ഉലകനായകൻ കമൽഹാസൻ നായകനായി എത്തുന്ന ഏറ്റവും പുതിയ ചിത്രമാണ് ഇന്ത്യൻ 2. സൂപ്പർ ഹിറ്റ് സംവിധായകൻ ശങ്കർ ഒരുക്കുന്ന ഈ ചിത്രം ഏകദേശം രണ്ട് വർഷം മുൻപ് ആരംഭിച്ചിരുന്നുവെങ്കിലും, കോവിഡ് പ്രതിസന്ധി മൂലമുണ്ടായ ചില പ്രശ്നങ്ങളും, ചിത്രത്തിന്റെ ഷൂട്ടിംഗ് സെറ്റില് ക്രയിന് താഴെ വീണ് അണിയറ പ്രവര്ത്തകര് കൊല്ലപ്പെട്ടതും, നിര്മാണ കമ്പനിയായ ലൈക്ക പ്രൊഡക്ഷന്സ് നേരിട്ട സാമ്പത്തിക പ്രതിസന്ധിയുമൊക്കെയായി നിന്ന് പോയിരുന്നു. ഇപ്പോൾ ലൈക്കക്കൊപ്പം റെഡ് ജയന്റ് മൂവീസ് കൂടി ചേർന്നാണ് ഈ ചിത്രം നിർമ്മിക്കാൻ പോകുന്നത്. ഈ മാസം ആരംഭിക്കാൻ പോകുന്ന ഇന്ത്യൻ 2 ഒരുക്കാൻ ഷങ്കറിനെ സഹായിക്കാനായി മൂന്ന് സംവിധായകൻ കൂടിയെത്തുന്നു എന്ന വാർത്തയാണ് ഇപ്പോൾ തമിഴിൽ നിന്നും വരുന്നത്. വസന്തബാലൻ, ചിമ്പുദേവൻ, അറിവഴകൻ എന്നിവരാണ് ഈ ചിത്രത്തിൽ ഷങ്കറിനെ സഹായിക്കാൻ എത്തുകയെന്നാണ് സൂചന.
കമൽ ഹാസൻ ഉൾപ്പെട്ട ചിത്രത്തിന്റെ പ്രധാന ഭാഗങ്ങൾ ഷങ്കർ ഒരുക്കുമ്പോൾ, മറ്റു സഹകഥാപാത്രങ്ങൾ മാത്രമുള്ള സീനുകൾ മേൽപ്പറഞ്ഞ സംവിധായകരാവും ഒരുക്കുകയെന്നാണ് റിപ്പോർട്ടുകൾ പറയുന്നത്. കാജൽ അഗർവാൾ നായികാ വേഷം ചെയ്യുന്ന ഈ ചിത്രത്തിൽ രാകുൽ പ്രീത് സിംഗ്, പ്രിയ ഭവാനി ശങ്കര്, സിദ്ധാര്ഥ്, കാർത്തിക്, ഗുരു സോമസുന്ദരം, ബോബി- സിംഹ, മനോബല, ഗുൽഷൻ ഗ്രോവർ, അഖിലേന്ദ്ര മിശ്ര, കല്യാണി എന്നിവരാണ് മറ്റു പ്രധാന വേഷങ്ങൾ ചെയ്യുന്നത്. അനിരുദ്ധ് രവിചന്ദർ സംഗീതമൊരുക്കുന്ന ഈ ചിത്രത്തിന് ക്യാമറ ചലിപ്പിക്കുന്നത് രവി വർമ്മൻ, എഡിറ്റ് ചെയ്യുന്നത് ശ്രീകർ പ്രസാദ് എന്നിവരാണ്. 1996 ഇൽ കമൽ ഹാസൻ- ഷങ്കർ ടീമിൽ നിന്ന് വന്ന ഇന്ത്യൻ എന്ന ട്രെൻഡ് സെറ്റർ ചിത്രത്തിന്റെ രണ്ടാം ഭാഗമാണ് ഇന്ത്യൻ 2. ഇത് കൂടാതെ റാം ചരൺ നായകനായ പുതിയ ചിത്രവും ഇപ്പോൾ സംവിധാനം ചെയ്യുകയാണ് ഷങ്കർ.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.