വെങ്കട് പ്രഭു ഒരുക്കിയ മാനാട് എന്ന തമിഴ് ചിത്രം കഴിഞ്ഞ വർഷം റിലീസ് ചെയ്തതിൽ വമ്പൻ ഹിറ്റായി മാറിയ ഒരു ചിത്രമാണ്. ചിമ്പു, കല്യാണി പ്രിയദർശൻ എന്നിവർ നായകനും നായികയുമായി എത്തിയ ഈ ചിത്രത്തിലെ വില്ലൻ വേഷം ചെയ്തത് എസ് ജെ സൂര്യ ആണ്. ഗംഭീര പ്രകടനമാണ് നായകനും വില്ലനുമായി ചിമ്പു- എസ് ജെ സൂര്യ ടീം നടത്തിയത്. ഇപ്പോഴിതാ, ഈ സൂപ്പർ ഹിറ്റ് കൂട്ടുകെട്ട് ഒരിക്കൽ കൂടി ഒന്നിക്കുകയാണ് എന്ന റിപ്പോർട്ടുകൾ ആണ് വരുന്നത്. സൂപ്പർ ഹിറ്റായ മലയാളം ചിത്രം ഡ്രൈവിംഗ് ലൈസന്സിന്റെ തമിഴ് റീമേക്കിലായിരിക്കും ഇരുവരും വീണ്ടും ഒന്നിക്കാന് പോകുന്നത് എന്നാണ് വാർത്തകൾ പറയുന്നത്. തമിഴ് മാധ്യമമായ വലൈ പേച്ച് ആണ് ഇക്കാര്യം പുറത്തു വിട്ടിരിക്കുന്നത്. വാലു, സ്കെച്ച്, സംഗത്തമിഴന് എന്നീ ചിത്രങ്ങളൊരുക്കിയ വിജയ് ചന്ദര് ആയിരിക്കും ഈ തമിഴ് റീമേക് ഒരുക്കുക എന്നും അവർ പറയുന്നു.
മലയാളത്തില് പൃഥ്വിരാജും സുരാജ് വെഞ്ഞാറമൂടും അവതരിപ്പിച്ച കഥാപാത്രങ്ങളാണ് ചിമ്പുവും എസ്.ജെ. സൂര്യയും തമിഴിൽ ചെയ്യുക. സച്ചി രചിച്ചു ജീൻ പോൾ ലാൽ സംവിധാനം ചെയ്ത ഡ്രൈവിംഗ് ലൈസെൻസ് ഇപ്പോൾ ഹിന്ദിയിലും റീമേക് ചെയ്യുന്നുണ്ട്. അക്ഷയ് കുമാർ, ഇമ്രാൻ ഹാഷ്മി എന്നിവരാണ് ഹിന്ദി റീമേക്കിലെ പ്രധാന താരങ്ങൾ. മലയാളം ചിത്രം നിർമ്മിച്ച പൃഥ്വിരാജ് സുകുമാരൻ, ലിസ്റ്റിൻ സ്റ്റീഫൻ എന്നിവർ ഇതിന്റെ ഹിന്ദി റീമേക്കിലും നിർമ്മാണ പങ്കാളികൾ ആണ്. സെല്ഫി എന്ന് പേരിട്ടിരിക്കുന്ന ഹിന്ദി റീമേക് രാജ് മേത്തയാണ് സംവിധാനം ചെയ്യുന്നത്. പൃഥ്വിരാജ് പ്രൊഡക്ഷന്സിനൊപ്പം മാജിക് ഫ്രെയിംസ്, ധര്മ്മ പ്രൊഡക്ഷന്സ്, കേപ് ഓഫ് ഗുഡ് ഫിലിംസ് എന്നിവ ചേർന്നാണ് സെൽഫി നിർമിക്കുന്നത്. എന്നാൽ തമിഴ് റീമേക്കിനെ കുറിച്ചുള്ള ഔദ്യോഗിക പ്രതികരണങ്ങളൊന്നും ഇതുവരെ പുറത്തു വന്നിട്ടില്ല.
ക്യൂബ്സ് എന്റർടെയ്ന്മെന്റ്സ് നിര്മ്മാണത്തില് ഉണ്ണി മുകുന്ദനെ നായകനാക്കി ഹനീഫ് അദനി സംവിധാനം ചെയ്യുന്ന പുതിയ ചിത്രമായ മാർക്കോ പ്രേക്ഷകരുടെ മുന്നിലെത്താനുള്ള…
ഓണക്കാലചിത്രങ്ങളിൽ ഏറ്റവും കൂടുതൽ കളക്ഷൻ സ്വന്തമാക്കിയതിന് ശേഷം വരാൻ പോകുന്ന പൂജ അവധികളിലും മികച്ച കളക്ഷൻ ലക്ഷ്യമിട്ട് A.R.M. 100…
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
This website uses cookies.