മലയാളത്തിന്റെ യുവ താരം ദുൽഖർ സൽമാന്റെ ഏറ്റവും പുതിയ റിലീസായിരുന്നു കഴിഞ്ഞ മാസം പുറത്ത് വന്ന സീതാ രാമം. ഹനു രാഘവപ്പുഡി സംവിധാനം ചെയ്ത്, വൈജയന്തി മൂവീസ് നിർമ്മിച്ച ഈ ചിത്രത്തിലെ നായികാ വേഷം ചെയ്തത് മൃണാൾ താക്കൂറാണ്. ദുൽഖർ സൽമാന്റെ രണ്ടാമത്തെ മാത്രം തെലുങ്ക് ചിത്രമായിരുന്ന സീതാ രാമം ബ്ലോക്ക്ബസ്റ്റർ വിജയമാണ് നേടിയത്. ദുൽഖർ സൽമാന്റെ കരിയറിലെ തന്നെ ഏറ്റവും വലിയ ബോക്സ് ഓഫീസ് ഹിറ്റായി സീതാ രാമം മാറി. തൊണ്ണൂറു കോടിയോളമാണ് ഈ ചിത്രം നേടിയ ആഗോള കളക്ഷൻ. ഇപ്പോഴിതാ ഈ ചിത്രത്തിന്റെ വിജയത്തിന് പിന്നാലെ, ഈ ടീം ഒരിക്കൽ കൂടി ഒന്നിക്കുകയാണെന്ന വാർത്തകളാണ് പുറത്ത് വരുന്നത്. വൈജയന്തി മൂവീസ് നിർമ്മിക്കാൻ പോകുന്ന ഈ ചിത്രത്തിൽ ദുൽഖർ സൽമാൻ- മൃണാൾ താക്കൂർ ടീം ഒന്നിക്കുമെന്നാണ് സൂചന.
ഹനു രാഘവപ്പുഡി തന്നെയാവും ഈ ചിത്രവും ഒരുക്കുകയെന്നും വാർത്തകൾ പറയുന്നു. എന്നാൽ ഹനു രാഘവപ്പുടിക്ക് പകരം തെലുങ്കിലെ സൂപ്പർ ഹിറ്റ് സംവിധായകനായ ശേഖർ കമ്മൂലയാവും ഈ ചിത്രം സംവിധാനം ചെയ്യുകയെന്ന റിപ്പോർട്ടുകളും പുറത്ത് വരുന്നുണ്ട്. ഫിദ, ലവ് സ്റ്റോറി തുടങ്ങിയ വമ്പൻ ഹിറ്റുകൾ സമ്മാനിച്ച സംവിധായകനാണ് അദ്ദേഹം. ഏതായാലും ഈ വാർത്ത ഔദ്യോഗികമായി സ്ഥിതീകരിച്ചിട്ടില്ല. ദുൽഖർ സൽമാൻ ഉടനെ ചെയ്യാൻ പോകുന്നത് ബിഗ് ബഡ്ജറ്റ് മലയാള ചിത്രമായ കിംഗ് ഓഫ് കൊത്തയാണ്. ദുൽഖർ സൽമാൻ തന്നെ നിർമ്മിക്കുന്ന ഈ ചിത്രം അഭിലാഷ് ജോഷിയാണ് സംവിധാനം ചെയ്യുക. ദുൽഖറിന്റെ മൂന്നാമത്തെ ബോളിവുഡ് ചിത്രമായ ചുപ് ഈ ആഴ്ച റിലീസ് ചെയ്യുകയാണ്.
പ്രശസ്ത നടൻ രാജേഷ് മാധവൻ ആദ്യമായി സംവിധാനം ചെയ്യുന്ന “പെണ്ണും പൊറാട്ടും” എന്ന ചിത്രം നവംബർ 26 തീയതി IFFI…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്ലർ പുറത്ത്. നവംബർ 27…
മലയാളികളുടെ ഹൃദയം കീഴടക്കിയ ഹനാന് ഷാ പാടിയ 'പൊങ്കാല'യിലെ റൊമാന്റിക് സോങ് വൈറലാകുന്നു. പ്രേക്ഷകര് ആവേശത്തോടെ കാത്തിരിക്കുന്ന ആക്ഷന് ചിത്രമാണ്…
ശ്രീനാഥ് ഭാസിയുടെ ആക്ഷൻ ചിത്രം പൊങ്കാലയുടെ ഓഡിയോ ലോഞ്ച് അതി ഗംഭീരമായി ദുബായിൽ വച്ച് നടന്നു. ഹനാൻഷാ അടക്കം നിരവധി…
മോഹൻലാൽ-മേജർ രവി കൂട്ടുകെട്ട് വീണ്ടും ഒന്നിക്കുന്നു എന്ന് വാർത്തകൾ. കീർത്തിചക്ര, കുരുക്ഷേത്ര, കർമ്മയോദ്ധ, കാണ്ഡഹാർ, 1971 ബിയോണ്ട് ബോർഡേഴ്സ് തുടങ്ങിയ…
ആക്ഷൻ ഡയറക്ടർമാരായ അൻപറിവ് സഹോദരങ്ങൾ ആദ്യമായി സംവിധാനം ചെയ്യാൻ പോകുന്ന കമൽ ഹാസൻ ചിത്രത്തിന് സംഗീതമൊരുക്കാൻ ജേക്സ് ബിജോയ്. ആദ്യമായാണ്…
This website uses cookies.