[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

അഭിനയം നിർത്തുകയാണ് എന്ന് പ്രഖ്യാപിച്ച സൂര്യയെ വിജയ്‌ക്കൊപ്പം എത്തിച്ച കഥ; മനസ്സ് തുറന്ന് നിർമ്മാതാവ്

ഇന്ന് തമിഴിലെ ഏറ്റവും വലിയ താരങ്ങളിൽ രണ്ടു പേരാണ് ദളപതി വിജയ്‌യും നടിപ്പിൻ നായകൻ സൂര്യയും. തമിഴിലെ ഏറ്റവും വലിയ താരമെന്ന നിലയിൽ വിജയ് തിളങ്ങി നിൽക്കുമ്പോൾ, തമിഴ് സിനിമയിലെ എക്കാലത്തേയും മികച്ച നടന്മാരുടെ പട്ടികയിൽ കൂടി സ്ഥാനമുറപ്പിച്ചു കൊണ്ടാണ് സൂര്യ എന്ന നടൻ വലിയ താരമായത്. ഇരുവരുടേയും കരിയറിൽ വഴിത്തിരിവായത് സൂപ്പർ ഹിറ്റ് മലയാള ചിത്രങ്ങളുടെ നിർമ്മാതാവായ സ്വർഗ്ഗചിത്ര അപ്പച്ചനും മലയാളി സംവിധായകരുമായിരുന്നു എന്നത് പരസ്യമായ രഹസ്യമാണ്. വലിയ താരത്തിലേക്കുള്ള വിജയ്‌യുടെ കുതിപ്പിലെ ആദ്യ പടിയായിരുന്നു അനിയത്തിപ്രാവ് എന്ന മലയാള ചിത്രത്തിന്റെ തമിഴ് റീമേക്കായ കാതലുക്ക് മര്യാദൈ. സ്വർഗ്ഗചിത്ര അപ്പച്ചൻ നിർമ്മിച്ച ഈ ചിത്രം സംവിധാനം ചെയ്തത് ഫാസിൽ ആയിരുന്നു. അതുപോലെ അഭിനയം നിർത്തിയ സൂര്യയെ തിരിച്ചു കൊണ്ട് വന്നതും, സ്വർഗ്ഗ ചിത്ര അപ്പച്ചൻ തന്നെ നിർമ്മിച്ച തമിഴ് ചിത്രം ഫ്രണ്ട്‌സ് ആണ്. മലയാളത്തിലെ സൂപ്പർ ഹിറ്റ് ചിത്രം ഫ്രണ്ട്സിന്റെ ഈ തമിഴ് റീമേക് ഒരുക്കിയതും മലയാളത്തിൽ ഇതൊരുക്കിയ സിദ്ദിഖ് തന്നെയാണ്.

