Rumors spreading; Mammootty- Basil Joseph project may get a life again.
ഏതാനും വർഷങ്ങൾക്ക് മുൻപാണ് മെഗാസ്റ്റാർ മമ്മൂട്ടിയെ നായകനാക്കി യുവ സംവിധായകനും നടനുമായ ബേസിൽ ജോസഫ് ഒരു ചിത്രം സംവിധാനം ചെയ്യാൻ പോകുന്നു എന്ന പ്രഖ്യാപനം ഉണ്ടായത്. ഉണ്ണി ആർ രചന നിർവഹിക്കുന്ന ഈ ചിത്രത്തിൽ മമ്മൂട്ടിക്കൊപ്പം ടോവിനോ തോമസും പ്രധാന വേഷം ചെയ്യുമെന്നും അന്ന് വാർത്തകൾ വന്നു. എന്നാൽ അതിന് ശേഷം, ആ പ്രോജക്ടിന്റെ യാതൊരു വിധ അപ്ഡേറ്റുകളും പുറത്തു വന്നില്ല എന്ന് മാത്രമല്ല, ആ ചിത്രം ഉപേക്ഷിക്കപ്പെട്ടു എന്നും മാധ്യമങ്ങൾ റിപ്പോർട്ട് ചെയ്തു. ഏതായാലും ഇപ്പോൾ ഈ പ്രൊജക്റ്റ് വീണ്ടും ചർച്ചകളിൽ നിറയുന്നതായുള്ള സൂചനകളാണ് പുറത്ത് വരുന്നത്. ഈ ചിത്രം നടക്കാനുള്ള സാധ്യതകൾ നിലനിൽക്കുന്നുണ്ടെന്നും, മമ്മൂട്ടിയുടെ നിർമ്മാണ ബാനറായ മമ്മൂട്ടി കമ്പനി യുവ സംവിധായകരെ വെച്ചുള്ള ചിത്രങ്ങൾ കൂടുതലായി ചെയ്യുന്നത് കൊണ്ട്, ബേസിൽ ജോസഫ് ചിത്രവും മമ്മൂട്ടി കമ്പനിയുടെ ബാനറിൽ സംഭവിച്ചേക്കാമെന്നാണ് ആരാധകരും സോഷ്യൽ മീഡിയയിലെ സിനിമാസ്വാദകരും പറയുന്നത്.
എന്നാൽ ഉണ്ണി ആർ തന്നെയാണോ ഈ ചിത്രം രചിക്കുകയെന്നും, അതിൽ ടോവിനോ തോമസ് ഭാഗമാകുമോ എന്നതിനെ കുറിച്ചും ഇപ്പോൾ യാതൊരു വിധ അറിവുകളും ലഭ്യമല്ല എന്നും റിപ്പോർട്ടുകൾ സൂചിപ്പിക്കുന്നുണ്ട്. ഏതായാലും ഔദ്യോഗികമായി ഇതിനെക്കുറിച്ച് ഒരു വിവരവും അണിയറ പ്രവർത്തകർ പുറത്ത് വിടാത്തിടത്തോളം കാലം, മമ്മൂട്ടി- ബേസിൽ ജോസഫ് ചിത്രത്തിനായുള്ള ആരാധകരുടെ കാത്തിരിപ്പ് നീളുക തന്നെ ചെയ്യും. കുഞ്ഞിരാമായണം, ഗോദ, മിന്നൽ മുരളി എന്നീ ചിത്രങ്ങൾ സംവിധാനം ചെയ്ത ബേസിൽ ജോസഫ്, ഇനി ചെയ്യാൻ പോകുന്നത് ബോളിവുഡ് സൂപ്പർ താരം രൺവീർ സിങ് നായകനായി എത്തുന്ന ശ്കതിമാൻ എന്ന ബോളിവുഡ് ചിത്രമാണെന്ന് വാർത്തകളുണ്ട്. അത് കൂടാതെ മിന്നൽ മുരളി രണ്ടാം ഭാഗവും അദ്ദേഹത്തിന്റെ പ്ലാനുകളിലുണ്ട്. അടുത്തതായി വൈശാഖ് ചിത്രം ചെയ്യാൻ പോകുന്ന മമ്മൂട്ടിക്ക് അതിനു ശേഷം മഹേഷ് നാരായണൻ, രഞ്ജൻ പ്രമോദ്, അമൽ നീരദ് എന്നിവരുമായും ചിത്രങ്ങളുണ്ടെന്നാണ് സൂചന.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.