മലയാളത്തിന്റെ ആക്ഷൻ സൂപ്പർസ്റ്റാർ സുരേഷ് ഗോപി ഇപ്പോൾ ഒരു തിരിച്ചു വരവിന്റെ പാതയിലാണ്. ജോഷി ഒരുക്കിയ പാപ്പൻ നേടിയ വലിയ വിജയം സുരേഷ് ഗോപിക്ക് വലിയ തിരിച്ചു വരവാണ് സമ്മാനിച്ചത്. ഒരുപിടി വമ്പൻ ചിത്രങ്ങളാണ് സുരേഷ് ഗോപി നായകനായി എത്താനുള്ളതും അണിയറയിൽ ഒരുങ്ങുന്നതും. ജിബു ജേക്കബ് ഒരുക്കിയ മേം ഹൂം മൂസ പൂജ റിലീസായി എത്തുമ്പോൾ, സുരേഷ് ഗോപി ഇപ്പോൾ ചെയ്യുന്നത് ഒറ്റക്കൊമ്പൻ എന്ന മാസ്സ് ആക്ഷൻ ചിത്രമാണ്. ഇത് കൂടാതെ രാഹുൽ രാമചന്ദ്രൻ ഒരുക്കുന്ന ത്രില്ലറും മാജിക് ഫ്രെയിംസ് ഒരുക്കാൻ പോകുന്ന ചിത്രവും ജയരാജ് ഒരുക്കുന്ന ഹൈവേ 2 ഉം സുരേഷ് ഗോപി കമ്മിറ്റ് ചെയ്തിട്ടുണ്ട്. സുരേഷ് ഗോപിയുടെ പഴയകാല ചിത്രങ്ങളായ ലേലം, ചിന്താമണി കൊലക്കേസ് എന്നിവയുടെ രണ്ടാം ഭാഗവും പ്ലാനിങ്ങിലാണെന്നും വാർത്തകൾ വന്നിരുന്നു. ഇപ്പോഴിതാ അദ്ദേഹത്തിന്റെ മറ്റൊരു സൂപ്പർ ഹിറ്റ് കഥാപാത്രം കൂടി ഒരിക്കൽ കൂടി വരുമോ എന്നറിയാനുള്ള ആകാംക്ഷയിലാണ് ആരാധകർ.
സുരേഷ് ഗോപിയെ നായകനാക്കി വിജി തമ്പി സംവിധാനം ചെയ്ത് 2000 ഇൽ പുറത്തു വന്ന ചിത്രമാണ് സത്യമേവ ജയതേ. സുരേഷ് ഗോപി, ഐശ്വര്യ, ബാലചന്ദ്ര മേനോൻ, സിദ്ദിഖ്, ഹേമന്ത് രാവൺ എന്നിവർ പ്രധാന വേഷങ്ങൾ ചെയ്ത ഈ ചിത്രത്തിൽ, സുരേഷ് ഗോപി അവതരിപ്പിച്ച ചന്ദ്രചൂഡൻ എന്ന സർക്കിൾ ഇൻസ്പെക്ടർ കഥാപാത്രം വലിയ ജനപ്രീതിയാണ് നേടിയത്. അതിലെ സുരേഷ് ഗോപിയുടെ ഡയലോഗുകൾ ഇന്നും സൂപ്പർ ഹിറ്റാണ്. ഇപ്പോഴിതാ അതിന്റെ രണ്ടാം ഭാഗം വേണമെന്നുള്ള ആവശ്യവുമായി ആരാധകർ തന്നെ സമീപിക്കുകയാണെന്ന സോഷ്യൽ മീഡിയ പോസ്റ്റുമായാണ് സംവിധായകൻ വിജി തമ്പി എത്തിയിരിക്കുന്നത്. “ചന്ദ്രചൂഡന്റെ രണ്ടാം വരവിനായി ഒരുപാട് പേർ അഭ്യർത്ഥിക്കുന്നു. പ്രേക്ഷക പ്രതികരണം അറിഞ്ഞ ശേഷം പുതിയ രൂപത്തിൽ പുതിയ ഭാവത്തിൽ ചൂടൻ പോലീസുമായി മുന്നോട്ട് പോകാം എന്ന് വിചാരിക്കുന്നു. സ്നേഹാശംസകളോടെ വിജിതമ്പി” എന്നാണ് അദ്ദേഹം കുറിച്ചത്. ഇതോടെ ആ കഥാപാത്രത്തെ വീണ്ടും കാണാൻ കഴിയുമെന്ന പ്രതീക്ഷയിലാണ് ആരാധകർ.
മലയാളത്തിലെ പ്രശസ്ത സംവിധായകനായ അൻവർ റഷീദിന്റെ പുതിയ പ്രൊജെക്ടുകളെ കുറിച്ചുള്ള വാർത്തകളാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. രാജമാണിക്യം, ചോട്ടാ…
മലയാളത്തിന്റെ മെഗാസ്റ്റാർ മമ്മൂട്ടിയുടെ ഏറ്റവും പുതിയ ലുക്ക് ആണ് ഇപ്പോൾ സോഷ്യൽ മീഡിയയിൽ സംസാര വിഷയം. മുടി പിന്നിലേക്ക് ചീകിയൊതുക്കി,…
കേരളത്തിൽ നിന്ന് മാത്രം 50 കോടി രൂപ ഗ്രോസ് കളക്ഷൻ നേടുന്ന ചിത്രങ്ങളിൽ ഒന്നായി ടോവിനോ തോമസിന്റെ അജയന്റെ രണ്ടാം…
മെഗാബ്ലോക്ക്ബസ്റ്റർ വിജയം നേടി മുന്നേറുന്ന ടോവിനോ തോമസ് ചിത്രം അജയന്റെ രണ്ടാം മോഷണത്തിന് കയ്യടിയുമായി പ്രശസ്ത സംവിധായകൻ ജൂഡ് ആന്റണി…
മാജിക് ഫ്രെയിംസിന്റെ ചരിത്രത്തിലെ ഏറ്റവും വലിയ ബോക്സ് ഓഫീസ് തേരോട്ടമാണ് 3D A.R.M ലൂടെ മലയാള സിനിമ സാക്ഷ്യം വഹിക്കുന്നത്…
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
This website uses cookies.