റോഷൻ മാത്യു, സ്വാസിക എന്നിവരെ കേന്ദ്രകഥാപാത്രങ്ങളാക്കി സിദ്ധാർഥ് ഭരതൻ സംവിധാനം ചെയ്യുന്ന ‘ചതുരം’ ചിത്രത്തിന്റെ റിലീസ് തിയതി പ്രഖ്യാപിച്ചു. ‘ഒരു ശുദ്ധ A പടം’ എന്ന ടാഗ് ലൈനിൽ ഒരുക്കുന്ന ചിത്രം സെപ്തംബർ 16ന് തിയേറ്ററുകളിൽ പ്രദർശനത്തിന് എത്തും. സിനിമയുടെ റിലീസ് തീയതി സ്വാസികയും റോഷൻ മാത്യുവും ഫേസ്ബുക്കിലൂടെ പങ്കുവച്ചു.
കഴിഞ്ഞ ദിവസമാണ് ചതുരത്തിന്റെ ടീസർ അണിയറപ്രവർത്തകർ പുറത്തുവിട്ടത്. ഇന്റിമേറ്റ് രംഗങ്ങളും വയലൻസും സസ്പെൻസും ചേർത്ത ത്രില്ലർ മൂഡായിരിക്കും സിനിമ എന്നാണ് ടീസർ നൽകുന്ന സൂചന. യുവതാരങ്ങളിൽ വ്യത്യസ്തമായ കഥാപാത്രങ്ങളിലൂടെ ശ്രദ്ധ നേടിയ റോഷൻ മാത്യുവും മിനിസ്ക്രീനിലും ബിഗ് സ്ക്രീനിലും ശ്രദ്ധേയയായ സ്വാസ്വികയും ഒന്നിക്കുന്ന ചിത്രത്തിനായി പ്രേക്ഷകരും അതീവ ആകാംക്ഷയിലാണ്. സിനിമയുടെ ടീസറിലും മറ്റുമുള്ള ചൂടൻ രംഗങ്ങളാൽ സമൂഹമാധ്യമങ്ങളിൽ ചതുരം ഏറെ ചർച്ചയായിരുന്നു. അലൻസിയർ, ലിയോണ, ശാന്തി, ഗീതി സംഗീത, നിശാന്ത് സാഗർ, കിച്ചു ടെല്ലസ് എന്നിവരാണ് മറ്റ് പ്രധാന താരങ്ങൾ.
സാഹിത്യ അക്കാദമി പുരസ്കാര ജേതാവും, ചെറുകഥാകൃത്തും നോവലിസ്റ്റുമായ വിനയ് തോമസാണ് സിനിമയുടെ തിരക്കഥാകൃത്ത്. ഒപ്പം സംവിധായകൻ സിദ്ധാർഥ് ഭരതനും തിരക്കഥയിൽ പങ്കാളിയാകുന്നു.
പ്രദീഷ് എം. വർമ ചിത്രത്തിന്റെ ഫ്രെയിമുകൾ ഒരുക്കിയിരിക്കുന്നു. ദീപു ജോസഫാണ് എഡിറ്റർ. ചിത്രത്തിന്റെ സംഗീതം ഒരുക്കിയിരിക്കുന്നത് പ്രശാന്ത് പിള്ളയാണ്. ഗ്രീൻവിച്ച് എന്റർടേയ്ൻമെന്റ്സിന്റെയും യെല്ലോ ബേർഡ് പ്രൊഡക്ഷന്റെയും ബാനറിൽ വിനിതാ അജിത്തും ജോർജ് സാന്തിയാഗോയും ചേർന്നാണ് ചതുരം നിർമിച്ചിരിക്കുന്നത്.
പ്രശസ്ത നടൻ രാജേഷ് മാധവൻ ആദ്യമായി സംവിധാനം ചെയ്യുന്ന “പെണ്ണും പൊറാട്ടും” എന്ന ചിത്രം നവംബർ 26 തീയതി IFFI…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്ലർ പുറത്ത്. നവംബർ 27…
മലയാളികളുടെ ഹൃദയം കീഴടക്കിയ ഹനാന് ഷാ പാടിയ 'പൊങ്കാല'യിലെ റൊമാന്റിക് സോങ് വൈറലാകുന്നു. പ്രേക്ഷകര് ആവേശത്തോടെ കാത്തിരിക്കുന്ന ആക്ഷന് ചിത്രമാണ്…
ശ്രീനാഥ് ഭാസിയുടെ ആക്ഷൻ ചിത്രം പൊങ്കാലയുടെ ഓഡിയോ ലോഞ്ച് അതി ഗംഭീരമായി ദുബായിൽ വച്ച് നടന്നു. ഹനാൻഷാ അടക്കം നിരവധി…
മോഹൻലാൽ-മേജർ രവി കൂട്ടുകെട്ട് വീണ്ടും ഒന്നിക്കുന്നു എന്ന് വാർത്തകൾ. കീർത്തിചക്ര, കുരുക്ഷേത്ര, കർമ്മയോദ്ധ, കാണ്ഡഹാർ, 1971 ബിയോണ്ട് ബോർഡേഴ്സ് തുടങ്ങിയ…
ആക്ഷൻ ഡയറക്ടർമാരായ അൻപറിവ് സഹോദരങ്ങൾ ആദ്യമായി സംവിധാനം ചെയ്യാൻ പോകുന്ന കമൽ ഹാസൻ ചിത്രത്തിന് സംഗീതമൊരുക്കാൻ ജേക്സ് ബിജോയ്. ആദ്യമായാണ്…
This website uses cookies.