സംഗീതത്തിൽ പിച്ച വെച്ച് പൃഥ്വിരാജ് സുകുമാരന്റെ മകൾ അല്ലിയും; വീഡിയോ കാണാം

മലയാളത്തിന്റെ യുവ സൂപ്പർ താരം പൃഥ്വിരാജ് സുകുമാരൻ ഇപ്പോൾ തിരക്കിലാണ്. ജീൻ പോൾ ലാൽ ഒരുക്കുന്ന ഡ്രൈവിംഗ് ലൈസൻസ്, സച്ചി ഒരുക്കുന്ന അയ്യപ്പനും കോശിയും എന്നീ ചിത്രങ്ങൾ ചെയ്യുന്ന പൃഥ്വിരാജ് അധികം വൈകാതെ ബ്ലെസ്സിയുടെ ആട് ജീവിതത്തിലും ജോയിൻ ചെയ്യും. അതിനു ശേഷം ഷാജി കൈലാസ് ചിത്രം കടുവ, രതീഷ് അമ്പാട്ട് ചിത്രം എന്നിവയും ഉള്ള പൃഥ്വിരാജ് മോഹൻലാലിനെ നായകനാക്കി ലൂസിഫറിന്റെ രണ്ടാം ഭാഗം സംവിധാനവും ചെയ്യും. അതുകൊണ്ടു തന്നെ തന്റെ കുടുംബത്തോടൊപ്പം സമയം ചെലവഴിക്കാൻ വളരെ കുറച്ചു സമയം മാത്രമാണ് പൃഥ്വിരാജ് സുകുമാരന് ലഭിക്കുന്നത്. പൃഥ്വിരാജ്- സുപ്രിയ മേനോൻ ദമ്പതികളുടെ ഏക മകൾ ആണ് അലംകൃത.

തന്റെ മകൾ പിയാനോ വായിക്കുന്ന ഒരു വീഡിയോ ആണ് ഇന്ന് പൃഥ്വിരാജ് സുകുമാരൻ സോഷ്യൽ മീഡിയ വഴി പങ്കു വെച്ചത്. കുട്ടികൾ വളരെ വേഗം ആണ് വളരുന്നത് എന്നും ചിലപ്പോഴൊക്കെ അവർ വളർന്നു പോവുന്നത് കാണുമ്പോൾ ചെറിയ വേദനയും തോന്നാറുണ്ട് എന്നും പൃഥ്വിരാജ് പറയുന്നു. പൃഥ്വിരാജ് സുകുമാരന്റെ സഹോദരൻ ഇന്ദ്രജിത് സുകുമാരന്റെ രണ്ടു മക്കളും സിനിമയിൽ പാടി കഴിഞ്ഞു. ഇന്ദ്രജിത്- പൂർണ്ണിമ ദമ്പതികളുടെ മക്കൾ ആയ പ്രാർഥനയും നക്ഷത്രയും ആണ് മലയാള സിനിമയിൽ ഗാനം ആലപിച്ചത്. ഏതായാലും ഇന്ദ്രജിത്തിന്റെ മക്കളെ പോലെ തന്നെ അലംകൃതയും സംഗീതത്തിന്റെ ലോകത്തു പിച്ചവെച്ചു തുടങ്ങി എന്നാണ് ഇന്നത്തെ പൃഥ്വിരാജ് സുകുമാരന്റെ പോസ്റ്റ് നമ്മുക്ക് മനസ്സിലാക്കി തരുന്നത്. ഇപ്പോൾ അഞ്ചു വയസ്സായി അല്ലി എന്ന് വിളിക്കുന്ന അലംകൃതക്ക്.