സൂര്യയുടെ ആ മറുപടി കേട്ട് ആന്റണി വർഗ്ഗീസും ചെമ്പൻ വിനോദും ഞെട്ടി….

ഇതിനോടകം വലിയ ചർച്ചയായി മാറിയ ‘അമ്മ മഴവിൽ ഷോയുടെ പുതിയ വിശേഷങ്ങളാണ് പുറത്ത് വരുന്നത്. മലയാള സിനിമാ താരങ്ങൾ വർഷങ്ങളുടെ ഇടവേളക്ക് ശേഷം നടത്തിയ ഗംഭീര പ്രകടനത്തിന്റെ ആവേശമുണർത്തുന്ന ഓർമ്മകളിലാണ് പ്രേക്ഷകർ ഇപ്പോഴും. തിരുവനന്തപുരത്ത് നടന്ന വർണ്ണാഭമായ ചടങ്ങിൽ പങ്കെടുക്കാൻ തമിഴ് സൂപ്പർ താരം സൂര്യ എത്തുമെന്ന് സർപ്രൈസ് ആയാണ് അറിയിച്ചത്. ഇതോടെ ആരാധകരും വലിയ ആവേശത്തിലായിരുന്നു. സൂര്യയെ സ്വീകരിക്കുവാൻ നിരവധി താരങ്ങളും അമ്മയുടെ ഭാരവാഹികളും എത്തി. അഞ്ചു മണിക്കൂറോളം നീണ്ട ചടങ്ങുകൾ പൂർണ്ണമായും സൂര്യ കാണുവാൻ സമയം ചിലവഴിച്ചു. താരങ്ങൾക്കൊപ്പം ഇരുന്നാണ് സൂര്യ പരുപാടിക്ക് സാക്ഷിയായത്. പിന്നീട് മോഹൻലാലിനും മമ്മൂട്ടിയും സൂര്യയും വേദിയിലും എത്തിയിരുന്നു.

സൂര്യ എത്തിയതിന്റെ ആവേശത്തിലായിരുന്നു പ്രേക്ഷകരെ പോലെ മലയാള സിനിമാ താരങ്ങളും അവർ ചിത്രമെടുത്തും സംസാരിച്ചും സൂര്യയുടെ വരവ് ആഘോഷമാക്കി. ഇവരോടൊപ്പം ചിലവഴിക്കാനും സൂര്യ സമയം കണ്ടത്തി. അതിനിടെയാണ് യുവതാരം ആന്റണി വർഗീസ് സൂര്യയുടെ അടുത്തേക്ക് ചിത്രമെടുക്കാനായി എത്തിയത്. എന്നാൽ ആന്റണിയെ സൂര്യ കണ്ടപാടെ തന്നെ ഞെട്ടിച്ചു. ആന്റണി നായകനായ അങ്കമാലി ഡയറീസ് താൻ കണ്ടിട്ടുണ്ട് എന്നും ചിത്രം ഗംഭീരമാണ് എന്നുമാണ് സൂര്യയുടെ അഭിപ്രായം. ചിത്രത്തിലെ അണിയറപ്രവർത്തകരോടും തന്റെ ആശംസകൾ അറിയിക്കണമെന്നും സൂര്യ പറയുകയുണ്ടായി.

തുടർന്ന് സൂര്യയോടൊപ്പം ചിത്രമെടുത്ത ആന്റണി വിവരം ചെമ്പൻ വിനോദിനോട് പോയി പറഞ്ഞു. സൂര്യയെ തനിക്കും പരിചയപ്പെടണം എന്നായി ചെമ്പൻ വിനോദ് തുടർന്ന് അവതാരികയോടൊപ്പം ചെമ്പൻ വിനോദും സൂര്യക്ക് അടുക്കൽ എത്തി. അങ്കമാലി ഡയറീസിന്റെ തിരക്കഥാകൃത്താണ് എന്ന് ചെമ്പൻ വിനോദ് പരിചയപ്പെടുത്തി. സത്യത്തിൽ ചിത്രമെടുക്കാൻ എത്തിയ ചെമ്പൻ വിനോദും സൂര്യയുടെ പ്രശംസ കേട്ട് ഞെട്ടി എന്നാണ് പറയുന്നത്. എന്തായാലും സൂര്യയോടൊപ്പം ചിത്രമെടുക്കാൻ പോയ ഇരുവരുമാണ് ഇപ്പോൾ സൂര്യയുടെ അഭിനന്ദങ്ങൾ നേടി താരമായി മാറിയിരിക്കുന്നത്.