ഒരു കാലത്തെ താര റാണി എന്ന് തന്നെ ചലച്ചിത്ര നടി സൗന്ദര്യയെ വിശേഷിപ്പിക്കാം. കന്നഡ സിനിമയിലെ നിർമ്മാതാവും സംവിധായകനുമെല്ലാമായ കെ. പി. സത്യനാരായണന്റെ മകളായാണ് സൗന്ദര്യ ആദ്യ സിനിമാ രംഗത്തേക്ക് ചുവടു വെപ്പ് നടത്തുന്നതെങ്കിലും, തന്റെ അഭിനയം കൊണ്ട് അവർ ഏവർക്കും പ്രിയങ്കരിയായി മാറുകയായിരുന്നു. പിന്നീട് ഒരു വര്ഷം വിവിധ ഭാഷകളിലായി പന്ത്രണ്ടും പതിമൂന്നും വരെ ചിത്രങ്ങൾ വരെ ചെയ്യുന്ന രീതിയിൽ സൗന്ദര്യ വളർന്നു. കന്നഡ സിനിമയിലാണ് തുടങ്ങിയതെങ്കിലും തെലുങ്ക് ചിത്രങ്ങളിലൂടെയാണ് സൗന്ദര്യ വളർന്നത്. പിന്നീട് സൂപ്പർ താരമായ രജനികാന്തിനൊപ്പം വരെയും സൗന്ദര്യ അഭിനയിച്ചു രജനികാന്തിന്റെ സൂപ്പർ ഹിറ്റുകളായ പടയപ്പാ, അരുണാചലം തുടങ്ങിയവയിൽ സൗന്ദര്യ എത്തി. കിളിച്ചുണ്ടൻ മാമ്പഴം, യാത്രക്കാരുടെ ശ്രദ്ധയ്ക്ക് തുടങ്ങി വളരെ കുറച്ച് മലയാളം സിനിമയിൽ മാത്രമേ സൗന്ദര്യ അഭിനയിച്ചിട്ടുള്ളൂ എങ്കിലും അവർ വളരെ വേഗം മലയാളി പ്രേക്ഷകർക്കും പരിചയമുള്ള മുഖമായി മാറി. വളരെ അപ്രതീക്ഷിതമായിരുന്നു സൗന്ദര്യയുടെ മരണം. ഹെലികോപ്പ്ടർ തകർന്ന് വീണായിരുന്നു 2004ൽ സൗന്ദര്യയുടെ മരണം സംഭവിച്ചത്.
ഇപ്പോഴിതാ തെലുങ്കിൽ നിന്നും സൗന്ദര്യയുമായി സംബന്ധിച്ച വാർത്തകളാണ് വരുന്നത്. സൗന്ദര്യയുടെ സംഭവബഹുലമായ ജീവിതം അഭ്രപാളികളിലേക്ക് എത്തിക്കാൻ ഒരുങ്ങുകയാണ് തെലുങ്ക് സിനിമ മേഖല എന്ന വാർത്തയാണ് പുറത്ത് വരുന്നത്. മുൻ സൂപ്പർ താരവും തെലുങ്ക് പ്രേക്ഷകരുടെ പ്രിയങ്കരിയായ നടിയുമായിരുന്ന സാവിത്രിയുടെ ജീവിത കഥ പറഞ്ഞ മഹാനടി എന്ന ചിത്രത്തിന്റെ വലിയ വിജയമാണ് ഇതിനു പ്രചോദനമായതെന്നു കരുതുന്നു. ഇതിനൊപ്പം തന്നെയാണ് തെലുങ്ക് താരം എൻ. ടി. ആർ മുഖ്യമന്ത്രി ആയിരുന്ന വൈ. എസ്. രാജശേഖര റെഡ്ഢി തുടങ്ങിയവരുടെ ജീവിത കഥകൾ സിനിമയാക്കുന്നതും. പീലി ചൂപുല്ലു എന്ന സൂപ്പർ ഹിറ്റ് തെലുങ്ക് ചിത്രത്തിന്റെ നിർമ്മാതാക്കൾ തന്നെയാകും സൗന്ദരയ്യയുടെ ജീവിത കഥ പറയുന്ന ചിത്രത്തിന്റെ നിർമ്മാതാക്കളും എന്നാണ് കരുതപ്പെടുന്നത്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.