തമിഴിലെ യുവ സൂപ്പർ താരമായ ശിവകാര്ത്തികേയൻ നായകനാകുന്ന ഏറ്റവും പുതിയ സിനിമ ഇന്ന് പ്രഖ്യാപിച്ചു. മാവീരൻ എന്നാണ് ഈ പുതിയ സിനിമക്ക് നൽകിയിരിക്കുന്ന പേര്. മഡോണി അശ്വിൻ ആണ് മാവീരൻ സംവിധാനം ചെയ്യുന്നത്. ശാന്തി ടാക്കീസ് നിര്മിക്കുന്ന ചിത്രത്തിന്റെ അനൗണ്സ്മെന്റ് വീഡിയോ കൂടി ഇനി പുറത്തു വിട്ടിട്ടുണ്ട്. തെലുങ്ക് സൂപ്പർ താരം മഹേഷ് ബാബുവാണ് ഈ വീഡിയോ റിലീസ് ചെയ്തത്. സംവിധായകൻ മഡോണി അശ്വിൻ തന്നെയാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. ഒരു മാസ് ചിത്രമായാണ് മാവീരൻ ഒരുക്കാൻ പോകുന്നതെന്നാണ് ഇന്ന് വന്ന വീഡിയോ നൽകുന്ന സൂചന. വിധു അയ്യണ്ണ ക്യാമറ ചലിപ്പിക്കുന്ന ഈ ചിത്രത്തിന് ഭരത് ശങ്കര് ആണ് സംഗീത സംവിധാനം നിർവഹിക്കുന്നത്.
ഏതായാലും ഇതിന്റെ ടൈറ്റിൽ പ്രഖ്യാപന വീഡിയോ ഇപ്പോൾ വലിയ ശ്രദ്ധയാണ് സോഷ്യൽ മീഡിയയിൽ നിന്നും നേടുന്നത്. ഇതിലെ ശിവകാർത്തികേയന്റെ ലുക്ക്, സൂപ്പർ സ്റ്റാർ രജനികാന്തിന്റെ പഴയ ചിത്രങ്ങളായ മാവീരൻ, ദളപതി എന്നിവയിലെ ലുക്കിനെ അനുസ്മരിപ്പിക്കുന്നു എന്നാണ് സോഷ്യൽ മീഡിയ പറയുന്നത്. ശിവകാർത്തികേയൻ നായകനായി ഇനി റിലീസ് ചെയ്യാൻ പോകുന്ന ചിത്രമാണ് പ്രിൻസ്. തന്റെ തൊട്ടു മുൻപത്തെ റിലീസായ ഡോൺ എന്ന ചിത്രം നേടിയ മഹാവിജയത്തോടെ തമിഴിലെ പുതു തലമുറയിലെ ഏറ്റവും വലിയ താരമായി ശിവകാർത്തികേയൻ മാറിക്കഴിഞ്ഞു. അത്കൊണ്ട് തന്നെ ദീപാവലി റിലീസായി എത്തുന്ന പ്രിൻസ് വലിയ പ്രതീക്ഷകളോടെയാണ് അദ്ദേഹത്തിന്റെ ആരാധകർ കാത്തിരിക്കുന്നത്. അതിനൊപ്പം മാവീരൻ പ്രഖ്യാപനം കൂടി വന്നതോടെ അത് അവർക്ക് ഇരട്ടി മധുരമായി മാറി. അനുദീപ് സംവിധാനം ചെയ്തിരിക്കുന്ന പ്രിൻസ് തമിഴിലും തെലുങ്കിലും ആണ് റിലീസ് ചെയ്യുക. സത്യരാജ്, ഉക്രേനിയൻ നായികയായ മരിയ എന്നിവരാണ് ഇതിൽ ശിവകാർത്തികേയനൊപ്പം പ്രധാന വേഷങ്ങൾ ചെയ്യുന്നത്.
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
കേരള - തമിഴ്നാട് അതിർത്തിയിലെ വേലംപാളയം എന്ന സ്ഥലത്തെ എന്തിനും ഏതിനും പോന്ന നാല് കൂട്ടുകാരുടെ കഥയുമായി തിയേറ്ററുകള് കീഴടക്കാൻ…
This website uses cookies.