ബിഗ് ബി തമിഴിൽ ഒരുങ്ങുന്നു; സൂര്യ-അമൽ നീരദ് കൂട്ടുകെട്ട് സംഭവിക്കാം എന്ന് താരം..!

തമിഴിലെ നടിപ്പിൻ നായകൻ സൂര്യ നായകനായി എത്തുന്ന ഏറ്റവും പുതിയ ചിത്രമാണ് എതർക്കും തുനിന്ദവൻ. ഈ ചിത്രത്തിന്റെ പ്രചരണാർത്ഥം ഇന്ന് കൊച്ചിയിൽ എത്തിയ സൂര്യക്ക് വലിയ വരവേൽപ്പ് ആണ് ലഭിച്ചത്. അവിടെ വെച്ച് തന്റെ ആരാധകർക്ക് ഒപ്പം സമയം ചിലവിട്ട സൂര്യ മാധ്യമങ്ങളോടും സംസാരിച്ചു. തന്റെ ചിത്രത്തെ കുറിച്ചും കേരളത്തിലെ പ്രേക്ഷകരുടെ സനേഹത്തെ കുറിച്ചും സംസാരിച്ച സൂര്യ, മോഹൻലാൽ സാറിനൊപ്പം ചിലവിടാൻ കഴിഞ്ഞ നിമിഷങ്ങൾ ജീവിതത്തിലെ ഏറ്റവും വിലപ്പെട്ട നിമിഷങ്ങൾ ആയിരുന്നു എന്നും ഒട്ടേറെ കാര്യങ്ങൾ താൻ അദ്ദേഹത്തിൽ നിന്നും പഠിച്ചു എന്നും പറഞ്ഞു. അത് കൂടാതെ സൂര്യ നടത്തിയ ഒരു വെളിപ്പെടുത്തൽ ആണ് ഇപ്പോൾ സോഷ്യൽ മീഡിയയിൽ വൈറൽ ആവുന്നത്. പ്രശസ്ത മലയാള സംവിധായകൻ അമൽ നീരദ് തന്നോട് ഒരു കഥ പറഞ്ഞിട്ടുണ്ട് എന്നും, അത് വേഗം നടക്കട്ടെ എന്നാണ് ആഗ്രഹം എന്നും സൂര്യ പറയുന്നു.

https://www.instagram.com/p/Ca1pvNah8Dk/

മമ്മൂട്ടി അഭിനയിച്ച ഒരു മലയാള ചിത്രത്തിന്റെ റീമേക് ആണ് അതെന്നാണ് സൂര്യ സൂചിപ്പിച്ചതു. അമൽ നീരദ്- മമ്മൂട്ടി ടീമിൽ നിന്ന് ആകെ രണ്ടു ചിത്രങ്ങൾ ആണ് ഉണ്ടായിട്ടുള്ളത്. അതിൽ ആദ്യത്തേത് ബിഗ് ബിയും രണ്ടാമത്തേത് കഴിഞ്ഞ ആഴ്ച മാത്രം റിലീസ് ആയ ഭീഷ്മ പർവവും ആണ്. അത്കൊണ്ട് തന്നെ അമൽ പറഞ്ഞ കഥ ബിഗ് ബിയുടെ ആണെന്നാണ് റിപ്പോർട്ടുകൾ വ്യക്തമാകുന്നത്. ബിഗ് ബിയുടെ തമിഴ് റീമേക്കിൽ ബിലാൽ ആയി സൂര്യ എത്തുമോ എന്നറിയാൻ ഉള്ള ആകാംക്ഷയിലാണ് ആരാധകർ. അതേ സമയം സൂര്യ ചിത്രം എതർക്കും തുനിന്ദവൻ വരുന്ന വ്യാഴാഴ്ച ആണ് ലോകം മുഴുവൻ റിലീസ് ചെയ്യുന്നത്. പാണ്ഡിരാജ് ആണ് ഈ ചിത്രം ഒരുക്കിയത്.