മലയാളത്തിലെ പ്രശസ്ത സംവിധായകരിലൊരാളാണ് ടി കെ രാജീവ് കുമാർ. ഒട്ടേറെ മികച്ച ചിത്രങ്ങൾ മലയാള സിനിമാ പ്രേമികൾക്കു സമ്മാനിച്ചിട്ടുള്ള അദ്ദേഹം മെഗാ സ്റ്റാർ മമ്മൂട്ടിയെ വെച്ച് ഒരു ചിത്രം ഒരുക്കാനുള്ള തയ്യാറെടുപ്പിലാണെന്ന വാർത്തകളാണ് പുറത്തു വരുന്നത്. കമൽ ഹാസൻ നായകനായ ചാണക്യൻ എന്ന ചിത്രമൊരുക്കി അരങ്ങേറ്റം കുറിച്ച അദ്ദേഹം മമ്മൂട്ടി, മോഹൻലാൽ, തുടങ്ങിയവരെ നായകന്മാരാക്കിയും ചിത്രങ്ങൾ ചെയ്തിട്ടുണ്ട്. മമ്മൂട്ടി നായകനായ മഹാനഗരം ഒരുക്കിയ അദ്ദേഹം മോഹൻലാലിനെ നായകനാക്കി പവിത്രം, തച്ചോളി വർഗീസ് ചേകവർ, ഒരു നാൾ വരും എന്നീ ചിത്രങ്ങളുമൊരുക്കി. ക്ഷണക്കത്തു, ഒറ്റയാൾ പട്ടാളം, കണ്ണെഴുതി പൊട്ടും തൊട്ട്, ജലമർമ്മരം, വക്കാലത്തു നാരായണൻ കുട്ടി, ശേഷം, ഇവർ, സീത കല്യാണം, രതിനിർവേദം, തത്സമയം ഒരു പെൺകുട്ടി, അപ് ആൻഡ് ഡൌൺ, കോളാമ്പി എന്നീ മലയാള ചിത്രങ്ങളും ഏതാനും ഹിന്ദി ചിത്രങ്ങളും അദ്ദേഹം സംവിധാനം ചെയ്തിട്ടുണ്ട്. ഇതിൽ കോളാമ്പി എന്ന ചിത്രം ഇനി റിലീസ് ചെയ്യാനുള്ള ചിത്രമാണ്. താൻ മെഗാ സ്റ്റാർ മമ്മൂട്ടിയെ നായകനാക്കി ഒരു ഇംഗ്ലീഷ് ചിത്രം പ്ലാൻ ചെയ്യുന്നുണ്ട് എന്ന വിവരമാണ് കുറച്ചു നാൾ മുൻപ് ടി കെ രാജീവ് കുമാർ പുറത്തു വിട്ടത്.
മമ്മൂട്ടിയോട് താൻ ചിത്രത്തിന്റെ കഥ പറഞ്ഞിട്ടുണ്ട് എന്നും അദ്ദേഹത്തിന്റെ തീരുമാനത്തിന് കാത്തിരിക്കുകയാണെന്നും ടി കെ രാജീവ് കുമാർ ന്യൂസ് 18 ചാനലിന് നൽകിയ അഭിമുഖത്തിൽ പറയുന്നു. ഇന്ത്യയിലെ ഏറ്റവും മികച്ച നടന്മാരിലൊരാളായ മമ്മൂട്ടിക്ക് വെല്ലുവിളിയായേക്കാവുന്ന ഒരു കഥാപാത്രമാണ് ആ ചിത്രത്തിലെ നായക വേഷമെന്നും അദ്ദേഹം പറയുന്നു. ഇന്ത്യക്കു പുറത്തു ചിത്രീകരിക്കേണ്ട വളരെ റിയലിസ്റ്റിക് ആയ ഒരു ചിത്രമായിരിക്കുമിതെന്നും മമ്മൂട്ടിയോടൊപ്പം ഹോളിവുഡിലെ ഒരു വലിയ നടിയെയും കൂടി ഈ ചിത്രത്തിന് ആവശ്യമുണ്ടെന്നും അദ്ദേഹം പറയുന്നു. ഒരു മലയാളിയാണ് ഈ കഥയിലെ നായകനെന്നതു കൊണ്ടാണ് താൻ മമ്മൂട്ടിയെ സമീപിച്ചതെന്നും അദ്ദേഹം അത് സ്വീകരിക്കുമെന്നാണ് പ്രതീക്ഷയെന്നും ടി കെ രാജീവ് കുമാർ പറഞ്ഞു.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.