മലയാള സിനിമയുടെ പുതു തലമുറയിലെ പ്രശസ്ത നടിമാരിൽ ഒരാളാണ് സാനിയ ഇയ്യപ്പൻ. ഡി ഫോർ ഡാൻസ് റിയാലിറ്റി ഷോയിൽ മത്സരാർത്ഥിയായി എത്തിയ സാനിയ അതിൽ സെക്കന്റ് റണ്ണർ അപ് ആയാണ് ആദ്യം ശ്രദ്ധ നേടിയത്. പിന്നീട് ബാല്യകാലസഖി എന്ന ചിത്രത്തിൽ ഇഷ തൽവാറിന്റെ ചെറുപ്പ കാലം അവതരിപ്പിച്ച് കയ്യടി നേടിയ ഈ നടി, അപ്പോത്തിരിക്കിരി, വേദം എന്നീ ചിത്രങ്ങളിലും അഭിനയിച്ചു. പക്ഷെ സാനിയ എന്ന നടിയെ കേരളം മുഴുവൻ പോപ്പുലർ ആക്കിയത് ഡിജോ ജോസ് ആന്റണി ഒരുക്കിയ ക്വീൻ എന്ന ചിത്രത്തിലെ നായികാ വേഷമാണ്. ശേഷം പ്രേതം 2, ലൂസിഫർ, പതിനെട്ടാം പടി, ദി പ്രീസ്റ്റ്, കൃഷ്ണൻകുട്ടി പണി തുടങ്ങി, സല്യൂട്ട് എന്നീ ചിത്രങ്ങളിലും അഭിനയിച്ച ഈ നടി, സോഷ്യൽ മീഡിയയിലും ഏറെ സജീവമാണ്. സാനിയ ഇയ്യപ്പന്റെ ഗ്ലാമർ ചിത്രങ്ങൾ എപ്പോഴും സോഷ്യൽ മീഡിയയിൽ വൈറലാവാറുണ്ട്.
ഇപ്പോഴിതാ, തന്റെ അഭിനയ ജീവിതത്തിൽ ഏറ്റവും ബുദ്ധിമുട്ടി അഭിനയിച്ച കഥാപാത്രം ഏതാണെന്നു പറയുകയാണ് സാനിയ. ലൂസിഫർ എന്ന മോഹൻലാൽ- പൃഥ്വിരാജ് ചിത്രത്തിലെ വേഷം ഏറെ ശ്രദ്ധ നേടി തന്നു എങ്കിലും, താൻ ഏറ്റവും കൂടുതൽ ബുദ്ധിമുട്ടി അഭിനയിച്ച സിനിമ കൃഷ്ണൻ കുട്ടി പണി തുടങ്ങി എന്ന ചിത്രമാണെന്നും, പക്ഷെ ആ സിനിമ പ്രതീക്ഷിച്ച പോലെ പ്രേക്ഷകരിലേക്ക് എത്തിയില്ല എന്നതിൽ വിഷമം ഉണ്ടെന്നും സാനിയ പറയുന്നു. ഒറ്റിറ്റി റിലീസ് ആയി സീ ഫൈവിൽ എത്തിയ ഈ ചിത്രത്തിൽ ഒട്ടേറെ സംഘട്ടന രംഗങ്ങൾ വരെ ഉണ്ടായിരുന്നു എന്നും, അതിലഭിനയിച്ചപ്പോൾ തനിക്കു പരിക്കുകൾ വരെ പറ്റി എന്നും സാനിയ വെളിപ്പെടുത്തി. സൂരജ് ടോം ഒരുക്കിയ ഈ ചിത്രത്തിൽ വിഷ്ണു ഉണ്ണികൃഷ്ണൻ ആയിരുന്നു നായക വേഷം ചെയ്തത്. ഗംഭീര പ്രകടനമാണ് ഇതിലെ ബിയാട്രീസ് എന്ന കഥാപാത്രമായി സാനിയ കാഴ്ച വെച്ചത്. വർക് ഔട്ട് വീഡിയോകൾ, ഡാൻസ് വീഡിയോകൾ എന്നിവയൊക്കെ തന്റെ യൂട്യൂബ് ചാനൽ വഴി പങ്കു വെക്കാറുള്ള സാനിയക്ക് യുവാക്കൾക്കിടയിൽ ഒട്ടേറെ ആരാധകരുണ്ട്.
കൊക്കെയ്ന് കേസില് പ്രശസ്ത മലയാള സിനിമാ താരം ഷൈന് ടോം ചാക്കോ കുറ്റവിമുക്തന്. ഷൈൻ ടോം ചാക്കോ ഉള്പ്പെടെയുള്ള കേസിലെ…
മമ്മൂട്ടിയും മോഹൻലാലും ഒന്നിക്കുന്ന മഹേഷ് നാരായണൻ ചിത്രത്തില് നയൻതാര ജോയിൻ ചെയ്തു. 9 വർഷങ്ങൾക്കുശേഷം മമ്മൂട്ടിയും നയൻതാരയും ഒന്നിച്ചഭിനയിക്കുന്ന സിനിമ…
കിഷ്കിന്ധാ കാണ്ഡം എന്ന ചിത്രത്തിന് ശേഷം ഗുഡ് വിൽ എന്റർടൈൻമെന്റിന്റെ ബാനറിൽ ജോബി ജോർജ് നിർമ്മിച്ച 'നാരായണീന്റെ മൂന്നാണ്മക്കൾ' ഗംഭീര…
മെഗാസ്റ്റാർ മമ്മൂട്ടിയെ നായകനാക്കി ഹരിഹരൻ ഒരുക്കിയ ക്ലാസിക് ചിത്രം ഒരു വടക്കൻ വീരഗാഥ ഫെബ്രുവരി ഏഴിന് ആണ് റീ റീലിസിനു…
മെഗാസ്റ്റാർ മമ്മൂട്ടിയെ നായകനാക്കി നവാഗതനായ ഡീനോ ഡെന്നിസ് തിരക്കഥ രചിച്ച് സംവിധാനം ചെയ്ത ബസൂക്കയുടെ പുതിയ റിലീസ് തീയതി പുറത്ത്.…
തമിഴകത്തിന്റെ സൂപ്പർതാരം അജിത് കുമാറിനെ നായകനാക്കി പ്രശസ്ത സംവിധായകൻ മഗിഴ് തിരുമേനി സംവിധാനം ചെയ്ത 'വിടാമുയർച്ചി' ഇന്ന് മുതൽ കേരളത്തിലെ…
This website uses cookies.