തമിഴകത്തിന്റെ നടിപ്പിൻ നായകൻ സൂര്യ നായകനായി എത്തുന്ന ഏറ്റവും പുതിയ ചിത്രമാണ് സൂര്യ 42. ഈ ചിത്രത്തിന്റെ മോഷൻ പോസ്റ്ററാണ് ഇപ്പോൾ സോഷ്യൽ മീഡിയയിൽ ചർച്ചയായി മാറുന്നത്. സിരുതൈ ശിവ സംവിധാനം ചെയ്യുന്ന ഈ ചിത്രത്തിന്റെ, മോഷൻ പോസ്റ്ററിന് ഒരു മിനിറ്റും 32 സെക്കന്റും ദൈര്ഘ്യമാണുള്ളത്. പ്രേക്ഷകരെ അക്ഷരാർത്ഥത്തിൽ ഞെട്ടിക്കുന്ന ഈ മോഷൻ പോസ്റ്റർ ഹോളിവുഡ് ചിത്രങ്ങളുടെ ഫീലാണ് നൽകുന്നത് എന്ന് തന്നെ പറയാം. പത്തു ഭാഷകളിൽ റിലീസ് ചെയ്യാൻ പോകുന്ന ഈ ചിത്രം ത്രീഡി വിസ്മയമായാണ് ഒരുക്കുക. ആയിരം വർഷങ്ങൾക്ക് മുൻപ് നടക്കുന്ന ഒരു കഥയാണ് ഈ ചിത്രം പറയുന്നത് എന്നും, ഇതൊരു ഗംഭീര ഫാന്റസി ചിത്രമാണെന്നും ഇതിന്റെ എഡിറ്ററും മലയാളിയുമായ നിഷാദ് യൂസഫ് പറഞ്ഞിരുന്നു.
യു വി ക്രിയേഷന്സിന്റെ ബാനറില് വംശി പ്രമോദും സ്റ്റുഡിയോ ഗ്രീനിന്റെ ബാനറില് കെ ഇ ജ്ഞാനവേല്രാജയും ചേർന്ന് നിർമ്മിക്കുന്ന ഇതിന്റെ ഒരു ഷെഡ്യൂൾ തീർന്നിരുന്നു. വമ്പൻ ആക്ഷൻ രംഗങ്ങൾ ഉൾപ്പെടുന്ന അടുത്ത ഷെഡ്യൂൾ ശ്രീലങ്കയിലാണ് ഷൂട്ട് ചെയ്യുക എന്നാണ് വാർത്തകൾ വരുന്നത്. ഒരു യോദ്ധാവായി സൂര്യ എത്തുന്ന ഈ ചിത്രത്തിൽ ദിശാ പട്ടാണി ആണ് നായികാ വേഷം ചെയ്യുന്നത്. ദേവി ശ്രീ പ്രസാദ് സംഗീതമൊരുക്കുന്ന ഈ ചിത്രത്തിന് വെട്രി പളനിസാമി ഛായാഗ്രഹണം നിർവഹിക്കുന്നു. ഒരു പീരീഡ് ഫിലിമായി ഒരുക്കുന്ന ഈ ചിത്രം, വർത്തമാന കാലവും അവതരിപ്പിക്കുന്നുണ്ട്. രജനീകാന്ത് നായകനായ അണ്ണാത്തെയ്ക്കു ശേഷം ശിവ സംവിധാനം ചെയ്യുന്ന ചിത്രമാണിത്. ഇതിന് ശേഷം വെട്രിമാരൻ ഒരുക്കാൻ പോകുന്ന വാടിവാസൽ എന്ന ചിത്രത്തിലാണ് സൂര്യ അഭിനയിക്കുക.
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
കേരള - തമിഴ്നാട് അതിർത്തിയിലെ വേലംപാളയം എന്ന സ്ഥലത്തെ എന്തിനും ഏതിനും പോന്ന നാല് കൂട്ടുകാരുടെ കഥയുമായി തിയേറ്ററുകള് കീഴടക്കാൻ…
ഇന്ത്യൻ സിനിമയിലെ പരമോന്നത ബഹുമതിയായ ദാദാസാഹേബ് ഫാൽക്കെ പുരസ്കാരം മോഹൻലാലിന്. ഇന്ത്യൻ സിനിമയുടെ പിതാവായി കണക്കാക്കപ്പെടുന്ന ധുന്ദിരാജ് ഗോവിന്ദ് ഫാൽക്കെയുടെ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ഓഡിയോ/മ്യൂസിക് അവകാശം…
This website uses cookies.