നവാഗതനായ ജിജോ ജോസഫ് സംവിധാനം ചെയ്ത വരയൻ എന്ന ചിത്രം ഈ കഴിഞ്ഞ വെള്ളിയാഴ്ചയാണ് കേരളത്തിൽ റിലീസ് ചെയ്തത്. യുവ താരം സിജു വിൽസൺ നായകനായെത്തിയ ഈ ചിത്രത്തിന്റെ തിരക്കഥയും സംഭാഷണങ്ങളും ഒരുക്കിയിരിക്കുന്നത് ഡാനി കപ്പുചിൻ, നിർമ്മിച്ചിരിക്കുന്നത് സത്യം സിനിമാസിന്റെ ബാനറിൽ പ്രേമചന്ദ്രൻ എ.ജി എന്നിവരാണ്. ഇപ്പോഴിതാ ഗംഭീര പ്രേക്ഷക പ്രതികരണം നേടി മുന്നേറുകയാണ് ഈ ചിത്രം. സ്ത്രീകളും കുട്ടികളും യുവാക്കളുമെല്ലാം ഒരേപോലെയേറ്റെടുക്കുന്ന ഈ ചിത്രം തീയേറ്ററുകളിൽ കുടുംബ സദസ്സുകൾക്ക് ഉത്സവമായി മാറുകയാണ്. നിറഞ്ഞ് കവിയുന്ന തീയേറ്ററുകൾ വരയൻ നേടുന്ന വലിയ വിജയമാണ് നമ്മുക്ക് കാണിച്ചു തരുന്നത്. സിജു വിൽസൺ അവതരിപ്പിക്കുന്ന ഫാദർ എബി കപ്പൂച്ചിൻ എന്ന വൈദിക കഥാപാത്രത്തിന് ചുറ്റുമാണ് ഈ ചിത്രം വികസിക്കുന്നത്.
ഒരുപാട് പുതുമകൾ നിറഞ്ഞ ഒരു വിനോദ ചിത്രം പ്രേക്ഷകർക്ക് സമ്മാനിക്കാൻ ഈ ചിത്രത്തിലൂടെ സംവിധായകനു സാധിച്ചിട്ടുണ്ട്. സാങ്കേതികമായി ഏറെ മികവ് പുലർത്തിയ ഈ ചിത്രം പ്രേക്ഷകരെ പൂർണ്ണമായും തൃപ്തിപ്പെടുത്തുന്ന വിധം എല്ലാവിധ കൊമേർഷ്യൽ ചേരുവകളും കൃത്യമായ അളവിൽ ചേർത്താണ് നിർമ്മിച്ചിരിക്കുന്നത്. ഇതിലെ ആവേശം നിറക്കുന്ന മുഹൂർത്തങ്ങളും ആക്ഷൻ രംഗങ്ങളും, കോമഡിയും, വൈകാരിക നിമിഷങ്ങുമെല്ലാം പ്രേക്ഷകരെ രസിപ്പിക്കുന്നുണ്ട്. ഗംഭീര പ്രകടനം കാഴ്ച്ചവെച്ച സിജു വിൽസനൊപ്പം, നായികാ വേഷം ചെയ്ത ലിയോണ ലിഷോയിയും കയ്യടി നേടുന്നുണ്ട്. മണിയൻപിള്ള രാജു, അരിസ്റ്റോ സുരേഷ്, വിജയരാഘവൻ, ജൂഡ് ആന്തണി ജോസഫ്, ജോയ് മാത്യു എന്നിവരും ഈ ചിത്രത്തിന്റെ താരനിരയിലുണ്ട്. ഏതായാലും സിജു വിത്സന്റെ കരിയറിലെ തന്നെ മികച്ച വിജയങ്ങളിലൊന്നായി വരയൻ മാറുകയാണെന്നു നിസംശയം പറയാം.
മലയാളികളുടെ പ്രീയപ്പെട്ട നടിമാരിലൊരാളായ പൂർണ്ണിമ ഇന്ദ്രജിത് ഒരു വലിയ ഇടവേളക്ക് ശേഷം അഭിനയിച്ച ചിത്രമാണ് ഷാനവാസ് കെ ബാവക്കുട്ടി ഒരുക്കിയ…
മമ്മൂട്ടിയെ നായകനാക്കി രഞ്ജിത്ത് തിരക്കഥ, സംവിധാനം നിര്വ്വഹിച്ച് 2009 ല് റിലീസ് ചെയ്ത പാലേരി മാണിക്യം: ഒരു പാതിരാ കൊലപാതകത്തിന്റെ…
മെഗാസ്റ്റാർ മമ്മൂട്ടിയെ നായകനാക്കി 2018 ൽ അബ്രഹാമിന്റെ സന്തതികൾ എന്ന ചിത്രമൊരുക്കി അരങ്ങേറ്റം കുറിച്ച സംവിധായകനാണ് ഷാജി പാടൂർ. സൂപ്പർ…
മോഹൻലാലിനെ നായകനാക്കി സൂപ്പർ ഹിറ്റ് സംവിധായകൻ തരുൺ മൂർത്തി ഒരുക്കുന്ന ചിത്രം പുരോഗമിക്കുകയാണ്. L360 എന്ന് താത്കാലികമായി പേര് നൽകിയിരിക്കുന്ന…
കിസ്മത്ത്, തൊട്ടപ്പന് എന്നീ ചിത്രങ്ങള്ക്ക് ശേഷം ഷാനവാസ് കെ ബാവക്കുട്ടി സംവിധാനം ചെയ്യുന്ന 'ഒരു കട്ടില് ഒരു മുറി' നാളെ…
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
This website uses cookies.