തമിഴകത്തിന്റെ തലൈവർ സൂപ്പർ സ്റ്റാർ രജനികാന്ത് നായകനായി എത്തുന്ന പുതിയ ചിത്രം ഇന്നലെ പ്രഖ്യാപിച്ചു. രജനികാന്തിന്റെ 169 ആം ചിത്രം സംവിധാനം ചെയ്യുന്നത് സൂപ്പർ ഹിറ്റ് സംവിധായകൻ നെൽസൺ ദിലീപ്കുമാർ ആണ്. സൺ പിക്ചേഴ്സ് ആണ് ഈ ചിത്രവും നിർമ്മിക്കുന്നത്. ലേഡി സൂപ്പർ സ്റ്റാർ നയൻ താര നായികാ വേഷം ചെയ്ത കോലമാവ് കോകില, ശിവകാർത്തികേയൻ നായകനായി എത്തിയ ഡോക്ടർ എന്നീ സൂപ്പർ ഹിറ്റുകൾ ഒരുക്കിയ നെൽസൺ അതിനു ശേഷം ഒരുക്കിയത് ദളപതി വിജയ് നായകനായ ബീസ്റ്റ് ആണ്. ഈ ചിത്രം വരുന്ന ഏപ്രിൽ പതിനാലിന് ആവും റിലീസ് ചെയ്യുക. ബീസ്റ്റ് എന്ന ചിത്രവും സൺ പിക്ചേഴ്സ് തന്നെയാണ് നിർമ്മിച്ചിരിക്കുന്നത്. ബീസ്റ്റിലെ ആദ്യ ഗാനമായ അറബിക് കുത്ത് സോങ് ഫെബ്രുവരി പതിനാലിന് റിലീസ് ചെയ്യുമെന്ന് രണ്ടു ദിവസം മുൻപ് അപ്ഡേറ്റ് വന്നിരുന്നു. അതിനു പിന്നാലെയാണ് ഇപ്പോൾ നെൽസന്റെ പുതിയ ചിത്രം രജനികാന്തിനൊപ്പം ആണെന്ന വിവരവും സൺ പിക്ചേഴ്സ് പുറത്തു വിട്ടത്.
കോലമാവ് കോകില, ഡോക്ടർ, ബീസ്റ്റ് എന്നീ ചിത്രങ്ങൾക്ക് സംഗീതം ഒരുക്കിയ അനിരുദ്ധ് രവിചന്ദര് തന്നെയാവും ഈ നെൽസൺ- രജനികാന്ത് ചിത്രത്തിനും സംഗീതം ഒരുക്കുക. സിരുതൈ ശിവ ഒരുക്കിയ അണ്ണാത്തെ എന്ന ചിത്രത്തിലാണ് രജനികാന്ത് ഇതിനു മുൻപ് അഭിനയിച്ചത്. അതിനു മുൻപ് തമിഴിലെ മറ്റു യുവ സംവിധായകർ ആയ പാ രഞ്ജിത്, കാർത്തിക് സുബ്ബരാജ് എന്നിവർ ഒരുക്കിയ കബാലി, കാല, പേട്ട എന്നീ ചിത്രങ്ങളിലും രജനികാന്ത് നായകനായി എത്തിയിരുന്നു. വിജയ് ചിത്രം ബീസ്റ്റ്, രജനികാന്ത്- നെൽസൺ ചിത്രം എന്നിവ കൂടാതെ സൂര്യ ചിത്രമായ എതർക്കും തുനിന്ദവൻ എന്ന പാണ്ഡിരാജ് ചിത്രവും സൺ പിക്ചേഴ്സിന്റെ നിർമ്മാണത്തിൽ ആണ് ഒരുങ്ങിയത്. ഈ സൂര്യ ചിത്രം മാർച്ച് പത്തിന് റിലീസ് ചെയ്യും.
ക്യൂബ്സ് എന്റർടെയ്ന്മെന്റ്സ് നിര്മ്മാണത്തില് ഉണ്ണി മുകുന്ദനെ നായകനാക്കി ഹനീഫ് അദനി സംവിധാനം ചെയ്യുന്ന പുതിയ ചിത്രമായ മാർക്കോ പ്രേക്ഷകരുടെ മുന്നിലെത്താനുള്ള…
ഓണക്കാലചിത്രങ്ങളിൽ ഏറ്റവും കൂടുതൽ കളക്ഷൻ സ്വന്തമാക്കിയതിന് ശേഷം വരാൻ പോകുന്ന പൂജ അവധികളിലും മികച്ച കളക്ഷൻ ലക്ഷ്യമിട്ട് A.R.M. 100…
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
This website uses cookies.