രാജമൗലി ചിത്രത്തിന്റെ പുതിയ റിലീസ് തീയതി പ്രഖ്യാപിച്ചു; ഒന്നല്ല രണ്ടെണ്ണം..!

ഇന്ത്യൻ സിനിമയിലെ സൂപ്പർ ഹിറ്റ് സംവിധായകൻ എസ് എസ് രാജമൗലി ഒരുക്കിയ ഏറ്റവും പുതിയ ബ്രഹ്മാണ്ഡ ചിത്രമാണ് ആർ ആർ ആർ. ഇന്ത്യൻ സിനിമയിലെ ഏറ്റവും വലിയ ചിത്രമായി ഒരുക്കിയ ആർ ആർ ആർ ഈ കഴിഞ്ഞ ജനുവരി ഏഴിന് ലോകം മുഴുവൻ റിലീസ് ചെയ്യാൻ ഇരിക്കവെയാണ് വീണ്ടും കോവിഡ് വ്യാപനം നമ്മുടെ രാജ്യത്തിന് അകത്തും പുറത്തും ശ്കതിപ്പെട്ടതു. അതിനെത്തുടർന്ന് ഈ ചിത്രത്തിന്റെ റിലീസ് മാറ്റി വെക്കുകയായിരുന്നു. ആരാധകർക്കും സിനിമാ പ്രേമികൾക്കും വലിയ നിരാശ സമ്മാനിച്ച വാർത്തയായിരുന്നു അത്. അത്രമാത്രം വലിയ കാത്തിരിപ്പായിരുന്നു ഈ സിനിമക്കായി അവർ നടത്തിയത്. ഏതായാലും ഇപ്പോൾ ഈ ചിത്രത്തിന്റെ പുതിയ റിലീസ് തീയതി പ്രഖ്യാപിച്ചിരിക്കുകയാണ് അണിയറ പ്രവർത്തകർ. കോവിഡ് സാഹചര്യം വൈകാതെ മെച്ചപ്പെടുകയാണ് എങ്കിൽ ഈ വരുന്ന മാർച്ച് മാസം പതിനെട്ടിന് ആവും ആർ ആർ ആർ റിലീസ് ചെയ്യുക എന്നും, അതല്ലെങ്കിൽ പിന്നെ ഏപ്രിൽ ഇരുപത്തിയെട്ടിന് ഈ ചിത്രം പുറത്തു വരുമെന്നും അവർ അറിയിച്ചു. തീയേറ്ററുകൾ ഫുൾ കപ്പാസിറ്റിയിൽ ഓപ്പൺ ആകുമ്പോൾ ആണ് ഈ ചിത്രം പുറത്തു വരൂ എന്നാണ് അവർ സൂചിപ്പിക്കുന്നത്.

റാം ചരൺ, ജൂനിയർ എൻ ടി ആർ, ബോളിവുഡ് താരം അജയ് ദേവ്‌ഗൺ, ആലിയ ഭട്ട് എന്നിവർ പ്രധാന വേഷങ്ങൾ ചെയ്ത ഈ ചിത്രം നിർമ്മിച്ചിരിക്കുന്നത് ഡി വി വി എന്റെർറ്റൈന്മെന്റ്സ് ആണ്. ഒളിവിയ മോറിസ്, സമുദ്രക്കനി, റേ സ്റ്റീവൻസൺ, അലിസൻ ഡൂഡി, ശ്രിയ സരൺ, ഛത്രപതി ശേഖർ, രാജീവ് കനകാല എന്നിവരും അഭിനയിച്ചിരിക്കുന്ന ഈ ചിത്രത്തിന് സംഗീതം ഒരുക്കിയത് കീരവാണിയും ക്യാമറ ചലിപ്പിച്ചത് സെന്തിൽ കുമാറും എഡിറ്റ് ചെയ്തത് ശ്രീകർ പ്രസാദുമാണ്. ബാഹുബലി സീരിസ് രചിച്ച കെ വി വിജയേന്ദ്ര പ്രസാദ് ഈ ചിത്രത്തിന് വേണ്ടി കഥ രചിച്ചപ്പോൾ ഇതിനു തിരക്കഥ രചിച്ചത് സംവിധായകൻ എസ് എസ് രാജമൗലി തന്നെയാണ്.