[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

സ്ഫടികം ഒന്നേ ഉള്ളു, അത് സംഭവിച്ചു കഴിഞ്ഞു; ആട് തോമ സ്റ്റൈൽ മറുപടിയുമായി സംവിധായകൻ ഭദ്രൻ..!

കഴിഞ്ഞ ദിവസം മുഴുവൻ സോഷ്യൽ മീഡിയയിലെ പ്രധാന ചർച്ചാ വിഷയം സ്ഫടികം എന്ന ചിത്രത്തിന്റെ രണ്ടാം ഭാഗം ഒരുങ്ങുന്നു എന്ന ഒരു റിപ്പോർട്ടിനെ കുറിച്ചായിരുന്നു. മലയാളത്തിലെ ഒരു യുവ സൂപ്പർ താരത്തിനെ നായകനാക്കി താൻ സ്ഫടികം 2 എന്ന പേജിൽ സ്ഫടികത്തിന്റെ രണ്ടാം ഭാഗം ഒരുക്കുന്നു എന്ന് ബിജു ജെ കട്ടക്കൽ എന്ന സംവിധായകനാണ് ഫേസ്ബുക് പോസ്റ്റിലൂടെ അറിയിച്ചത്. ആട് തോമയുടെ മകൻ ഇരുമ്പൻ സണ്ണിയുടെ കഥയാണ് ഈ ചിത്രം പറയുക എന്നും ഈ ചിത്രത്തിൽ ബോളിവുഡ് നടി സണ്ണി ലിയോണും എത്തുമെന്നും അറിയിച്ചിരുന്നു. അതോടു സോഷ്യൽ മീഡിയയിൽ സിനിമാ പ്രേമികൾ ഈ സംവിധായകന് എതിരെ തിരിഞ്ഞു. ഇന്നും തങ്ങളുടെ മനസ്സിൽ ജ്വലിച്ചു നിൽക്കുന്ന മാസ്സ് ഹീറോ ആയ മോഹൻലാലിന്റെ ആട് തോമയും സ്ഫടികവും ഒന്നേ ഉള്ളു എന്നും അതിനിനി ആരും രണ്ടാം ഭാഗവുമായി വരണ്ട എന്നും സിനിമ പ്രേമികൾ തീർത്തു പറഞ്ഞു. ഇപ്പോഴിതാ തന്റെ ചിത്രത്തിന് രണ്ടാം ഭാഗം ഒരുക്കുന്നു എന്ന വാർത്തക്കെതിരെ സ്ഫ്ടികത്തിന്റെ സംവിധായകൻ ഭദ്രനും പ്രതികരിച്ചിരുന്നു.

ആട് തോമ സ്റ്റൈലിൽ മാസ്സ് മറുപടിയുമായാണ് ഭദ്രൻ എത്തിയത്. സ്ഫടികം ഒന്നേയുള്ളു അത് സംഭവിച്ചു കഴിഞ്ഞു എന്ന് പറഞ്ഞ ഭദ്രൻ തന്റെ ഫേസ്ബുക് സ്റ്റാറ്റസ് ആയി ഇട്ടതു, ആട് തോമയുടെ പ്രശസ്തമായ തീപ്പൊരി ഡയലോഗ് ആണ്.” മോനെ ഇതെന്റെ റെയ്ബാൻ ഗ്ലാസ്, ഇതിൽ എങ്ങാനും നീ തൊട്ടാൽ “ എന്നാണ് ഭദ്രൻ പറയുന്നത്. സ്ഫടികത്തിനു രണ്ടാം ഭാഗം ഉണ്ടാവില്ലെന്നും അതിനു അനുവദിക്കില്ലെന്നും ഭദ്രൻ മാധ്യമങ്ങളോട് പറഞ്ഞു. സിനിമയുടെ അവകാശം പൂർണ്ണമായും എഴുത്തുകാരനും സംവിധായകനും ആയ തനിക്കും നിർമ്മാതാവ് ഗുഡ് നൈറ്റ് മോഹനും ആണെന്നും ഭദ്രൻ അറിയിച്ചു. തങ്ങളോട് അനുവാദം ചോദിക്കാതെ ആണ് ഇങ്ങനെ ഒരു പ്രഖ്യാപനം നടത്തിയത് എന്നും ഭദ്രൻ പറഞ്ഞു. മലയാള സിനിമയിലെ എക്കാലത്തെയും വലിയ വിജയങ്ങളിൽ ഒന്നായ സ്ഫടികം 1995 ലെ ഏറ്റവും വലിയ ബോക്സ് ഓഫീസ് വിജയവും ആയിരുന്നു. ഈ ചിത്രത്തിലെ ആട് തോമ ആയുള്ള മോഹൻലാലിന്റെ വിസ്മയിപ്പിക്കുന്ന പ്രകടനം അദ്ദേഹത്തിന് സംസ്ഥാന പുരസ്‌കാരം അടക്കം നേടിക്കൊടുക്കുകയും മലയാളികൾ ഏറ്റവുമധികം ആരാധിക്കുന്ന മാസ്സ് ഹീറോ ആയി ആട് തോമയെ മാറ്റുകയും ചെയ്തു.

