പുതിയ ചിത്രത്തിനായി വമ്പൻ വർക് ഔട്ടുമായി ടോവിനോ തോമസ്; വീഡിയോ കാണാം..!

മലയാള സിനിമയുടെ പുതു തലമുറയിലെ ഏറ്റവും ജനപ്രിയരായ താരങ്ങളിൽ ഒരാളാണ് ടോവിനോ തോമസ്. ഒട്ടേറെ ചിത്രങ്ങളുമായി തിരക്കിൽ ഉള്ള ടോവിനോയുടെ പുതിയ ചിത്രം ഈ അടുത്തിടെ ആണ് റിലീസ് ആയത്. സോണി ലൈവ് എന്ന ഒറ്റിറ്റി പ്ലാറ്റ്ഫോമിൽ റിലീസ് ചെയ്ത കാണേക്കാണേ എന്ന ചിത്രമാണ് അത്. സുരാജ് വെഞ്ഞാറമൂട്, ഐശ്വര്യ ലക്ഷ്മി എന്നിവരും പ്രധാന വേഷങ്ങൾ ചെയ്ത ചിത്രം സംവിധാനം ചെയ്തത് ഉയരെ എന്ന സൂപ്പർ ഹിറ്റ് ചിത്രം ഒരുക്കിയ മനു അശോകൻ ആണ്. മികച്ച പ്രകടനമാണ് ഈ ചിത്രത്തിൽ ടോവിനോ കാഴ്ച വെച്ചിരിക്കുന്നത്. ഇപ്പോഴിതാ സോഷ്യൽ മീഡിയയിൽ വൈറലാകുന്നത് ടോവിനോയുടെ പുതിയ വർക് ഔട്ട് വീഡിയോ ആണ്.

ടോവിനോ തന്നെ ഇൻസ്റ്റാഗ്രാമിൽ പങ്കു വെച്ച ഈ വീഡിയോയിൽ വമ്പൻ വർക് ഔട്ട് രീതികൾ ആണ് കാണാൻ സാധിക്കുന്നത്. മസിലുകൾ കൊണ്ട് കടഞ്ഞെടുത്ത ശരീരമാണ് ഇപ്പോൾ ടോവിനോ തോമസിന് ഉള്ളത്. വർഷങ്ങളായി ജിമ്മിൽ കൃത്യമായി ദിവസവും സമയം ചെലവഴിക്കുന്ന ടോവിനോ തോമസ്, ശരീരത്തിന്റെ ആരോഗ്യ കാര്യത്തിൽ ഒരു തരത്തിലുമുള്ള വിട്ടു വീഴ്‍ചകളും നടത്താത്ത ആള് കൂടിയാണ്. ടോവിനോ തോമസിന്റെ ഒട്ടേറെ വർക് ഔട്ട് വീഡിയോകൾ സോഷ്യൽ മീഡിയയിൽ പലപ്പോഴായി വൈറലായി മാറിയിട്ടുണ്ട്. ടോവിനോ തോമസ്, ഉണ്ണി മുകുന്ദൻ, പൃഥ്വിരാജ് സുകുമാരൻ, സുദേവ് നായർ, രാജീവ് പിള്ളൈ, ബാബുരാജ്, റിയാസ് ഖാൻ തുടങ്ങിയവരാണ് മലയാള സിനിമയിലെ പ്രമുഖരായ ജിമ്മൻമാർ എന്നു വേണമെങ്കിൽ നമ്മുക്ക് വിശേഷിപ്പിക്കാം. മിന്നൽ മുരളി, കുറുപ്പ്, തല്ലുമാല, വഴക്ക്, നാരദൻ, വരവ്, അജയന്റെ രണ്ടാം മോഷണം, കറാച്ചി 81, വാശി, അന്വേഷിപ്പിൻ കണ്ടെത്തും, 2403 ഫീറ്റ് എന്നിവയാണ് ഇപ്പോൾ ടോവിനോ തോമസ് കമ്മിറ്റ് ചെയ്തിട്ടുള്ള ചിത്രങ്ങൾ.