എന്നാൽ ഇതിലേക്ക് വരുന്നതിനു മുൻപ്, നേർക്ക് നേർ എന്ന ചിത്രം നേരിട്ട കനത്ത പരാജയവും അതിനു ലഭിച്ച കടുത്ത വിമർശനവും സൂര്യയെ മാനസികമായി തളർത്തിയിരുന്നു. താൻ ഇനി അഭിനയിക്കുന്നില്ല എന്ന തീരുമാനമെടുത്ത സൂര്യ, അഭിനയ ജീവിതം ഉപേക്ഷിച്ചു ചാർട്ടേർഡ് അക്കൗണ്ടന്റ് ആവാൻ തീരുമാനിക്കുകയും ചെയ്തു. അപ്പോഴാണ് സൂര്യയെ ഫ്രണ്ട്സിലേക്കു ക്ഷണിക്കാൻ സ്വർഗ്ഗചിത്ര അപ്പച്ചനും സുഹൃത്തും ചെല്ലുന്നതു. അത്ര സുഖകരമായ സ്വീകരണമല്ല സൂര്യയുടെ അച്ഛൻ ശിവകുമാറിൽ നിന്നും തങ്ങൾക്ക് ലഭിച്ചതെന്ന് അപ്പച്ചൻ ഓർത്തെടുക്കുന്നു. സൂര്യക്ക് അഭിനയിക്കാൻ അറിയില്ലെന്നും അവൻ അഭിനയം നിർത്തിയെന്നും പറഞ്ഞു ശിവകുമാർ അവരെ പറഞ്ഞയച്ചു. എന്നാൽ അവർ പോകുന്നതിനു മുൻപ് സൂര്യയുടെ അമ്മ വന്ന്, അവനു അഭിനയിക്കാൻ ആഗ്രഹമുണ്ടെന്നും അവസരം കൊടുക്കണമെന്നും ഇവരോട് അപേക്ഷിക്കുകയും, അതിന്റെ പേരിൽ സൂര്യയെ കാണാൻ ഇവർ തീരുമാനിക്കുകയും ചെയ്തു. അങ്ങനെ അവരെ കാണാൻ സൂര്യ ചെല്ലുന്നതോടെയാണ് സൂര്യയുടെ തിരിച്ചു വരവാരംഭിക്കുന്നത്. ഫ്രണ്ട്സിന്റെ വിജയം സൂര്യക്ക് സമ്മാനിച്ചത് മുന്നോട്ടു പോവാനുള്ള ഊർജമാണ്. ശേഷം, അഭിനയിക്കാൻ അറിയില്ല എന്ന് മാധ്യമങ്ങൾ വിമർശിച്ച സൂര്യ ഇന്ന് തമിഴിലെ ഏറ്റവും മികച്ച നടന്മാരിലൊരാളായി മാറി. ഫ്രണ്ട്സിന് വെറും 5 ലക്ഷം മാത്രം പ്രതിഫലം മേടിച്ച ഈ നടൻ ഇന്ന് കോടികൾ പ്രതിഫലം വാങ്ങുകയും വമ്പൻ ചിത്രങ്ങൾ നിർമ്മിക്കുകയും ചെയ്യുന്ന താരവുമാണ്. സെല്ലുലോയ്ഡ് മാഗസിൻ എന്ന യൂട്യൂബ് ചാനലിന് നൽകിയ അഭിമുഖത്തിലാണ് സ്വർഗ്ഗചിത്ര അപ്പച്ചൻ ഈ കഥ വെളിപ്പെടുത്തുന്നത്.

webdesk

Recent Posts

മൂൺവാക്ക് തിയറ്റർ നിറയേണ്ട പടം, വൈകിയിട്ടില്ല; പ്രശംസയുമായി പ്രശസ്ത സംഗീതജ്ഞൻ ഷഹബാസ് അമൻ

പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…

3 days ago

വാൾട്ടർ ആയി നിവിൻ പോളി ലോകേഷ് സിനിമാറ്റിക് യൂണിവേഴ്സിൽ ; ‘ബെൻസ്’ കാരക്ടർ വീഡിയോ പുറത്ത്

കൈതിയിലൂടെ സംവിധായകന്‍ ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്‌സായ എല്‍ സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…

4 days ago

വേടനോട് അഭ്യർത്ഥനയുമായി മൂൺ വാക്ക് ചിത്രത്തിന്റെ അണിയറപ്രവർത്തകന്റെ സോഷ്യൽ മീഡിയാ കുറിപ്പ് ശ്രെദ്ധ നേടുന്നു

നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…

5 days ago

യുവതാരനിരയെ അണിനിരത്തി ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്ക് നാളെ മുതൽ തിയേറ്ററുകളിലേക്ക് : ചിത്രത്തിന്റെ ബുക്കിങ് ആരംഭിച്ചു

മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…

2 weeks ago

“മൂൺ വാക്” നൃത്തം മാത്രമല്ല, ജീവിതം കൂടിയാണ്; മനസ്സ് തുറന്ന് സംവിധായകൻ

പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…

2 weeks ago

നിങ്ങൾക്കും നാളത്തെ താരമാകാൻ അവസരം ഒപ്പം സമ്മാനങ്ങളും : ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺവാക്ക് വേവ് കോണ്ടസ്റ്റ്

ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…

2 weeks ago

This website uses cookies.