കുറിക്ക് കൊള്ളുന്ന മറുപടിയുമായി യുവാവിനോട് പൊട്ടിത്തെറിച്ചു നമിത

2010 ൽ പുറത്തിറങ്ങിയ ബ്ലാക്ക് സ്റ്റാലിൻ എന്ന ചിത്രത്തിലൂടെ മലയാള സിനിമയിലേക്ക് കടന്നു വന്ന സൗത്ത് ഇന്ത്യൻ താരമാണ് നമിത. ഒരുപാട് ഭാഷകളിൽ നിറസാന്നിധ്യമായിരുന്ന താരം മലയാളത്തിൽ ചെറിയ വേഷങ്ങളിലൂടെ ശ്രദ്ധേയയായിരുന്നു. മലയാളി സിനിമയിലെ ഏറ്റവും വലിയ വിജയമായി മാറിയ പുലിമുരുകനിൽ ഉടനീളം ശ്രദ്ധേയമായ ഒരു വേഷം താരം കൈകാര്യം ചെയ്തിരുന്നു. നമിത ഇപ്പോൾ തന്റെ ഇൻസ്റ്റാഗ്രാമിൽ അതിശക്തമായി പൊട്ടിത്തെറിച്ചുകൊണ്ട് ഒരു കുറിപ്പ് എഴുതിയിരിക്കുകയാണ്.

ഒരു വ്യക്തിയെ വളരെ മോശക്കാരനും തോൽവിയുമായി വിശേഷിപ്പിച്ചാണ് കുറിപ്പ് ആരംഭിക്കുന്നത്. ‘തമിഴ് സെൻതമിഴ്’ എന്ന ഇൻസ്റ്റാഗ്രാം അക്കൗണ്ടിൽ നിന്ന് മോശമായ മെസ്സേജുളാണ് തനിക്ക് പേർസണൽ ആയിട്ട് വരുന്നതെന്ന് താരം വ്യക്തമാക്കി. ഒരു ‘ഐറ്റം’ എന്നാണ് തന്നെ അഭിസംബോധന ചെയ്തതെന്നും താരം കൂട്ടിച്ചേർത്തു. യുവാവിനെ കൂടുതൽ മനസ്സിലാക്കാൻ ശ്രമിച്ചപ്പോൾ അക്കൗണ്ട് ഹാക്ക് ആയതെന്നാണ് ആദ്യം പറഞ്ഞത്. പിന്നീട് കൂടുതൽ ചോദ്യം ചെയ്തപ്പോൾ ആ യുവാവ് തന്റെ പോൺ വിഡിയോ കണ്ടിട്ടുണ്ടെന്നും അത് ഓൺലൈനിൽ പോസ്റ്റ് ചെയ്യാൻ പോകുകയാണ് എന്ന് പറഞ്ഞു ഭീഷണിപ്പെടുത്തുകയായിരുന്നു എന്ന് കുറിപ്പിൽ നമിത വ്യക്തമാക്കി. ധൈര്യമായി പോസ്റ്റ് ചെയ്യുക എന്നാണ് നമിത മറുപടി കൊടുത്തത്. ഞാൻ ഒരു ഇൻഡസ്ട്രിയിൽ ഭാഗമായതുകൊണ്ടാണ് ആ യുവാവ് തന്നെ ഇത്തരം വൃത്തികെട്ട രീതിയിൽ സമീപിച്ചതെന്ന് താരം ചൂണ്ടിക്കാട്ടി. ഒരു നല്ലൊരു പുരുഷന് ഒരു പെണ്ണിനെ ബഹുമാനിക്കാൻ അറിയാമെന്നും നവരാത്രിയും വനിതാദിനവുമൊക്കെ ആഘോഷിക്കുന്നതിന് പകരം സ്ത്രീകളെ ബഹുമാനിക്കാൻ ഇത്തരം ആളുകൾ ആദ്യം പഠിക്കണമെന്ന് നമിത വ്യക്തമാക്കി.