ബിഗിൽ എന്ന തന്റെ പുതിയ ചിത്രം നേടിയ കൂറ്റൻ വിജയത്തിന് ശേഷം ദളപതി വിജയ് അഭിനയിക്കുന്നത് ലോകേഷ് കനകരാജ് ഒരുക്കുന്ന പുതിയ ചിത്രത്തിൽ ആണ്. ബിഗിൽ എന്ന ദളപതി ചിത്രത്തിനൊപ്പം തന്നെ റിലീസ് ചെയ്ത കാർത്തിയുടെ കൈദി എന്ന ചിത്രം ലോകേഷ് കനകരാജ് ആണ് ഒരുക്കിയത്. വിജയ് ചിത്രത്തോട് മത്സരിച്ചു ബ്ലോക്ക്ബസ്റ്റർ വിജയം ആണ് കൈദി നേടിയത്. കാർത്തിയുടെ ആദ്യ 100 കോടി ചിത്രമായി മാറിയ കൈദി ലോകേഷ് കനകരാജിന്റെ തുടർച്ചയായ രണ്ടാം ബോക്സ് ഓഫിസ് ഹിറ്റും ആണ്. കൈദിക്കു മുൻപ് മാനഗരം എന്ന സൂപ്പർ ഹിറ്റ് ചിത്രമാണ് ലോകേഷ് കനകരാജ് ഒരുക്കിയത്.
ഇപ്പോൾ ലോകേഷ് ഒരുക്കുന്ന ചിത്രത്തിന്റെ തിരക്കഥ ലോകേഷിനൊപ്പം ചേർന്ന് രചിച്ചിരിക്കുന്നത് നിരൂപക പ്രശംസ നേടിയ ആടെയ് എന്ന അമല പോൾ ചിത്രം രചിച്ചു സംവിധാനം ചെയ്ത രത്ന കുമാർ ആണ്. ഇന്ന് രത്ന കുമാർ ഇട്ട ഒരു ട്വീറ്റ് ആണ് സോഷ്യൽ മീഡിയയിൽ വൈറൽ ആവുന്നത്. ഇന്ന് തന്റെ ജന്മദിനം ആഘോഷിക്കുകയാണ് രത്ന കുമാർ. തന്റെ ജന്മദിനത്തിൽ ദളപതി വിജയ് നൽകിയ ഒരു സർപ്രൈസ് എന്താണെന്നാണ് രത്ന കുമാർ ട്വീറ്റിൽ പറയുന്നത്.
എഴുത്തും യാത്രകളും ആളുകളെ കാണേണ്ട തിരക്കുകളും ഉണ്ടായതിനാൽ ദളപതി 64 ഷൂട്ട് നടക്കുന്ന ഡൽഹിയിലെ സെറ്റിൽ തനിക്കു ഇന്ന് എത്തിച്ചേരാൻ സാധിച്ചില്ല എന്ന് രത്ന കുമാർ പറയുന്നു. അപ്പോഴാണ് തനിക്കൊരു കാൾ വന്നത് എന്നും സംവിധായകൻ ലോകേഷ് കനകരാജിന്റെ ശബ്ദത്തിൽ തനിക്കു ജന്മദിന ആശംസകൾ നേർന്നു കൊണ്ട് വിളിച്ചത് ദളപതി വിജയ് ആയിരുന്നു എന്നും രത്ന കുമാർ പറയുന്നു. ഏതായാലും രത്ന കുമാറിന്റെ ഈ ട്വീറ്റ് വിജയ് ആരാധകർ ആഘോഷമാക്കി കഴിഞ്ഞു. മക്കൾ സെൽവൻ വിജയ് സേതുപതിയും അഭിനയിക്കുന്ന ഈ ചിത്രം അടുത്ത വർഷം ഏപ്രിൽ മാസത്തിൽ ആണ് റിലീസ് ചെയ്യുക. ആന്റണി വർഗീസ്, മാളവിക മോഹനൻ, ശന്തനു ഭാഗ്യരാജ് എന്നിവരും ഈ ചിത്രത്തിൽ അഭിനയിക്കുന്നുണ്ട്.
വേനലവധിക്കാലത്തു കുടുംബ പ്രേക്ഷകരെ ലക്ഷ്യമാക്കി എത്തുന്ന ചിത്രങ്ങൾ എന്നും കംപ്ലീറ്റ് എന്റർടൈൻമെന്റ് പാക്കേജ് ആയാണ് ഒരുക്കുക. അത്തരം ഒട്ടേറെ ചിത്രങ്ങളുമായി…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഇന്ന് മുതൽ തീയേറ്ററുകളിലേക്ക്. മലയാള സിനിമയുടെ ബോക്സ് ഓഫീസിൽ…
ഷറഫുദ്ദീൻ, അനുപമ പരമേശ്വരൻ എന്നിവരെ കേന്ദ്ര കഥാപാത്രങ്ങളാക്കി പ്രനീഷ് വിജയൻ സംവിധാനം ചെയ്യുന്ന സിനിമയാണ് 'ദി പെറ്റ് ഡിക്ടറ്റീവ്'. തൃക്കാക്കര…
ദിലീപിനെ നായകനാക്കി വിനീത് കുമാര് സംവിധാനം ചെയ്യുന്ന പവി കെയര് ടേക്കര് എന്ന ചിത്രം ഏപ്രിൽ 26 തിയറ്ററുകളില് എത്തുകയാണ്.…
പ്രേക്ഷകപ്രീതി നേടിയ സണ്ണി വെയ്ൻ-അലൻസിയർ ചിത്രം 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി'യിലെ പ്രോപ്പർട്ടി പോസ്റ്റർ അണിയറ പ്രവർത്തകർ…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഏപ്രിൽ 26 മുതൽ തീയേറ്ററുകളിലേക്ക്. നടൻ വിനീത് കുമാർ…
This website uses cookies.