മലയാളത്തിൽ 1980 നു ശേഷം രണ്ടോ അതിലധികമോ ഇൻഡസ്ട്രി ഹിറ്റുകൾ സമ്മാനിച്ച രണ്ടേ രണ്ടു നായക- സംവിധായക ജോഡിയെ ഉള്ളു. അതിലൊന്ന് മൂന്നു ഇൻഡസ്ട്രി ഹിറ്റുകൾ സമ്മാനിച്ച മോഹൻലാൽ – പ്രിയദർശൻ ജോഡിയും മറ്റൊന്ന് രണ്ടെണ്ണം സമ്മാനിച്ച മോഹൻലാൽ – ഷാജി കൈലാസ് ടീമുമാണ്. ചിത്രം, കിലുക്കം, ചന്ദ്രലേഖ എന്നിവയാണ് മോഹൻലാൽ- പ്രിയദർശൻ ടീമിൽ നിന്നെത്തിയ ഇൻഡസ്ട്രി ഹിറ്റുകൾ എങ്കിൽ ആറാം തമ്പുരാനും നരസിംഹവുമാണ് മോഹൻലാൽ- ഷാജി കൈലാസ് കൂട്ടുകെട്ടിൽ നിന്നും പുറത്തു വന്ന ഇൻഡസ്ട്രി ഹിറ്റുകൾ. ഇപ്പോഴിതാ ഒരു വലിയ ഇടവേളയ്ക്കു ശേഷം മോഹൻലാൽ – ഷാജി കൈലാസ് കൂട്ടുകെട്ട് ഒന്നിക്കുന്ന ചിത്രം വരികയാണ്. അടുത്ത മാസം ഷൂട്ടിംഗ് ആരംഭിക്കുന്ന ഈ ചിത്രത്തെ കുറിച്ചും മോഹൻലാലുമായി വീണ്ടും ഒന്നിക്കുന്നതിനെ കുറിച്ചും മാതൃഭൂമിക്ക് നൽകിയ അഭിമുഖത്തിൽ മനസ്സ് തുറന്ന ഷാജി കൈലാസ്, ആറാം തമ്പുരാൻ എന്ന തങ്ങളുടെ മഹാവിജയം സംഭവിച്ചതിനു പിന്നിലെ കഥയും വെളിപ്പെടുത്തുന്നു.
രണ്ട് സുഹൃത്തുക്കളുടെ കഥയായി ആലോചിച്ച ആറാം തമ്പുരാൻ എന്ന ചിത്രത്തിൽ അഭിനയിക്കാൻ, ആദ്യം മനസില് കണ്ടിരുന്നത് ബിജു മേനോനെയും മനോജ് കെ. ജയനെയുമായിരുന്നുവെന്നാണ് ഷാജി കൈലാസ് പറയുന്നത്. മദ്രാസിലെ ഗസ്റ്റ്ഹൗസില് കഥയുമായി കഴിയുമ്പോള് ഒരു ദിവസം മണിയന്പിള്ള രാജു അവിടെ വരികയും അങ്ങനെ ആദ്യമായി രഞ്ജിത്തും ഷാജി കൈലാസും ആ കഥ മൂന്നാമതൊരാളോട് പറയുകയും ചെയ്തു. കഥ ഇഷ്ടമായി രാജു തിരിച്ചുപോയി രണ്ടു ദിവസം കഴിഞ്ഞപ്പോൾ സേലത്തുനിന്ന് സുരേഷ് കുമാര് വിളിച്ചു. രാജുവിൽ നിന്ന് കഥ കേട്ട് ഇഷ്ടപെട്ട ശേഷമാണു അദ്ദേഹം വിളിച്ചത്. മോഹന്ലാലിനു പറ്റിയ കഥയാണെന്നും ലാലിനോട് സംസാരിക്കാമെന്നും പറഞ്ഞ സുരേഷ് കുമാർ അതിന്റെ നിർമ്മാണ ചുമതലയും ഏറ്റെടുത്തു. കോഴിക്കോട് വെച്ചാണ് മോഹൻലാൽ കഥ കേൾക്കുന്നത് എന്നും ഷാജി കൈലാസ് പറയുന്നു. അങ്ങനെ 1997 ഡിസംബറിൽ റിലീസ് ചെയ്ത ഈ ചിത്രം മലയാളത്തിലെ അപ്പോഴത്തെ ഇൻഡസ്ട്രി ഹിറ്റായി നിന്ന ചന്ദ്രലേഖയുടെ കളക്ഷൻ റെക്കോർഡുകൾ തകർത്തു കൊണ്ട് പുതിയ ബോക്സ് ഓഫീസ് ചരിത്രമാണ് സൃഷ്ടിച്ചത്
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.