ഈ വർഷത്തെ ആറു മാസങ്ങൾ പിന്നിടുമ്പോൾ ഇന്ത്യൻ സിനിമയിൽ ചില വമ്പൻ വിജയങ്ങളും വമ്പൻ പരാജയങ്ങളും ഉണ്ടായിട്ടുണ്ട്. അതിൽ ഏറ്റവും വലിയ വിജയം നേടിയ 5 ചിത്രങ്ങൾ ഏതൊക്കെയാണെന്നും അവയുടെ ബോക്സ് ഓഫീസ് കളക്ഷൻ വിവരങ്ങളുമാണ് നിങ്ങൾക്ക് മുന്നിൽ പങ്കുവെക്കാൻ പോകുന്നത്. ബോളിവുഡിനെ കടത്തി വെട്ടി തെന്നിന്ത്യൻ ചിത്രങ്ങളാണ് ഈ ലിസ്റ്റ് ഭരിക്കുന്നതെന്നു പറയാം. ആദ്യ അഞ്ചു ചിത്രങ്ങളിൽ മൂന്നെണ്ണവും തെന്നിന്ത്യൻ ചിത്രങ്ങളാണെന്നു മാത്രമല്ല, ആദ്യ 3 സ്ഥാനങ്ങളും അവയാണ് കയ്യടക്കിയിരിക്കുന്നത്. അതിൽ തന്നെ രണ്ടു ചിത്രങ്ങൾ നേടിയത് ആയിരം കോടിക്ക് മുകളിലാണെന്ന വസ്തുതയും ഞെട്ടിക്കുന്നതാണ്.
1- കെജിഎഫ് ചാപ്റ്റര് 2
പ്രേക്ഷകർ ഏറെ കാത്തിരുന്ന, കെജിഎഫിന്റെ ഈ രണ്ടാം ഭാഗം ഇന്ത്യ മുഴുവൻ തരംഗമായി മാറി. പ്രശാന്ത് നീൽ സംവിധാനം ചെയ്ത ഈ യാഷ് ചിത്രം ഇന്ത്യക്കകത്തും പുറത്തും വലിയ വിജയമാണ് നേടിയത്. 150 കോടി മുതൽ മുടക്കിൽ നിർമ്മിച്ച ഈ ചിത്രം 1228.3 കോടി രൂപയാണ് ആഗോള ഗ്രോസ്സായി നേടിയത്. ഇന്ത്യയില് മാത്രം കെജിഎഫ് 2 872.6 കോടി രൂപ കളക്ഷൻ നേടി.
2- ആര്ആര്ആര്
രാം ചരൻ, ജൂനിയർ എൻ ടി ആർ, ആലിയ ഭട്ട്, അജയ് ദേവ്ഗൺ എന്നിവർ പ്രധാന വേഷങ്ങൾ ചെയ്ത എസ് എസ് രാജമൗലി ചിത്രം ആര്ആര്ആര് ആണ് ഈ ലിസ്റ്റിൽ രണ്ടാമത്. ആഗോള ഗ്രോസ്സായി ആർ ആർ ആർ വാരിക്കൂട്ടിയത് 1131 കോടി രൂപയാണ്. ഇന്ത്യയില് നിന്നും 784.2 കോടിയാണ് ഈ ചിത്രം കളക്ഷനായി നേടിയത്. 425 കോടി മുതൽ മുടക്കിയാണ് ആർ ആർ ആർ നിർമ്മിച്ചത്.
3- വിക്രം
കമല് ഹാസന്, വിജയ് സേതുപതി, ഫഹദ് ഫാസിൽ, സൂര്യ എന്നിവർ അണിനിരന്ന ഈ ലോകേഷ് കനകരാജ് ചിത്രം തമിഴിലെ ഇൻഡസ്ട്രി ഹിറ്റായാണ് മാറിയത്. 115 കോടി രൂപ മുതൽ മുടക്കിൽ നിർമ്മിച്ച ഈ ചിത്രം ഇതിനോടകം 400 കോടി രൂപക്ക് മുകളിൽ ആഗോള ഗ്രോസ് നേടി ഇപ്പോഴും തിയറ്ററുകളില് വിജയകരമായി പ്രദര്ശനം തുടരുകയാണ്. ജൂലൈ എട്ടിനാണ് ഇതിന്റെ ഒറ്റിറ്റി റിലീസ്.
4- കശ്മിര് ഫയല്സ്
വിവേക് അഗ്നിഹോത്രി സംവിധാനം ചെയ്ത കശ്മിര് ഫയല്സ് രാജ്യം മുഴുവനും വലിയ ചർച്ചയായി മാറിയ ചിത്രമാണ്. അനുപം ഖേർ പ്രധാന വേഷം ചെയ്ത ഈ ചിത്രം ഇന്ത്യയില് നിന്നു മാത്രം 248 കോടി രൂപ ഗ്രോസ്സായി നേടി. ആഗോള ഗ്രോസ്സായി 344.2 കോടി രൂപയാണ് ഈ ചിത്രം നേടിയെടുത്തത്.
5- ബൂല് ബുലയ്യ 2
ബോളിവുഡ് യുവ താരം കാര്ത്തിക് ആര്യൻ നായകനായ ബൂല് ബുലയ്യ 2 സർപ്രൈസ് വിജയമാണ് നേടിയത്. ഹൊറർ- കോമഡി വിഭാഗത്തിൽ പെടുന്ന ഈ ചിത്രം നിര്മിച്ചത് 75 കോടി രൂപയ്ക്കാണ്. അനീസ് ബസ്മി സംവിധാനം ചെയ്ത ഈ ചിത്രം 182 കോടി രൂപയാണ് ഇന്ത്യയിൽ നിന്ന് നേടിയത്. ആഗോള ഗ്രോസ്സായി 263.9 കോടിയാണ് ബൂൽ ബുലയ്യ 2 വാരിക്കൂട്ടിയത്.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.