ദളപതി വിജയ്യെ നായകനാക്കി വെങ്കട് പ്രഭു ഒരുക്കിയ പുതിയ ചിത്രമായ ഗോട്ട്, സമ്മിശ്ര പ്രതികരണങ്ങൾക്കിടയിലും മികച്ച ബോക്സ് ഓഫീസ് കളക്ഷൻ നേടി മുന്നോട്ട് കുതിക്കുകയാണ്. ഇതിനോടകം ആഗോള തലത്തിൽ 330 കോടിക്ക് മുകളിൽ ഗ്രോസ് നേടിയ ഈ ചിത്രം, ഇതിന്റെ ഫൈനൽ റണ്ണിൽ 400 കോടി മറികടക്കുമെന്നാണ് പ്രതീക്ഷിക്കപ്പെടുന്നത്.
അച്ഛനും മകനുമായി വിജയ് ഇരട്ട വേഷത്തിലെത്തിയ ഈ ചിത്രത്തിൽ ഡീ ഏജിങ് ടെക്നോളജിയും ഉപയോഗിച്ചിട്ടുണ്ട്. ഇപ്പോഴിതാ, ഈ ചിത്രത്തിന് തീർച്ചയായും ഒരു രണ്ടാം ഭാഗം ഉണ്ടാകുമെന്നു പറയുകയാണ് സംവിധായകൻ വെങ്കട് പ്രഭു. ഒരു തമിഴ് മാധ്യമത്തിന് നൽകിയ അഭിമുഖത്തിലാണ് അദ്ദേഹം രണ്ടാം ഭാഗത്തിന്റെ സൂചന നൽകിയത്. ‘ദ ഗോട്ട് Vs ഒ ജി’ ആയിരിക്കും ഇതിന്റെ രണ്ടാം ഭാഗമെന്നും അദ്ദേഹം സൂചിപ്പിക്കുന്നു. ഗോട്ട് ചിത്രത്തിന്റെ അവസാനം കാണിക്കുന്ന ക്രെഡിറ്റ് സീനുകളിൽ ഒരു രണ്ടാം ഭാഗത്തിനുള്ള സ്കോപ് സംവിധായകൻ തുറന്നിട്ടിട്ടുമുണ്ട്.
എന്നാൽ രാഷ്ട്രീയ പ്രവേശനം മൂലം, എച്ച് വിനോദ് ഒരുക്കുന്ന തന്റെ പുതിയ ചിത്രത്തിന് ശേഷം വിജയ് സിനിമയിൽ നിന്ന് വിരമിക്കും എന്ന വാർത്തകൾ വരുന്നത് കൊണ്ട് തന്നെ, അദ്ദേഹം ഇല്ലാതെ എങ്ങനെ വെങ്കട് പ്രഭു ഒരു രണ്ടാം ഭാഗം പ്ലാൻ ചെയ്യുമെന്നും ആരാധകരും സിനിമാ പ്രേമികളും ചോദിക്കുന്നുണ്ട്. ഏതായാലും, വിജയ് സിനിമയിൽ നിന്ന് മാറാതെ, ഇടക്കെങ്കിലും ഓരോ ചിത്രങ്ങൾ സമ്മാനിക്കുമെന്നാണ് ആരാധകരും പ്രതീക്ഷിക്കുന്നത്.
വൻ വിജയം നേടി മുന്നേറുന്ന ഗോട്ടിൽ മീനാക്ഷി ചൗധരി, പ്രശാന്ത്, പ്രഭുദേവ, അജ്മൽ അമീർ, ജയറാം, സ്നേഹ, ലൈല, യോഗി ബാബു, പ്രേംജി അമരൻ എന്നിവരും വേഷമിട്ടിരിക്കുന്നു. യുവാൻ ശങ്കർ രാജ സംഗീതമൊരുക്കിയ ഈ ആക്ഷൻ ത്രില്ലർ നിർമ്മിച്ചത് എ ജി എസ് എന്റർടൈൻമെന്റാണ്.
ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…
ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…
പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…
രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…
എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…
എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…
This website uses cookies.