ഫഹദ് ഫാസിലിനെ നായകനാക്കി നവാഗതനായ സജിമോൻ സംവിധാനം ചെയ്ത മലയൻകുഞ്ഞ് എന്ന ചിത്രം ജൂലൈ 22 ന് റിലീസ് ചെയ്യുകയാണ്. ഏതാനും ദിവസങ്ങൾക്കു മുൻപ് റിലീസായ ഇതിന്റെ ട്രൈലെർ വലിയ ശ്രദ്ധയാണ് നേടിയത്. ഇതിലെ രംഗങ്ങൾ സോഷ്യൽ മീഡിയയിൽ വലിയ ചർച്ചയായി മാറി. ഉലക നായകൻ കമൽ ഹാസൻ, നടിപ്പിൻ നായകൻ സൂര്യ, സൂപ്പർ ഹിറ്റ് സംവിധായകൻ ലോകേഷ് കനകരാജ് എന്നിവർ ഈ ട്രൈലെർ കണ്ട് അഭിനന്ദനവുമായി എത്തിയിരുന്നു. അതിൽ സൂര്യ കുറിച്ച വാക്കുകൾ ഏറെ ശ്രദ്ധ നേടിയെടുത്തു. തിരഞ്ഞെടുക്കുന്ന കഥകൾ കൊണ്ട് ഫഹദ് തന്നെ എപ്പോഴും അത്ഭുതപ്പെടുത്തുന്നു എന്നാണ് സൂര്യ കുറിച്ചത്. അതുപോലെ ഫാസില് സാറിനോട് എപ്പോഴും ബഹുമാനവും സ്നേഹവുമാണെന്നും സൂര്യ പറയുന്നു. ഫാസിലാണ് മലയൻ കുഞ്ഞ് നിർമ്മിച്ചിരിക്കുന്നത്.
മലയൻ കുഞ്ഞ് ട്രെയിലറിലെ തികച്ചും വ്യത്യസ്തമായ ദൃശ്യങ്ങള് കണ്ട് താൻ അത്ഭുതപ്പെട്ടു എന്നും സൂര്യ പറയുന്നുണ്ട്. ടേക്ക് ഓഫ്, സി യു സൂണ്, മാലിക് എന്നീ ചിത്രങ്ങളുടെ സംവിധായകന് മഹേഷ് നാരായണനാണ് ഈ ചിത്രത്തിന്റെ തിരക്കഥ രചിച്ചതും, ഇതിനു ക്യാമറ ചലിപ്പിച്ചതും. മഹേഷ് നാരായണൻ ആദ്യമായി ക്യാമറ ചലിപ്പിച്ച ചിത്രമാണിത്. അർജു ബെൻ എഡിറ്റ് ചെയ്ത ഈ ചിത്രത്തിന് സംഗീത സംവിധാനം നിർവഹിച്ചിരിക്കുന്നത് സംഗീത മാന്ത്രികൻ എ ആർ റഹ്മാനാണ്. മുപ്പതു വർഷങ്ങൾക്കു ശേഷമാണു അദ്ദേഹം ഒരു മലയാള ചിത്രത്തിന് സംഗീതമൊരുക്കിയത്. രജിഷാ വിജയൻ, ഇന്ദ്രന്സ്, ജാഫര് ഇടുക്കി, ജയ കുറുപ്പ്, ദീപക് പറമ്പോല്, അര്ജുന് അശോകന്, ജോണി ആന്റണി, ഇര്ഷാദ് എന്നിവരാണ് ഈ ചിത്രത്തിലെ മറ്റു താരങ്ങൾ. പ്രകൃതി ദുരന്തത്തിന്റെ പശ്ചാത്തലത്തിൽ കഥ പറയുന്ന ഒരു സർവൈവൽ ത്രില്ലറാണ് മലയൻ കുഞ്ഞ്.
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
കേരള - തമിഴ്നാട് അതിർത്തിയിലെ വേലംപാളയം എന്ന സ്ഥലത്തെ എന്തിനും ഏതിനും പോന്ന നാല് കൂട്ടുകാരുടെ കഥയുമായി തിയേറ്ററുകള് കീഴടക്കാൻ…
This website uses cookies.