ഇന്നലെ റിലീസ് ചെയ്ത ബിജു മേനോൻ ചിത്രമായ പടയോട്ടം മികച്ച പ്രേക്ഷക പ്രതികരണവും നിരൂപക പ്രശംസയും നേടി മുന്നേറുകയാണ്. പൊട്ടിച്ചിരിപ്പിക്കുന്ന മുഹൂർത്തങ്ങളിലൂടെ കഥ പറയുന്ന ഈ ആക്ഷൻ കോമഡി ചിത്രത്തിൽ മലയാളത്തിലെ മൂന്നു മുൻനിര സംവിധായകരും അഭിനയിക്കുന്നുണ്ട്. ദിലീഷ് പോത്തൻ, ലിജോ ജോസ് പെല്ലിശ്ശേരി, ബേസിൽ ജോസഫ് എന്നിവരാണ് അവർ. സേനൻ, ബ്രിട്ടോ, പിങ്കി എന്നീ കഥാപാത്രങ്ങൾ ആയാണ് ഇവർ യഥാക്രമം ഈ ചിത്രത്തിൽ അഭിനയിച്ചിരിക്കുന്നത്. പ്രേക്ഷകരെ ചിരിപ്പിക്കുന്ന പ്രകടനം കൊണ്ട് കയ്യടി നേടിയെടുക്കുകയാണ് ഇവർ മൂന്നു പേരും. ചെങ്കൽ രഘു എന്ന ഗുണ്ടയുടെ വേഷം ആണ് ബിജു മേനോൻ ഈ ചിത്രത്തിൽ അവതരിപ്പിക്കുന്നത്. ഇവർക്കൊപ്പം സൈജു കുറുപ്പ്, സുധി കോപ്പ എന്നിവരും ഗംഭീര പ്രകടനമാണ് കാഴ്ച വെച്ചിരിക്കുന്നത്.
ചെങ്കൽ രഘുവിനും സംഘത്തിനും തിരുവനന്തപുരത്തു നിന്ന് കാസർഗോഡ് വരെ നടത്തേണ്ടി വരുന്ന ഒരു യാത്രയുടെ പശ്ചാത്തലത്തിൽ അതീവ രസകരമായാണ് ഈ ചിത്രത്തിന്റെ കഥ പറഞ്ഞിരിക്കുന്നത്. നവാഗതനായ റഫീഖ് ഇബ്രാഹിം സംവിധാനം ചെയ്ത ഈ ചിത്രം രചിച്ചിരിക്കുന്നത് അരുൺ എ ആർ, അജയ് രാഹുൽ എന്നിവർ ചേർന്നണ്.
വീക്കെൻഡ് ബ്ലോക്ക്ബസ്റ്റർസ് നിർമ്മിച്ച ഈ ചിത്രവും ബോക്സ് ഓഫീസിൽ വിജയം നേടുന്ന കാഴ്ചയാണ് കാണാൻ കഴിയുന്നത്. സേതുലക്ഷ്മി, അനു സിതാര, ഐമ സെബാസ്റ്റിയൻ, ഗണപതി, സുരേഷ് കൃഷ്ണ, ഹാരിഷ് കണാരൻ, രവി സിങ് എന്നിവരും ഈ ചിത്രത്തിന്റെ താര നിരയുടെ ഭാഗം ആണ്. പ്രശാന്ത് പിള്ളൈ സംഗീതം നൽകിയ ഈ ചിത്രത്തിന് ദൃശ്യങ്ങൾ നൽകിയത് സതീഷ് കുറുപ്പ് ആണ്. ആദ്യാവസാനം നമ്മുക്ക് പകർന്നു നൽകുന്ന ചിരിയാണ് ഈ ചിത്രം ഇപ്പോൾ നേടുന്ന വിജയത്തിന്റെ ഏറ്റവും വലിയ കാരണം എന്ന് പറയാം.
നടൻ ഷെയ്ൻ നിഗം പ്രധാന വേഷത്തിലെത്തുന്ന പുതിയ തമിഴ് ചിത്രത്തിന് യേർക്കാടിൽ പരമ്പരാഗത പൂജാ ചടങ്ങുകളോടെ തുടക്കമായി. ട്രൂ സ്റ്റോറീസിന്റെ…
സുരാജ് വെഞ്ഞാറമൂട് കേന്ദ്ര കഥാപാത്രത്തെ അവതരിപ്പിക്കുന്ന പുതിയ ചിത്രത്തിന് ഇന്ന് തുടക്കം. ജഗൻ ഷാജി കൈലാസാണ് ചിത്രം സംവിധാനം ചെയ്യുന്നത്.…
‘സീൻ’ എന്ന ചിത്രം ആദ്യം ഫഹദ് ഫാസിലിനെ നായകനാക്കി ഒരുക്കാനായിരുന്നു പദ്ധതിയെന്ന് സംവിധായകൻ ജിത്തു മാധവൻ. ഫഹദ്–നസ്രിയ ജോഡിയെ കേന്ദ്രകഥാപാത്രങ്ങളാക്കിയായിരുന്നു…
ജയിലർ- 2 ൻ്റെ ആദ്യ പ്രദർശനത്തോടെ ഡോൾബി അറ്റ്മോസ് സാങ്കേതിക മികവോടെ കേരളത്തിലെ ആദ്യ ഡോൾബി സിനിമ തിയ്യേറ്ററായ ഇ…
പോംപി എന്റർടൈൻമെന്റ്സ് & ഫ്ലൈയിങ് കളേഴ്സ് എന്റർടൈൻമെന്റ്സ് ചേർന്നൊരുക്കുന്ന ഏറ്റവും പുതിയ ചിത്രം ആരണ്യകാണ്ഡത്തിന്റെ പൂജ ഇന്ന് അഞ്ചുമന ക്ഷേത്രത്തിൽ…
മലയാള സിനിമയിൽ വ്യത്യസ്തമായൊരു ഫാന്റസി കോമഡി ത്രില്ലർ അനുഭവം സമ്മാനിക്കുകയാണ് പ്രിൻസ് ജോയ് സംവിധാനം ചെയ്ത ‘ടൈറ്റൻസ്’. കോമഡിയും ക്രൈമും…
This website uses cookies.