[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

റീമേക്കുകളുടെ കാലം കഴിഞ്ഞു; പുതിയ പ്രൊജെക്ടുകളെ കുറിച്ച് വെളിപ്പെടുത്തി പ്രിയദർശൻ..!

ഇന്ത്യൻ സിനിമ കണ്ട ഏറ്റവും മികച്ച സംവിധായകരിലൊരാളായ മലയാളി സംവിധായകനാണ് പ്രിയദർശൻ. എന്നാൽ ബോളിവുഡിൽ ഏറ്റവും കൂടുതൽ ചിത്രങ്ങൾ സംവിധാനം ചെയ്ത സംവിധായകരുടെ ലിസ്റ്റിൽ രണ്ടാം സ്ഥാനമലങ്കരിക്കുന്നതും ഈ മലയാളിയാണ്. മലയാളം, തമിഴ്. തെലുങ്കു, ഹിന്ദി ഭാഷകളിലായി 94 ചിത്രങ്ങൾ സംവിധാനം ചെയ്ത പ്രിയദർശൻ വമ്പൻ കൊമേർഷ്യൽ വിജയങ്ങൾക്കൊപ്പം ദേശീയ അംഗീകാരം നേടിയ ക്ലാസ് ചിത്രങ്ങളും പ്രേക്ഷകർക്ക് സമ്മാനിച്ചിട്ടുണ്ട്. മലയാളത്തിൽ മൂന്നു ഇൻഡസ്ട്രി ഹിറ്റ് ചിത്രങ്ങൾ സമ്മാനിച്ച ഒരേയൊരു സംവിധായകൻ മാത്രമേയുള്ളു, അത് പ്രിയദർശനാണ്. ചിത്രം, കിലുക്കം, ചന്ദ്രലേഖ എന്നീ ചിത്രങ്ങളിലൂടെ ഇൻഡസ്ട്രി ഹിറ്റുകൾ സമ്മാനിച്ച പ്രിയദർശൻ മലയാളത്തിൽ ഒരുക്കിയതിൽ തൊണ്ണൂറു ശതമാനം ചിത്രങ്ങളും സൂപ്പർ ഹിറ്റുകളാണ് എന്ന് മാത്രമല്ല, മലയാളത്തിലെ ഒട്ടേറെ ചിത്രങ്ങൾ അദ്ദേഹം ഹിന്ദിയിലേക്ക് റീമേക് ചെയ്യുകയും അവിടേയും വമ്പൻ വിജയങ്ങൾ സൃഷ്ടിക്കുകയും ചെയ്തു. ഇപ്പോൾ ഹംഗാമ എന്ന തന്റെ സൂപ്പർ ഹിറ്റ് ബോളിവുഡ് ചിത്രത്തിന്റെ രണ്ടാം ഭാഗം ഒരുക്കുന്ന പ്രിയദർശൻ അടുത്തതായി ചെയ്യാൻ പോകുന്നത് അക്ഷയ് കുമാർ നായകനായ ഒരു ഹിന്ദി ചിത്രമാണ്.

എന്നാൽ ആ ചിത്രം റീമേക് ആയിരിക്കില്ല എന്നും റീമേക്ക് ചിത്രങ്ങളുടെ കാലം കഴിഞ്ഞെന്നുമാണ് പ്രിയദർശൻ പറയുന്നത്. താൻ റീമേക് ചെയ്ത ചിത്രങ്ങളിൽ ഏറ്റവും മികച്ചവ പൂച്ചക്കൊരു മൂക്കുത്തിയുടെ ഹിന്ദി റീമേക്കായ ഹംഗാമയും ബോയിങ് ബോയിങ്ങിന്റെ ഹിന്ദി റീമേക് ആയ ഗരം മസാലയും ആണെന്ന് പറഞ്ഞ പ്രിയദർശൻ, അഭിനേതാക്കളുടെ പ്രകടനം മാറ്റി നിർത്തിയാൽ ബാക്കി എല്ലാ അർത്ഥത്തിലും ഒറിജിനലിനേക്കാൾ മികച്ചവയായിരുന്നു ആ റീമേക്കുകൾ എന്നാണ് പറയുന്നത്. മാത്രമല്ല താൻ റീമേക് ചെയ്തതിൽ നന്നാവാതെ പോയി എന്ന് പ്രിയൻ വിശ്വസിക്കുന്നത് അനിയത്തിപ്രാവിന്റെ റീമേക്കായ ഡോലി സജാക്കെ രഖ്‌നാ ആണ്. കിലുക്കം റീമേക് ചെയ്തപ്പോൾ തങ്ങൾ ആദ്യം ആലോചിച്ച താരനിരയായ ആമിർ ഖാൻ, പൂജ ഭട്ട് ജോഡിയുമായി തന്നെ മുന്നോട്ടു പോയിരുന്നെങ്കിൽ ആ റീമേക്കും മികച്ചു നിൽക്കുമായിരുന്നു എന്ന് വിശ്വസിക്കുന്നുവെന്നും പ്രിയദർശൻ പറഞ്ഞു. ദി ന്യൂസ് മിനിട്ടിനു നൽകിയ പ്രത്യേക അഭിമുഖത്തിലാണ് അദ്ദേഹമിതു വ്യക്തമാക്കിയത്.

