മലയാളത്തിന്റെ യുവതാരങ്ങളായ ദുൽഖർ സൽമാൻ, ടോവിനോ തോമസ് എന്നിവർ ഒന്നിലധികം ചിത്രങ്ങളിൽ ഒരുമിച്ചു പ്രത്യക്ഷപ്പെട്ടിട്ടുണ്ട്. ദുൽഖർ സൽമാൻ നായകനായ എബിസിഡി, ചാർളി, കുറുപ്പ് എന്നീ ചിത്രങ്ങളിൽ അഭിനയിച്ചിട്ടുള്ള ടോവിനോ തോമസ് ഇപ്പോഴിതാ ദുൽഖറിനൊപ്പം ഒരിക്കൽ കൂടി സ്ക്രീനിലെത്താനുള്ള ഒരുക്കത്തിലാണ്. നവാഗതനായ അഭിലാഷ് ജോഷി ഒരുക്കുന്ന ബിഗ് ബഡ്ജറ്റ് ദുൽഖർ സൽമാൻ ചിത്രമായ കിംഗ് ഓഫ് കൊത്തയിലാണ് ടോവിനോ തോമസും അഭിനയിക്കുക. ഈ ചിത്രത്തിൽ അതിഥി താരമായി എത്തുന്ന ടോവിനോക്ക് രണ്ട് ദിവസത്തെ ഷൂട്ടിങ്ങാണ് ഉണ്ടാവുക എന്നാണ് റിപ്പോർട്ടുകൾ വരുന്നത്. കുറച്ചു ദിവസങ്ങൾക്ക് മുൻപ് ഈ ചിത്രത്തിന്റെ സെറ്റിലേക്ക് ടോവിനോ കടന്നു വരുന്ന വീഡിയോ വലിയ പ്രേക്ഷക ശ്രദ്ധ നേടിയിരുന്നു. മാസ്റ്റർ ഡയറക്ടർ ജോഷിയുടെ മകനാണ് ഇതിന്റെ സംവിധായകൻ അഭിലാഷ് ജോഷി.
അഭിലാഷ് എൻ ചന്ദ്രൻ തിരക്കഥ രചിക്കുന്ന കിംഗ് ഓഫ് കൊത്ത ഒരു മാസ്സ് പീരീഡ് ഗ്യാങ്സ്റ്റർ ഡ്രാമയായാണ് ഒരുക്കുന്നതെന്നാണ് സൂചന. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷയില് ഒരുക്കുന്ന ഈ ചിത്രം ആഗസ്റ്റ് 24ന് ഓണം റിലീസായാണ് പ്ലാൻ ചെയ്യുന്നത്. ദുൽഖർ, ടോവിനോ എന്നിവർ കൂടാതെ . പ്രസന്ന, ഐശ്വര്യ ലക്ഷ്മി, ഗോകുൽ സുരേഷ്, ശാന്തി കൃഷ്ണ, നൈല ഉഷ, ചെമ്പൻ വിനോദ്, സുധി കോപ്പ, റിതിക സിങ്, പ്രമോദ് വെളിയനാട്, കെ ജി എഫ് താരം ശരൺ എന്നിവരും വേഷമിടുന്ന ഈ ചിത്രം നിർമ്മിക്കുന്നത് ദുൽഖർ സൽമാന്റെ സ്വന്തം ബാനറായ വേഫെറർ ഫിലിംസും സീ സ്റ്റുഡിയോസും ചേർന്നാണ്. ജോഷിയുടെ പൊറിഞ്ചു മറിയം ജോസ് രചിച്ചു ശ്രദ്ധ നേടിയ ആളാണ് ഇതിന്റെ രചയിതാവായ അഭിലാഷ് എൻ ചന്ദ്രൻ.
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
രഞ്ജിത്ത് സജീവ്, ജോണി ആന്റണി,സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട ജയൻ എന്നീ ചിത്രങ്ങൾക്ക്…
കഴിഞ്ഞ അഞ്ച് വർഷത്തിനിടയിൽ, മലയാള ചലച്ചിത്രമേഖലയിലെ ഏറ്റവും മികച്ച സംഗീതസംവിധായകരിൽ ഒരാളായി മാറിയിരുക്കുകയാണ് ജേക്സ് ബിജോയ്. ടൊവിനോ തോമസിനെ കേന്ദ്ര…
ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്ത നരിവേട്ട ഇപ്പോൾ തിയറ്ററുകളിൽ ട്രെൻഡിങ്ങായി മുന്നേറുകയാണ്. ചിത്രത്തിന്റെ കളക്ഷൻ റിപ്പോർട്ട്…
This website uses cookies.