യുവ താരം ശ്രീനാഥ് ഭാസിയെ നായകനാക്കി സംജിത് ചന്ദ്രസേനന് സംവിധാനം ചെയ്യുന്ന നമുക്ക് കോടതിയില് കാണാം എന്ന ചിത്രം പ്രേക്ഷകർക്ക് മുന്നിൽ എത്താനൊരുങ്ങുകയാണ്. ഇപ്പോൾ ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ പ്രേക്ഷക ശ്രദ്ധ നേടുകയാണ്. കട്ട കലിപ്പ് ലുക്കിലുള്ള ശ്രീനാഥ് ഭാസിയെയാണ് ഈ പോസ്റ്ററുകളിൽ നമ്മുക്ക് കാണാൻ സാധിക്കുന്നത്. ആഷിഖ് അലി അക്ബര് തിരക്കഥയെഴുതിയിരിക്കുന്ന ചിത്രത്തിന്റെ നിര്മ്മാണം ഹസീബ് ഫിലിംസും എം ജി സി പ്രൈവറ്റ് ലിമിറ്റഡും ചേര്ന്നാണ് നിർവഹിക്കുന്നത്. ജോണ് എബ്രഹാമിന്റെ നിര്മ്മാണത്തില് എത്തിയ മൈക്ക് എന്ന ചിത്രത്തിന് ശേഷം ആഷിക് അലി അക്ബര് ഒരുക്കിയ തിരക്കഥയാണ് നമ്മുക്ക് കോടതിയിൽ കാണാം എന്ന ചിത്രത്തിന്റേത്. മിശ്ര വിവാഹം കഴിച്ച ദമ്പതികൾക്ക് കുഞ്ഞുണ്ടായതിന് ശേഷം അവരുടെ കുടുംബങ്ങൾക്ക് ഇടയിൽ ഉണ്ടാകുന്ന രസകരമായ സംഭവവികാസങ്ങളാണ് ഈ ചിത്രത്തിലൂടെ അവതരിപ്പിക്കുന്നത്.
സണ്ണി വെയിനും ധ്യാന് ശ്രീനിവാസനും പ്രധാന കഥാപാത്രങ്ങളെ അവതരിപ്പിച്ച ത്രയത്തിനു ശേഷം സംജിത് ചന്ദ്രസേനന് സംവിധാനം ചെയ്യുന്ന ഈ ചിത്രത്തിൽ ലാലു അലക്സ്, രണ്ജി പണിക്കര്, ജോണി ആന്റണി, ജാഫർ ഇടുക്കി, ധനേഷ് ആനന്ദ്, നിരഞ്ജ് രാജു, ഹരീഷ് കണാരൻ, അലൻസിയർ,ജയരാജ് വാര്യർ, സിജോയ് വർഗീസ്, നിതിൻ രഞ്ജി പണിക്കർ, അഭിരാം രാധാകൃഷ്ണൻ, സരയു മോഹൻ, കവിത നായർ, ആൽഫി പഞ്ഞിക്കാരൻ, രശ്മി ബോബൻ, സഫൽ അക്ബർ എന്നിവരും വേഷമിടുന്നു. പുതുമുഖം മൃണാളിനി ഗാന്ധി നായികാ വേഷം ചെയ്യുന്ന ഈ ചിത്രത്തിന് ക്യാമറ ചലിപ്പിച്ചത് മാത്യു പ്രസാദാണ്. രാഹുൽ സുബ്രമണ്യൻ സംഗീതമൊരുക്കുന്ന ഈ ചിത്രം എഡിറ്റ് ചെയ്തത് സാഗർ ദാസാണ്. ചട്ടമ്പി എന്ന ചിത്രമാണ് ശ്രീനാഥ് ഭാസി നായകനായി എത്തിയ ഏറ്റവും പുതിയ റിലീസ്. ഇത് കൂടാതെ ഇടി മഴ കാറ്റ്, അൺലോക്ക്, ദുനിയാവിന്റെ ഒരറ്റത്തു, ഖജുരാഹോ ഡ്രീംസ്, പടച്ചോനെ ഇങ്ങള് കാത്തോളീ എന്നീ ചിത്രങ്ങളും ഈ യുവനടൻ പ്രധാന വേഷം ചെയ്ത് ഒരുങ്ങുന്നവയാണ്. മമ്മൂട്ടി നായകനായ ഭീഷ്മപർവം എന്ന അമൽ നീരദ് ചിത്രത്തിലും ഈ വർഷം ശ്രീനാഥ് ഭാസി നിർണ്ണായക വേഷം ചെയ്തിരുന്നു.
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
മലയാളത്തിലെ എക്കാലത്തേയും ഏറ്റവും വലിയ ചിത്രമായി ഒരുക്കുന്ന മോഹൻലാൽ ചിത്രം എമ്പുരാൻ ഇപ്പോൾ ഗുജറാത്തിൽ പുരോഗമിക്കുകയാണ്. ഇതിനോടകം നൂറു ദിവസത്തെ…
ടോവിനോ തോമസ് നായകനായ അജയന്റെ രണ്ടാം മോഷണം ബ്ലോക്ക്ബസ്റ്റർ ഹിറ്റായി കുതിപ്പ് തുടരുകയാണ്. സുജിത് നമ്പ്യാർ രചിച്ച്, നവാഗതനായ ജിതിൻ…
മലയാളത്തിലെ പ്രശസ്ത സംവിധായകരിലൊരാളായ ടി കെ രാജീവ് കുമാർ ഒരുക്കാൻ പോകുന്ന പുതിയ ചിത്രത്തെ കുറിച്ചുള്ള വാർത്തകളാണ് ഇപ്പോൾ സമൂഹ…
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
This website uses cookies.