പുതിയ അതിഥിയായ ഒർഹാനെ പരിചയപ്പെടുത്തി സൗബിൻ ഷാഹിർ…

സമൂഹ മാധ്യമങ്ങളിൽ ഏറെ സജീവമായ വ്യക്തിയാണ് സൗബിൻ ഷാഹിർ. ഹാസ്യ കഥാപാത്രങ്ങളിലൂടെ മലയാളികളുടെ മനസ്സിൽ ചേക്കേറിയ വ്യക്തി ഇന്ന് നടനായും സംവിധായകനായും തന്റേതായ സ്ഥാനം കണ്ടെത്തിയിരിക്കുകയാണ്. സൗബിന്റെ ജീവിതത്തിൽ ഇപ്പോൾ പുതിയൊരു അതിഥി കൂടി വന്നിരിക്കുകയാണ്. ഒർഹാൻ എന്നാണ് തന്റെ ആദ്യ കുഞ്ഞിന് സൗബിൻ പേരിട്ടിരിക്കുന്നത്. സൗബിൻ തന്നെയാണ് കുഞ്ഞിന്റെ ചിത്രം സമൂഹ മാധ്യമങ്ങളിൽ പങ്കുവെച്ചു പേര് വെളിപ്പെടുത്തിയത്. ഒരുപാട് സിനിമ താരങ്ങൾ അഭിനന്ദനങ്ങളും ആശംസകളുമായി മുന്നോട്ട് വന്നിട്ടുണ്ട്.

മെയ് 10നാണ് ഒർഹൻ സൗബിൻ ജനിക്കുന്നത്. 2017 ഡിസംബറിൽ വിവാഹം കഴിഞ്ഞ സൗബിൻ- ജാമിയ എന്നിവർക്ക് ഏറെ നാളത്തെ കാത്തിരിപ്പിന് ശേഷമാണ് ആൺകുഞ്ഞു പിറക്കുന്നത്. മലയാള സിനിമയിൽ വളരെ സജീവമായി പ്രവർത്തിക്കുന്ന വ്യക്തി കൂടിയാണ് സൗബിൻ. അടുത്തിടെ താരത്തിന്റെ പുറത്തിറങ്ങിയ ചിത്രമാണ് ഒരു യമണ്ടൻ പ്രേമകഥ. അണിയറയിൽ ഒരുപാട് വമ്പൻ ചിത്രങ്ങൾ തന്നെ ഒരുങ്ങുന്നുണ്ട്. അമ്പിളി, വൈറസ്, ട്രാൻസ് എന്നീ ചിത്രങ്ങളിലെ സൗബിന്റെ പ്രകടനത്തിന് വേണ്ടിയാണ് സിനിമ പ്രേമികൾ ഉറ്റുനോക്കുന്നത്. സിനിമ ജീവിതവും കുടുംബ ജീവിതത്തിനും തുല്യ സ്ഥാനം നൽകുന്ന വ്യക്തിയാണ് സൗബിൻ. കുടുംബത്തോടൊപ്പം കൂടുതൽ സമയം കണ്ടെത്തുവാനും താരം മറക്കാറില്ല. ഈ വർഷത്തെ സംസ്ഥാന സർക്കാറിന്റെ മികച്ച നടനുള്ള പുരസ്കാരവും സൗബിനെ തേടിയെത്തിയിരുന്നു.