ദളപതി വിജയ്യെ നായകനാക്കി സൂപ്പർ ഹിറ്റ് സംവിധായകൻ ലോകേഷ് കനകരാജ് ഒരുക്കുന്ന ഏറ്റവും പുതിയ ചിത്രമാണ് ദളപതി 67. മാസ്റ്റർ എന്ന ബ്ലോക്ക്ബസ്റ്റർ ചിത്രത്തിന് ശേഷം വിജയ്- ലോകേഷ് കനകരാജ് ടീം ഒന്നിക്കുന്ന ഈ ചിത്രത്തിന്റെ അപ്ഡേറ്റുകൾക്കായി കാത്തിരിക്കുകയാണ് ഇപ്പോൾ ആരാധകരും സിനിമാ പ്രേമികളും. കാശ്മീരിൽ ഷൂട്ടിംഗ് പുരോഗമിക്കുന്ന ഇതിന്റെ അപ്ഡേറ്റുകൾ അടുത്തയാഴ്ചയോടെ പുറത്തു വരുമെന്നാണ് സൂചന. വമ്പൻ താരനിരയാണ് ഇതിൽ അണിനിരക്കുന്നതെന്നാണ് ഏറ്റവും പുതിയ വാർത്തകൾ പറയുന്നത്. ബോളിവുഡ് സൂപ്പർ താരം സഞ്ജയ് ദത്ത് വില്ലൻ വേഷത്തിൽ എത്തുന്ന ഈ ചിത്രത്തിൽ മലയാളത്തിന്റെ യുവ സൂപ്പർ താരം നിവിൻ പോളിയും വേഷമിടും എന്നാണ് വാർത്ത. ഇപ്പോൾ ഹനീഫ് അദനി സംവിധാനം ചെയ്യുന്ന പുതിയ ചിത്രത്തിന്റെ ഷൂട്ടിങ്ങുമായി ബന്ധപ്പെട്ട് ഗൾഫിൽ ഉള്ള നിവിൻ ആ ചിത്രം പൂർത്തിയാക്കി ഈ ലോകേഷ് ചിത്രത്തിൽ ചെയ്തേക്കാമെന്നാണ് റിപ്പോർട്ടുകൾ പറയുന്നത്.
റാം സംവിധാനം ചെയ്ത യേഴു കടൽ യേഴു മലൈഎന്ന ചിത്രത്തിന് ശേഷം നിവിൻ പോളി വേഷമിടുന്ന തമിഴ് ചിത്രമാണ് ദളപതി 67. തൃഷ നായികാ വേഷം ചെയ്യുന്ന ഈ ചിത്രത്തിൽ തമിഴകത്തിന്റെ ആക്ഷൻ കിംഗ് അർജുൻ, ഗൗതം വാസുദേവ് മേനോൻ, മലയാളി താരം മാത്യു തോമസ് എന്നിവരും വേഷമിടുന്നുണ്ട് എന്നും വാർത്തകൾ വരുന്നുണ്ട്. അനിരുദ്ധ് രവിചന്ദർ സംഗീതമൊരുക്കുന്ന ഈ ചിത്രം രചിച്ചിരിക്കുന്നത് സംവിധായകൻ ലോകേഷും രത്നകുമാറും ചേർന്നാണ്. വിക്രം, കൈതി എന്നീ ചിത്രങ്ങൾ ഉൾപ്പെട്ട ലോകേഷ് സിനിമാറ്റിക് യൂണിവേഴ്സിന്റെ ഭാഗമാണോ ഈ വിജയ് ചിത്രവും എന്നറിയാനുള്ള ആകാംക്ഷയിൽ കൂടിയാണ് പ്രേക്ഷകർ.
പ്രശസ്ത സംവിധായകനായ വിനയന്റെ മകനും നടനുമായ വിഷ്ണു വിനയ് ആദ്യമായി സംവിധാനം ചെയ്ത ആനന്ദ് ശ്രീബാല എന്ന ചിത്രമാണ് ഇന്ന്…
മലയാളത്തിന്റെ മഹാനടൻ മോഹൻലാൽ ആദ്യമായി സംവിധാനം ചെയ്ത ചിത്രം "ബറോസ്- നിധി കാക്കും ഭൂതം" റിലീസ് തീയതി പുറത്ത്. കുട്ടികൾക്കായുള്ള…
പ്രശസ്ത സംവിധായകൻ മഹേഷ് നാരായണൻ ഒരുക്കുന്ന ബിഗ് ബജറ്റ് മൾട്ടി സ്റ്റാർ ചിത്രത്തിന്റെ ഷൂട്ടിംഗ് നവംബർ പതിനാറിന് ശ്രീലങ്കയിൽ ആരംഭിക്കും.…
ജനപ്രിയ നായകൻ ദിലീപ് ലോക്കൽ സൂപ്പർ ഹീറോ ആയി എത്തുന്ന പറക്കും പപ്പൻ എന്ന ചിത്രം പ്രഖ്യാപിച്ചിട്ട് ഇപ്പോൾ 2…
യുവതാരം അർജുൻ അശോകനെ നായകനാക്കി വിഷ്ണു വിനയ് ഒരുക്കിയ ആനന്ദ് ശ്രീബാല ഇന്ന് പ്രേക്ഷകരുടെ മുന്നിലെത്തും. ചിത്രത്തിന്റെ കേരളാ തീയേറ്റർ…
പ്രേക്ഷകരെ ആവേശം കൊള്ളിക്കുന്ന സിനിമകൾ നിർമ്മിച്ച് മലയാള സിനിമ നിർമ്മാണ മേഖലയിൽ ആധിപത്യം സ്ഥാപിച്ച നിർമ്മാണ കമ്പനിയാണ് കാവ്യ ഫിലിം…
This website uses cookies.