പുതിയ ലുക്കിൽ സൂപ്പർ താരത്തെ തിരിച്ചറിയാൻ കഴിയാതെ ആരാധകർ; ചിത്രങ്ങൾ വൈറലാകുന്നു

ബോളിവുഡ് സൂപ്പർ താരത്തിന്റെ പുതിയ ചിത്രങ്ങളാണ് ഇപ്പോൾ സോഷ്യൽ മീഡിയയിൽ തരംഗമാകുന്നത്. താരത്തിന്റെ പുതിയ ചിത്രത്തിന്റെ സെറ്റിൽ നിന്നുള്ള ചിത്രങ്ങളാണ് ശ്രദ്ധ നേടുന്നത്. പുത്തൻ ഗെറ്റപ്പിലാണ് ഈ താരം ഈ ചിത്രങ്ങളിൽ കാണപ്പെടുന്നത്. ഈ പുതിയ ഗെറ്റപ്പിൽ ആദ്യം ആരാധകർക്ക് പോലും തങ്ങളുടെ നായകനെ തിരിച്ചറിയാൻ സാധിച്ചില്ല. ഏതായാലും കുറച്ചു സമയം കഴിഞ്ഞാണ് പലർക്കും ആളാരാണെന്നു പിടികിട്ടിയത്. നമ്മൾ പറഞ്ഞു വരുന്നത് ബോളിവുഡിന്റെ സുൽത്താനായ സൽമാൻ ഖാനെ കുറിച്ചാണ്. റഷ്യയിൽ സിനിമാ ചിത്രീകരണത്തിന് പോയ സൽമാൻ ഖാന്റെ പുതിയ ഗെറ്റപ്പാണ് ആരാധകരെ പോലും വട്ടം കറക്കിയത്.

പുതിയ സിനിമയിലെ ഒരു ചെയ്‌സ് സീക്വൻസ് ചെയ്യുന്നതിന്റെ ഇടയിലാണ് ഈ ചിത്രങ്ങൾ പുറത്തു വന്നിട്ടുള്ളതു. ആരാധകരുടെ പേജുകളിലൂടെയാണ് ഈ ചിത്രം പുറത്തു വന്നതെങ്കിലും അത് കണ്ടു മറ്റു പല ആരാധകർക്കും ആളെ പിടി കിട്ടിയില്ല എന്നതാണ് സത്യം. നീളൻ താടിയുമായി ഗ്യാങ്സ്റ്റർ ലുക്കിലാണ് സൽമാൻ ഖാൻ ഈ ചിത്രങ്ങളിൽ പ്രത്യക്ഷപ്പെട്ടിട്ടുള്ളത്. സൽമാൻ ഖാന്റെ പുതിയ സിനിമ ടൈഗർ 3 യിൽ നിന്നുള്ള ചിത്രങ്ങളാണിത്. മറ്റൊരു ബോളിവുഡ്  നായക നടനായ ഇമ്രാൻ ഹാഷ്മിയാണ് ഇതിലെ വില്ലൻ വേഷം കൈകാര്യം ചെയ്യുക. വില്ലന്റെ ഓപ്പണിങ് സീൻ എടുക്കുന്നതിനു വേണ്ടി മാത്രം പത്തു കോടി രൂപയാണ് ചെലവിട്ടിരിക്കുന്നതു. കത്രീന കൈഫ് നായികാ വേഷം ചെയ്യുന്ന ഈ ചിത്രത്തിന്റെ ഷൂട്ടിംഗ് ഇപ്പോൾ സെന്റ് പീറ്റേഴ്സ്ബെർഗിലാണ് നടക്കുന്നത്. ഇനി പുറത്തു വരാനുള്ള അന്റിം, ലാൽ സിങ് ചദ്ദ, പത്താൻ  എന്നീ ചിത്രങ്ങളിലെ അതിഥി വേഷവും സൽമാൻ ഖാൻ ഈ വർഷം ചെയ്തിട്ടുണ്ട്.