webdesk

Recent Posts

ഷെയിൻ നിഗത്തിൻ്റെ സിനിമ സൂപ്പർഹിറ്റാവുന്നതിൽ അസ്വസ്ഥത ആർക്കാണ്? സോഷ്യൽ മീഡിയ പോസ്റ്റുമായി നിർമാതാവ് സന്തോഷ് ടി കുരുവിള

ഉണ്ണി ശിവലിംഗം സംവിധാനം ചെയ്ത, ഷെയിൻ നിഗത്തിൻ്റെ ഇരുപത്തിയഞ്ചാമത് ചിത്രമായ 'ബൾട്ടി' നിറഞ്ഞ സദ്ദസുകളിൽ പ്രദർശനം തുടരുകയാണ്. സൈലൻ്റായി വന്ന്…

6 days ago

മമ്മൂട്ടി – മോഹൻലാൽ – മഹേഷ് നാരായണൻ – ആൻ്റോ ജോസഫ് ചിത്രം “പാട്രിയറ്റ്” ടൈറ്റിൽ ടീസർ പുറത്ത്

മലയാളത്തിൻ്റെ മഹാനടന്മാരായ മമ്മൂട്ടി, മോഹൻലാൽ എന്നിവരെ കേന്ദ്ര കഥാപാത്രങ്ങളാക്കി മഹേഷ് നാരായണൻ ഒരുക്കുന്ന മൾട്ടിസ്റ്റാർ ചിത്രത്തിന്റെ ടൈറ്റിൽ ടീസർ പുറത്ത്.…

1 week ago

കുടുംബസമേതം കാണാൻ പറ്റിയ ‘അവിഹിതം’ എത്തുന്നു ഒക്ടോബർ 10ന്..

സെന്ന ഹെഗ്ഡെയുടെ സംവിധാനത്തിൽ ഒരുങ്ങുന്ന ‘അവിഹിതം’ ചിത്രത്തിന്റെ സെൻസറിങ് പൂർത്തിയായി. ഒക്ടോബർ പത്തിന് പ്രദർശനത്തിനൊരുങ്ങുന്നു സിനിമയ്ക്ക് U/A സർട്ടിഫിക്കറ്റ് ആണ്…

1 week ago

കിഷ്കിന്ധ കാണ്ഡത്തിനു ശേഷം ദിൻജിത് അയ്യത്താനും ബാഹുൽ രമേശും വീണ്ടും ഒന്നിക്കുന്നു, നായകൻ സന്ദീപ് പ്രദീപ്.

പ്രേക്ഷകരെ ആകാംഷയുടെ മുൾമുനയിൽ നിർത്തിയ ബ്ലോക്ക് ബസ്റ്റർ ചിത്രം കിഷ്കിന്ധ കാണ്ഡത്തിനു ശേഷം തിരക്കഥാകൃത്ത് ബാഹുൽ രമേശും സംവിധായകൻ ദിൻജിത്…

1 week ago

ചാത്തനോ മാടനോ അതോ മറുതയോ; ആകാംഷയുണർത്തി ‘നെല്ലിക്കാംപൊയിൽ നൈറ്റ് റൈഡേഴ്സ്’ പ്രോമോ സീൻ..

മാത്യു തോമസിനെ നായകനാക്കി, പ്രശസ്ത എഡിറ്റർ നൗഫൽ അബ്ദുള്ള ആദ്യമായി സംവിധാനം ചെയ്ത 'നെല്ലിക്കാംപൊയിൽ നൈറ്റ് റൈഡേഴ്‌സ്' എന്ന റൊമാൻ്റിക്…

1 week ago

റെട്രോ വൈബിൽ തകർത്താടി ഷറഫുദീനും അനുപമ പരമേശ്വരനും; പെറ്റ് ഡിറ്റക്ടീവിലെ “തരളിത യാമം” ഗാനം പുറത്ത്..

ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിലെ "തരളിത യാമം"എന്ന പുതിയ…

1 week ago

This website uses cookies.