂന്നാം ദിനമായിരുന്ന ശനിയാഴ്ച ഈ ചിത്രം 3 കോടിക്ക് മുകളിൽ ആഗോള ഗ്രോസ് നേടുമെന്നാണ് ട്രേഡ് അനലിസ്റ്റുകളുടെ ആദ്യ കണക്കുകൾ സൂചിപ്പിക്കുന്നത്. ആദ്യ ദിനത്തിലേക്കാളും 82 % വളർച്ചയാണ് മൂന്നാം ദിനത്തിൽ ഈ ചിത്രത്തിന് ബോക്സ് ഓഫീസ് കളക്ഷനിൽ ഉണ്ടായിരിക്കുന്നത്. ചിത്രത്തിന്റെ ഏറ്റവും വലിയ സിംഗിൾ ഡേ ഗ്രോസ് ഞായറാഴ്ച വരുമെന്ന് ഇതിനോടകം ഉറപ്പായിക്കഴിഞ്ഞു. ആദ്യ മൂന്ന് ദിനം കൊണ്ട് ഏകദേശം അഞ്ചര കോടിയോളം ആഗോള ഗ്രോസ് നേടിയ ചിത്രം, ആദ്യ വീക്കെൻഡ് കഴിയുമ്പോൾ 9 കോടിയോ അതിനു മുകളിലോ ആഗോള ഗ്രോസ് നേടുമെന്നാണ് പ്രതീക്ഷിക്കപ്പെടുന്നത്
ക്ലാസിക് എന്ന വിശേഷണമാണ് ഈ ചിത്രത്തിന് പ്രേക്ഷകർ നൽകുന്നത്. ബാഹുൽ രമേശ് തിരക്കഥ രചിച്ച ഈ ചിത്രത്തിൽ വിജയരാഘവൻ, അപർണ്ണ ബാലമുരളി, ജഗദീഷ്, അശോകൻ എന്നിവരും ശ്രദ്ധേയമായ വേഷങ്ങൾ ചെയ്‌തിട്ടുണ്ട്. ഗുഡ് വിൽ എന്റെർറ്റൈന്മെന്റിന്റെ ബാനറിൽ ജോബി ജോർജ് ആണ് ചിത്രം നിർമ്മിച്ചത്.
സൂപ്പർഹിറ്റായ ‘എബ്രഹാം ഓസ്‌ലറി’ന് ശേഷം നേരമ്പോക്ക് ബാനറിൽ ഒരുങ്ങുന്ന പുതിയ ചിത്രം ‘ടൈറ്റൻസ്’ന്റെ ട്രെയ്ലർ പുറത്തിറങ്ങി. ജയസൂര്യ, വിനായകൻ, ബേബി…
കൊച്ചി: ഫുവാദ് പനങ്ങായ് നിർമ്മിച്ച് ഷെബി ചൗഘട്ട് സംവിധാനം ചെയ്ത ‘വേറെ ഒരു കേസ്’ ജാർഖണ്ഡ് നാഷണൽ ഫിലിം ഫെസ്റ്റിവലിലേക്ക്…
മലയാള സിനിമയിലെ എവർഗ്രീൻ ക്ലാസിക്കുകളിലൊന്നായ മോഹൻലാൽ-പ്രിയദർശൻ കൂട്ടുകെട്ടിന്റെ ‘തേന്മാവിൻ കൊമ്പത്ത്’ റീ റിലീസ് ട്രെയ്ലർ പുറത്ത്. ചിത്രത്തിൻ്റെ സംവിധായകൻ പ്രിയദർശൻ്റെ…
ഓട്ടം തുള്ളൽ എന്ന പുതിയ ചിത്രത്തിന് പ്രേക്ഷക പിന്തുണ അഭ്യർത്ഥിച്ച് സംവിധായകൻ മാർത്താണ്ഡൻ. ചിത്രത്തിൻ്റെ രചയിതാവും ഇതിലെ നായകനുമായ ബിനു…
കൊച്ചി: ജി. മാർത്താണ്ഡൻ സംവിധാനം ചെയ്യുന്ന പുതിയ ചിത്രം ‘ഓട്ടം തുള്ളൽ’ ട്രെയ്ലർ പുറത്തിറങ്ങി. വിശ്വാസങ്ങൾ, ജ്യോതിഷവുമായി ബന്ധപ്പെട്ട ധാരണകൾ,…
ജി. മാർത്താണ്ഡൻ സംവിധാനം ചെയ്യുന്ന പുതിയ ചിത്രം ‘ഓട്ടം തുള്ളൽ’ന്റെ ടീസർ പുറത്തിറങ്ങി. നടൻ ടൊവിനോ തോമസിന്റെ ഔദ്യോഗിക സോഷ്യൽ…
This website uses cookies.