സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ ചിത്രത്തിൽ നായകനായി ടോവിനോ തോമസ് എത്തുമെന്ന് സൂചന. ചിത്രത്തിന്റെ ഔദ്യോഗിക പ്രഖ്യാപനം ഒരുപാട് വൈകാതെ ഉണ്ടാകുമെന്നാണ് റിപ്പോർട്ടുകൾ വരുന്നത്. ഒരു ബിഗ് ബഡ്ജറ്റ് ആക്ഷൻ ചിത്രമായാവും ഈ ടോവിനോ തോമസ്- ശ്രീനാഥ് രാജേന്ദ്രൻ ചിത്രം ഒരുക്കുക എന്നാണ് വാർത്തകൾ വരുന്നത്.
ശ്രീലങ്ക ആയിരിക്കും ചിത്രത്തിന്റെ പ്രധാന ലൊക്കേഷനുകളിൽ ഒന്നെന്നും ചിത്രത്തിന്റെ ലൊക്കേഷൻ ഹണ്ട് ഉൾപ്പെടെയുള്ള ജോലികൾ പുരോഗമിക്കുകയാണെന്നും വാർത്തകൾ പറയുന്നു. ദുൽഖർ സൽമാൻ അരങ്ങേറ്റം കുറിച്ച സെക്കന്റ് ഷോ എന്ന ചിത്രം ഒരുക്കിക്കൊണ്ടാണ് ശ്രീനാഥ് രാജേന്ദ്രൻ സംവിധായകനായി അരങ്ങേറിയത്. ശേഷം ടോവിനോ തോമസ്, സണ്ണി വെയ്ൻ, ഭരത് എന്നിവരും, അതിഥി വേഷത്തിൽ മോഹൻലാലും അഭിനയിച്ച കൂതറ എന്ന ചിത്രമാണ് അദ്ദേഹം ചെയ്തത്.
മൂന്നാമത് ചെയ്ത ‘ കുറുപ്പ്’ ആണ് ശ്രീനാഥ് രാജേന്ദ്രന്റെ കരിയറിലെ ഏറ്റവും വലിയ ഹിറ്റ്. അതിലും ടോവിനോ ഒരു വേഷം ചെയ്തിരുന്നു. ടോവിനോ തോമസിനൊപ്പം മൂന്നാമതും ഒന്നിക്കാനുള്ള ഒരുക്കത്തിലാണിപ്പോൾ ശ്രീനാഥ് രാജേന്ദ്രൻ. തന്റെ കരിയറിലെ ഏറ്റവും വലിയ സോളോ ഹിറ്റായ ‘അജയന്റെ രണ്ടാം മോഷണം’ അടുത്തിടെ സമ്മാനിച്ച ടോവിനോയുടെ അടുത്ത റിലീസ് അനസ് ഖാൻ- അഖിൽ പോൾ എന്നിവർ ചേർന്നൊരുക്കുന്ന ‘ഐഡന്റിറ്റ്റി’ ആണ്. ഈ ചിത്രം ക്രിസ്മസ് റിലീസായി എത്തുമെന്നാണ് സൂചന. മോഹൻലാൽ നായകനായ പൃഥ്വിരാജ് ചിത്രം എമ്പുരാനിലും ടോവിനോ ഒരു വേഷം ചെയ്യുന്നുണ്ട്.
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
നിവിൻ പോളിയെ നായകനാക്കി ഞണ്ടുകളുടെ നാട്ടിൽ ഒരിടവേള എന്ന സൂപ്പർ ഹിറ്റ് ചിത്രം സംവിധാനം ചെയ്ത അൽത്താഫ് സലിം ഒരുക്കുന്ന…
ശ്രീനിവാസൻ സംവിധാനം ചെയ്ത ചിന്താവിഷ്ടയായ ശ്യാമള എന്ന ചിത്രത്തിലൂടെ മലയാള സിനിമ പ്രേക്ഷകരുടെ മനസ്സിലിടം പിടിച്ച നായികയാണ് സംഗീത. ഇപ്പോഴിതാ…
കിസ്മത്, തൊട്ടപ്പൻ എന്നീ ചിത്രങ്ങൾ ഒരുക്കി പ്രശസ്തനായ ഷാനവാസ് ബാവക്കുട്ടി സംവിധാനം ചെയ്ത്, ഇന്ന് പ്രേക്ഷകർക്ക് മുന്നിലെത്തിയ ചിത്രമാണ് ഒരു…
This website uses cookies.