തമിഴകത്തിന്റെ നടിപ്പിൻ നായകൻ സൂര്യ നായകനായ സൂരറായ് പോട്രൂ എന്ന ചിത്രം കഴിഞ്ഞ വർഷത്തെ ഏറ്റവും മികച്ച ചിത്രങ്ങളിൽ ഒന്നായി മാറിയിരുന്നു. സുധ കൊങ്ങര സംവിധാനം ചെയ്ത ഈ ചിത്രത്തിലെ സൂര്യയുടെ ഗംഭീര പ്രകടനം ഏറെ പ്രേക്ഷക- നിരൂപക പ്രശംസ പിടിച്ചു പറ്റി. ഈ ചിത്രത്തിലെ തന്റെ കഥാപാത്രത്തിന്റെ യൗവ്വനകാലം അവതരിപ്പിക്കാൻ സൂര്യ നടത്തിയ ഫിസിക്കൽ മേക് ഓവർ വലിയ രീതിയിലാണ് ശ്രദ്ധ നേടിയത്. അതിനു സൂര്യയെ സഹായിച്ചത് നിർമ്മൽ നായർ എന്ന മലയാളിയായ ഫിറ്റ്നസ് ട്രെയിനെർ ആയിരുന്നു. ഒരുപാട് ശരീര ഭാരം കുറക്കാതെ തന്നെ കഥാപാത്രത്തിന്റെ ലുക്കിലേക്കു സൂര്യയുടെ ശരീരത്തെ എത്തിച്ചതിൽ ഇദ്ദേഹം വഹിച്ച പങ്കു വളരെ വലുതാണ്. ഇപ്പോഴിതാ ഈ ഫിറ്റ്നസ് ട്രെയിനെർ ഒരു മലയാള ചിത്രത്തിനായി കൂടി എത്തുകയാണ്. യുവ താരം നിവിൻ പോളി നായകനായി എത്തുന്ന പടവെട്ട് എന്ന ബിഗ് ബഡ്ജറ്റ് ചിത്രത്തിലാണ് നിവിൻ പോളിയുടെ ഫിറ്റ്നസ് ട്രെയിനെർ ആയി നിർമ്മൽ നായർ എത്തുന്നത്.
പടവെട്ടിനു വേണ്ടി ശരീര ഭാരം വർധിപ്പിച്ചു തടിയുള്ള ലുക്കിൽ നിവിൻ നേരത്തെ പ്രത്യക്ഷപ്പെടുകയും ആ ലുക്ക് ഏറെ ശ്രദ്ധ നേടുകയും ചെയ്തിരുന്നു. ഇനി പടവെട്ടിന്റെ അവസാന ഷെഡ്യൂളിന് വേണ്ടി ലുക്ക് മാറ്റാനായി ആണ് നിർമ്മൽ നായർ നിവിന്റെ ഒപ്പം ചേരുന്നത്. നിർമ്മലിന്റെ മേൽനോട്ടത്തിൽ പരിശീലനം നടത്തി, പുതിയ ലുക്കിൽ നിവിൻ വരുന്നത് കാത്തിരിക്കുകയാണ് നിവിൻ ആരാധകർ. പടവെട്ട് എന്ന ചിത്രം രചിച്ചു സംവിധാനം ചെയ്യുന്നത് നവാഗതനായ ലിജു കൃഷ്നയും ഈ ചിത്രം നിർമ്മിക്കുന്നത് പ്രശസ്ത യുവ താരമായ സണ്ണി വെയ്നുമാണ്. സണ്ണി വെയ്ൻ പ്രൊഡക്ഷൻസിന്റെ ബാനറിൽ അദ്ദേഹം ആദ്യമായി നിർമ്മിക്കുന്ന ഈ ചിത്രത്തിൽ നായികാ വേഷം ചെയ്യുന്നത് അരുവി എന്ന സൂപ്പർ ഹിറ്റ് തമിഴ് ചിത്രത്തിലൂടെ ശ്രദ്ധ നേടിയ അദിതി ബാലൻ ആണ്. സണ്ണി വെയ്ൻ അതിഥി വേഷത്തിൽ എത്തുന്ന ഈ ചിത്രത്തിൽ അതിഥിയായി മഞ്ജു വാര്യരും എത്തുന്നുണ്ട്. ഷമ്മി തിലകന്, ഷൈന് ടോം ചാക്കോ, ഇന്ദ്രന്സ്, സുധീഷ്, വിജയരാഘവന് എന്നിവരും അഭിനയിക്കുന്ന ഈ ചിത്രം സൂര്യ ഫിലിംസ് വിതരണം ചെയ്യും.
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
This website uses cookies.