സൂപ്പർ ഹിറ്റായ മേപ്പടിയാനിലെ ആ മനോഹരമായ ഗാനം എത്തി; വീഡിയോ കാണാം..!

യുവ താരം ഉണ്ണി മുകുന്ദൻ നായകനായി എത്തി സൂപ്പർ ഹിറ്റായി മാറിയ ഏറ്റവും പുതിയ ചിത്രമാണ് മേപ്പടിയാൻ. നവാഗത സംവിധായകന്‍ വിഷ്ണു മോഹന്‍ തിരക്കഥയെഴുതി സംവിധാനം ചെയ്ത ഈ ചിത്രം ഉണ്ണി മുകുന്ദന്റെ നിര്‍മ്മാണ സംരഭമായ യുഎംഎഫിന്റെ ആദ്യ ചിത്രം കൂടിയായിരുന്നു. മികച്ച പ്രേക്ഷക പ്രശംസ നേടിയ ഈ ചിത്രം യുവ പ്രേക്ഷകരും കുടുംബ പ്രേക്ഷകരും ഒരുപോലെ സ്വീകരിച്ചതോടെ മികച്ച വിജയമാണ് നേടിയത്. കേരളത്തിന് പുറത്തും മികച്ച വിജയം നേടിയ ഈ ചിത്രം ഉണ്ണി മുകുന്ദന്റെ കരിയറിലെ ഏറ്റവും വലിയ സോളോ ഹിറ്റുകളിൽ ഒന്നുമാണ്. അതിമനോഹരമായ ഗാനങ്ങൾ ഈ ചിത്രത്തിന്റെ മികവിന് വളരെയധികം സഹായിച്ചിട്ടുണ്ട്. അങ്ങനെ സൂപ്പർ ഹിറ്റായ ഇതിലെ ഒരു ഗാനത്തിന്റെ വീഡിയോ ഇപ്പോൾ റിലീസ് ചെയ്തിരിക്കുകയാണ്. നിറമിഴിയോടെ എന്ന വരികളോടെ തുടങ്ങുന്ന മനോഹരമായ മെലഡിയാണ് ഇപ്പോൾ പുറത്തു വന്നിരിക്കുന്നത്.

അജീഷ് ദാസൻ വരികൾ എഴുതിയ ഈ ഗാനത്തിന് സംഗീത സംവിധാനം നിർവഹിച്ചിരിക്കുന്നത് രാഹുൽ സുബ്രമണ്യൻ ആണ്. സൂരജ് സന്തോഷ് ആണ് ഈ ഗാനം ആലപിച്ചിരിക്കുന്നത്. ജയകൃഷ്ണൻ എന്ന സാധാരണക്കാരനായി ഗംഭീര പ്രകടനമാണ് ഈ ചിത്രത്തിൽ ഉണ്ണി മുകുന്ദൻ കാഴ്ച വെച്ചിരിക്കുന്നത്. ഉണ്ണിയെ കൂടാതെ, അജു വര്‍ഗീസ്, സൈജു കുറുപ്പ്, ഇന്ദ്രന്‍സ്,മേജര്‍ രവി, നിഷ സാരംഗ്, കലാഭവന്‍ ഷാജോണ്‍, ശ്രീജിത്ത് രവി, കുണ്ടറ ജോണി, ആര്യ, കൃഷ്ണപ്രസാദ്, പോളി വല്‍സന്‍, മനോഹരിയമ്മ എന്നിവരും അഭിനയിച്ച ഈ ചിത്രത്തിലെ നായികാ വേഷം ചെയ്തിരിക്കുന്നത് അഞ്ജു കുര്യൻ ആണ്. നീൽ ദികുന്ന ദൃശ്യങ്ങൾ ഒരുക്കിയിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് ഷമീർ മുഹമ്മദ് ആണ്. ഏതായാലും തന്റെ ആദ്യ നിർമ്മാണ സംരഭം തന്നെ മികച്ച വിജയമാണ് ഉണ്ണി മുകുന്ദന് സമ്മാനിച്ചിരിക്കുന്നതു.