സൂര്യ, ലിജോമോൾ ജോസ്, രജിഷ വിജയൻ എന്നിവർ പ്രധാന കഥാപാത്രങ്ങൾ ചെയ്ത ജയ് ഭീം എന്ന സൂപ്പർ ഹിറ്റ് ചിത്രം ഒരുക്കിയ സംവിധായകനാണ് ടി.ജെ. ജ്ഞാനവേല്. ആമസോൺ പ്രൈം റിലീസ് ആയെത്തിയ ഈ ചിത്രം ഗംഭീര പ്രേക്ഷക പ്രതികരണവും നിരൂപക പ്രശംസയും നേടിയെടുക്കുകയും ആഗോള തലത്തിൽ വരെ ശ്രദ്ധിക്കപ്പെടുകയും ചെയ്തു. സൂര്യയും ഭാര്യ ജ്യോതികയും ചേർന്ന് നിർമ്മിച്ച ഈ ചിത്രം യഥാർത്ഥ സംഭവത്തെ ആസ്പദമാക്കി, തമിഴ്നാട്ടിലെ താഴ്ന്ന ജാതിക്കാർ നേരിടുന്ന പ്രശ്നങ്ങളും അടിച്ചമർത്തലുകളും ആണ് പ്രേക്ഷകർക്ക് മുന്നിലെത്തിച്ചത്. തമിഴ്നാട്ടിലെ പാമ്പു പിടുത്തം, വിഷ ചികിത്സ എന്നിവ നടത്തുന്ന ഇരുളർ വിഭാഗത്തിന്റെ കഥയാണ് ഈ ചിത്രം പറഞ്ഞത്. ജയ് ഭീം എന്ന ചിത്രം അവരുടെ ജീവിതത്തിൽ തന്നെ മാറ്റങ്ങൾ ഉണ്ടാക്കി. ഇപ്പോഴിതാ അതിനു ശേഷം താൻ ചെയ്യാൻ പോകുന്ന പുതിയ ചിത്രം പ്രഖ്യാപിച്ചിരിക്കുകയാണ് ഈ സംവിധായകൻ.
ദോശ കിംഗ് എന്ന് പേരിട്ടിരിക്കുന്ന ഈ ചിത്രത്തിന്റെ പ്രഖ്യാപനം മുംബൈയിലാണ് നടന്നത്. ഹോട്ടല് ഉടമയായ പി. രാജഗോപാലിനെതിരേ 2001-ല് ജീവജ്യോതി ശാന്തകുമാര് എന്ന സ്ത്രീ നടത്തിയ നിയമപോരാട്ടത്തിന്റെ കഥയാണ് ഈ ചിത്രം പ്രേക്ഷകർക്ക് മുന്നിലവതരിപ്പിക്കുക. ജംഗ്ളി പിക്ചേഴ്സ് നിർമ്മിക്കാൻ പോകുന്ന ഈ ചിത്രം ശരവണഭവന് ഹോട്ടല് ശൃംഖലയുടെ ഉടമസ്ഥന് പി. രാജഗോപാല് പ്രതിയായ കേസാണ് നമ്മുക്ക് മുന്നിലെത്തിക്കുക. തന്റെ ഭർത്താവ് ശാന്തകുമാറിനെ കൊന്നവനെ നിയമത്തിന്റെ മുന്നിലെത്തിക്കാൻ ജീവജ്യോതി നടത്തിയ പോരാട്ടമാണ് ഈ ചിത്രത്തിന്റെ പ്രമേയം. ഇതിലെ താരങ്ങൾ ആരൊക്കെയാണെന്ന വിവരം വൈകാതെ പ്രഖ്യാപിക്കുമെന്നാണ് സൂചന. സൂര്യ വീണ്ടും ടി.ജെ. ജ്ഞാനവേല് ഒരുക്കുന്ന ചിത്രത്തിന്റെ ഭാഗമാകുമെന്നു നേരത്തെ വാർത്തകൾ വന്നിരുന്നു. അത് ഈ ചിത്രമാണോയെന്നറിയാനുള്ള ആകാംക്ഷയിലാണ് പ്രേക്ഷകർ.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
സൂപ്പർസ്റ്റാർ രജനികാന്തിനെ നായകനാക്കി ടി ജെ ജ്ഞാനവേൽ രചിച്ചു സംവിധാനം ചെയ്ത വേട്ടയ്യൻ്റെ സെൻസറിംഗ് പൂർത്തിയായി. യു എ സർട്ടിഫിക്കറ്റ്…
പൃഥ്വിരാജ് സുകുമാരനെ നായകനാക്കി അമൽ നീരദ് സംവിധാനം ചെയ്ത മാസ്സ് ആക്ഷൻ ത്രില്ലർ ചിത്രം അൻവർ റീ റിലീസിനെത്തുന്നു. പൃഥ്വിരാജ്…
ആസിഫ് അലി നായകനായ കിഷ്കിന്ധാ കാണ്ഡം ആഗോള ഗ്രോസ് ആയി 70 കോടിയിലേക്ക് അടുക്കുന്നു. കേരളത്തിൽ നിന്ന് മാത്രം 30…
ലോകേഷ് കനകരാജ് സംവിധാനം ചെയ്യുന്ന കൂലിയുടെ ചിത്രീകരണത്തിനിടെ കടുത്ത ദേഹാസ്വാസ്ഥ്യം അനുഭവപ്പെട്ട സൂപ്പർസ്റ്റാർ രജനികാന്തിനെ അടിയന്തിരമായി ആശുപത്രിയിൽ പ്രവേശിപ്പിച്ചു. കടുത്ത…
കിസ്മത്ത്, തൊട്ടപ്പന് എന്നീ ചിത്രങ്ങള്ക്ക് ശേഷം ഷാനവാസ് കെ ബാവക്കുട്ടി സംവിധാനം ചെയ്യുന്ന 'ഒരു കട്ടില് ഒരു മുറി' യുടെ…
This website uses cookies.