സണ്ണി വെയ്ൻ പ്രൊഡക്ഷൻ ആദ്യചിത്രം ‘പടവെട്ട് ‘ ഒരുങ്ങുന്നത് വമ്പൻ ബഡ്ജറ്റിൽ !!

നവാഗതനായ ലിജു കൃഷ്ണ രചനയും സംവിധാനവും നിര്‍വഹിക്കുന്ന പടവെട്ട് എന്ന ചിത്രത്തിലൂടെയാണ് സണ്ണി വെയ്ൻ നിര്‍മാണ രംഗത്തേക്കുള്ള ആദ്യ ചുവടു വയ്ക്കാൻ ഒരുങ്ങുകയാണ്.കുടുംബ പ്രേക്ഷകരുടെ ഇഷ്ട താരമായാ നിവിൻ പോളിക്കൊപ്പം യുവാക്കളുടെ ഹരമായ സണ്ണി കൈ കോർക്കുമ്പോൾ ഇരുകൂട്ടരുടേം ആരാധകർ ആവേശത്തിലാണ്. ഇപ്പോൾ കിട്ടുന്ന റിപ്പോർട്ടുകൾ പ്രകാരം ആദ്യ ചിത്രം സണ്ണി വെയ്ൻ ഒരുക്കുന്നത് വമ്പൻ ബഡ്ജറ്റിൽ തന്നെയാണ്. ഏകദേശം 12 കോടി മുകളിൽ ബജറ്റ് ഉണ്ടാകുമെന്നാണ് സൂചന. ചിത്രത്തിന് വേണ്ടി സംഗീതം സംവിധാനം നിർവഹിക്കുന്നത് ഗോവിന്ദ് വസന്തായിരിക്കും. 96 എന്ന ഒറ്റ ചിത്രത്തിലൂടെ സൗത്ത് ഇന്ത്യ ഒട്ടാകെ ആരാധകരെ സൃഷ്ട്ടിച്ച വ്യക്തിയാണ് ഗോവിന്ദ്. 4 വർഷം മുൻപ് ഹരം എന്ന ചിത്രത്തിന് വേണ്ടിയാണ് ഗോവിന്ദ് അവസാനമായി മലയാളത്തിൽ സംഗീതം ഒരുക്കിയത്.

ലിജു കൃഷ്ണ തന്നെയാണ് ചിത്രത്തിന് വേണ്ടി തിരക്കഥാ ഒരുക്കിയിരിക്കുന്നത്. മൊമെന്റ് ജസ്റ്റ് ബിഫോർ ഡെത്ത് എന്ന നാടകം അടുത്തിടെ ലിജു കൃഷ്ണ സംവിധാനം ചെയ്യുകയും സണ്ണി വെയ്ൻ നിർമ്മിക്കുകയും ചെയ്തിരുന്നു. തുറമുഖം എന്ന ചിത്രത്തിന് ശേഷം നിവിൻ പോളി പടവെട്ടിൽ ഭാഗമാവും. മൂത്തോൻ, ലവ് ആക്ഷൻ ഡ്രാമാ എന്നീ ചിത്രങ്ങളാണ് നിവിൻ പോളിയുടെ റിലീസിനയി അണിയറയിൽ ഒരുങ്ങുന്നത്.