[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ഈ വർഷത്തെ ഇന്ത്യൻ സിനിമയിലെ ഏറ്റവും വലിയ ഹിറ്റുകൾ; ലിസ്റ്റ് ഇതാ

ഈ വർഷത്തെ ആറു മാസങ്ങൾ പിന്നിടുമ്പോൾ ഇന്ത്യൻ സിനിമയിൽ ചില വമ്പൻ വിജയങ്ങളും വമ്പൻ പരാജയങ്ങളും ഉണ്ടായിട്ടുണ്ട്. അതിൽ ഏറ്റവും വലിയ വിജയം നേടിയ 5 ചിത്രങ്ങൾ ഏതൊക്കെയാണെന്നും അവയുടെ ബോക്സ് ഓഫീസ് കളക്ഷൻ വിവരങ്ങളുമാണ് നിങ്ങൾക്ക് മുന്നിൽ പങ്കുവെക്കാൻ പോകുന്നത്. ബോളിവുഡിനെ കടത്തി വെട്ടി തെന്നിന്ത്യൻ ചിത്രങ്ങളാണ് ഈ ലിസ്റ്റ് ഭരിക്കുന്നതെന്നു പറയാം. ആദ്യ അഞ്ചു ചിത്രങ്ങളിൽ മൂന്നെണ്ണവും തെന്നിന്ത്യൻ ചിത്രങ്ങളാണെന്നു മാത്രമല്ല, ആദ്യ 3 സ്ഥാനങ്ങളും അവയാണ് കയ്യടക്കിയിരിക്കുന്നത്. അതിൽ തന്നെ രണ്ടു ചിത്രങ്ങൾ നേടിയത് ആയിരം കോടിക്ക് മുകളിലാണെന്ന വസ്തുതയും ഞെട്ടിക്കുന്നതാണ്.

1- കെജിഎഫ് ചാപ്റ്റര്‍ 2

പ്രേക്ഷകർ ഏറെ കാത്തിരുന്ന, കെജിഎഫിന്റെ ഈ രണ്ടാം ഭാഗം ഇന്ത്യ മുഴുവൻ തരംഗമായി മാറി. പ്രശാന്ത്‌ നീൽ സംവിധാനം ചെയ്ത ഈ യാഷ് ചിത്രം ഇന്ത്യക്കകത്തും പുറത്തും വലിയ വിജയമാണ് നേടിയത്. 150 കോടി മുതൽ മുടക്കിൽ നിർമ്മിച്ച ഈ ചിത്രം 1228.3 കോടി രൂപയാണ് ആഗോള ഗ്രോസ്സായി നേടിയത്. ഇന്ത്യയില്‍ മാത്രം കെജിഎഫ് 2 872.6 കോടി രൂപ കളക്ഷൻ നേടി.

2- ആര്‍ആര്‍ആര്‍

രാം ചരൻ, ജൂനിയർ എൻ ടി ആർ, ആലിയ ഭട്ട്, അജയ് ദേവ്ഗൺ എന്നിവർ പ്രധാന വേഷങ്ങൾ ചെയ്ത എസ് എസ് രാജമൗലി ചിത്രം ആര്‍ആര്‍ആര്‍ ആണ് ഈ ലിസ്റ്റിൽ രണ്ടാമത്. ആഗോള ഗ്രോസ്സായി ആർ ആർ ആർ വാരിക്കൂട്ടിയത് 1131 കോടി രൂപയാണ്. ഇന്ത്യയില്‍ നിന്നും 784.2 കോടിയാണ് ഈ ചിത്രം കളക്ഷനായി നേടിയത്. 425 കോടി മുതൽ മുടക്കിയാണ് ആർ ആർ ആർ നിർമ്മിച്ചത്.

3- വിക്രം

കമല്‍ ഹാസന്‍, വിജയ് സേതുപതി, ഫഹദ് ഫാസിൽ, സൂര്യ എന്നിവർ അണിനിരന്ന ഈ ലോകേഷ് കനകരാജ് ചിത്രം തമിഴിലെ ഇൻഡസ്ട്രി ഹിറ്റായാണ് മാറിയത്. 115 കോടി രൂപ മുതൽ മുടക്കിൽ നിർമ്മിച്ച ഈ ചിത്രം ഇതിനോടകം 400 കോടി രൂപക്ക് മുകളിൽ ആഗോള ഗ്രോസ് നേടി ഇപ്പോഴും തിയറ്ററുകളില്‍ വിജയകരമായി പ്രദര്‍ശനം തുടരുകയാണ്. ജൂലൈ എട്ടിനാണ് ഇതിന്റെ ഒറ്റിറ്റി റിലീസ്.