webdesk

Recent Posts

സിനിമാ വിതരണ രംഗത്ത് സെഞ്ച്വറി ഫിലിംസുമായി പനോരമ സ്റ്റുഡിയോസ് കൈകോർക്കുന്നു

പനോരമ സ്റ്റുഡിയോസ് തങ്ങളുടെ മലയാള സിനിമകളുടെ വിതരണത്തിനായി മലയാള സിനിമയിലെ പ്രശസ്ത ബാനറായ സെഞ്ചുറി ഫിലിംസുമായി ദീർഘകാല പങ്കാളിത്തം പ്രഖ്യാപിച്ചു.…

4 days ago

‘ആശാൻ’ വിതരണത്തിനെടുത്ത് ദുൽക്കർ സൽമാന്റെ വെഫയറർ ഫിലിംസ്

മലയാള സിനിമയിൽ ഇതിനോടകം തന്നെ വലിയ പ്രതീക്ഷകൾക്ക് വഴിതുറന്ന 'ആശാൻ' എന്ന ചിത്രം വിതരണത്തിനെടുത്ത് ദുൽക്കർ സൽമാന്റെ പ്രമുഖ നിർമ്മാണ-വിതരണ…

1 week ago

ഫീൽ ഗുഡ് നിവിൻ പോളിയെ കണ്ട് മനസ്സ് നിറഞ്ഞ് പ്രേക്ഷകർ, ‘സർവ്വം മായ’ എല്ലായിടത്തും ഹൗസ് ഫുൾ

പ്രേക്ഷകർ ഏറെ ആകാംഷയോടെ കാത്തിരുന്ന സിനിമയാണ്, അഖിൽ സത്യൻ- നിവിൻ പോളി കൂട്ടുകെട്ടിൽ ഒരുങ്ങിയ ഫാന്റസി ഹൊറർ കോമഡി ചിത്രം…

3 weeks ago

ദിലീപ് കുറ്റവിമുക്തൻ, നടിയെ ആക്രമിച്ച കേസിൽ ദിലീപിനെതിരെ തെളിവില്ലെന്ന് കോടതി

നടിയെ ആക്രമിച്ച കേസിൽ എട്ടു വർഷത്തിന് ശേഷം വിധി. കേസിലെ ഒന്ന് മുതൽ ആറ് വരെ പ്രതികളെ കുറ്റക്കാർ എന്ന്…

1 month ago

രാജേഷ് മാധവന്റെ സംവിധാനത്തിൽ ഒരുങ്ങിയ “പെണ്ണും പൊറാട്ടും” IFFIയിലും IFFKയിലും പ്രദർശിപ്പിക്കും.

പ്രശസ്ത നടൻ രാജേഷ് മാധവൻ ആദ്യമായി സംവിധാനം ചെയ്യുന്ന “പെണ്ണും പൊറാട്ടും” എന്ന ചിത്രം നവംബർ 26 തീയതി IFFI…

2 months ago

അഭിനയത്തികവിന്റെ മമ്മൂട്ടി മാജിക് വീണ്ടും; കളങ്കാവൽ ട്രെയ്‌ലർ പുറത്ത്, ചിത്രം നവംബർ 27 ന്

മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്‌ലർ പുറത്ത്. നവംബർ 27…

2 months ago

This website uses cookies.