4- കശ്മിര്‍ ഫയല്‍സ്

വിവേക് അഗ്നിഹോത്രി സംവിധാനം ചെയ്ത കശ്മിര്‍ ഫയല്‍സ് രാജ്യം മുഴുവനും വലിയ ചർച്ചയായി മാറിയ ചിത്രമാണ്. അനുപം ഖേർ പ്രധാന വേഷം ചെയ്ത ഈ ചിത്രം ഇന്ത്യയില്‍ നിന്നു മാത്രം 248 കോടി രൂപ ഗ്രോസ്സായി നേടി. ആഗോള ഗ്രോസ്സായി 344.2 കോടി രൂപയാണ് ഈ ചിത്രം നേടിയെടുത്തത്.

5- ബൂല്‍ ബുലയ്യ 2

ബോളിവുഡ് യുവ താരം കാര്‍ത്തിക് ആര്യൻ നായകനായ ബൂല്‍ ബുലയ്യ 2 സർപ്രൈസ് വിജയമാണ് നേടിയത്. ഹൊറർ- കോമഡി വിഭാഗത്തിൽ പെടുന്ന ഈ ചിത്രം നിര്‍മിച്ചത് 75 കോടി രൂപയ്ക്കാണ്. അനീസ് ബസ്മി സംവിധാനം ചെയ്ത ഈ ചിത്രം 182 കോടി രൂപയാണ് ഇന്ത്യയിൽ നിന്ന് നേടിയത്. ആഗോള ഗ്രോസ്സായി 263.9 കോടിയാണ് ബൂൽ ബുലയ്യ 2 വാരിക്കൂട്ടിയത്.

webdesk

Recent Posts

കംപ്ലീറ്റ് ഫൺ റൈഡാവാൻ ഷറഫുദീൻ – അനുപമ പരമേശ്വരൻ ചിത്രം; “പെറ്റ് ഡിറ്റക്ടീവ്” തീം സോങ്ങ് പുറത്തിറങ്ങി.

ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…

9 hours ago

അടിച്ചു മോനേ, സഞ്ജു സാംസൺ സെഞ്ച്വറി അടിച്ചു.. സെന്ന ഹെഗ്ഡെയുടെ ‘അവിഹിതം’ ട്രെയിലർ പുറത്തിറങ്ങി.

ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…

9 hours ago

ഞെട്ടിക്കാൻ റിമ കല്ലിങ്കൽ. ‘തീയേറ്റർ’ റഷ്യയിലെ കാസാനിലേക്ക് ; ചിത്രം ഒക്ടോബർ 16ന് തീയറ്ററുകളിൽ എത്തും.

ദേശീയ പുരസ്‌കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…

3 days ago

പ്രണയത്തിന് ആയുസുണ്ടോ?; നവ്യ നായർ – സൗബിൻ ഷാഹിർ ചിത്രം “പാതിരാത്രി”യുടെ ടീസർ പുറത്തിറങ്ങി.

നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…

4 days ago

നവ്യ നായർ- സൗബിൻ ഷാഹിർ ചിത്രം “പാതിരാത്രി” ടീസർ നാളെ; റിലീസ് ചെയ്യുന്നത് മമ്മൂട്ടി

നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…

5 days ago

ഇടിവെട്ട് ആക്ഷനുമായി ‘ബൾട്ടി’ ട്രെയിലർ പുറത്ത്, ചിത്രം സെപ്റ്റംബർ 26ന് തിയേറ്ററുകളിൽ

കേരള - തമിഴ്നാട് അതിർത്തിയിലെ വേലംപാളയം എന്ന സ്ഥലത്തെ എന്തിനും ഏതിനും പോന്ന നാല് കൂട്ടുകാരുടെ കഥയുമായി തിയേറ്ററുകള്‍ കീഴടക്കാൻ…

5 days ago

This website uses cookies.