ഈ കഴിഞ്ഞ നവംബർ മാസത്തിലാണ് ഹനുമാൻ എന്ന ബിഗ് ബഡ്ജറ്റ് സൂപ്പർ ഹീറോ ചിത്രത്തിന്റെ ടീസർ റിലീസ് ചെയ്തത്. വലിയ ചർച്ചയായി മാറിയ ഈ ടീസർ സോഷ്യൽ മീഡിയയിൽ തരംഗമായി നിന്നത് ഒട്ടേറെ ദിവസങ്ങളോളമാണ്. ഇതിലെ ആക്ഷനും വി എഫ് എക്സുമെല്ലാം പ്രേക്ഷകരെ വലിയ രീതിയിലാണ് ആകർഷിച്ചത്. സൂപ്പർ ഹിറ്റുകളായ കല്ക്കി, സോംബി റെഡ്ഡി തുടങ്ങിയ ചിത്രങ്ങളിലൂടെ പ്രേക്ഷക ശ്രദ്ധ നേടിയെടുത്ത തെലുങ്ക് സംവിധായകനായ പ്രശാന്ത് വര്മ ഒരുക്കിയ ഈ ചിത്രത്തിന് തിരക്കഥ രചിച്ചതും അദ്ദേഹം തന്നെയാണ്. ഇപ്പോഴിതാ പാൻ ഇന്ത്യൻ ചിത്രമായി ഒരുക്കിയ ഇതിന്റെ റിലീസ് തീയതിയും ഒഫീഷ്യലായി തന്നെ പുറത്ത് വിട്ടിരിക്കുകയാണ്. ഈ വർഷം മെയ് 12 നാണ് ഹനുമാൻ പ്രേക്ഷകരുടെ മുന്നിലെത്തുക. തേജ സജ്ജയാണ് ഈ ബിഗ് ബഡ്ജറ്റ് ആക്ഷൻ ചിത്രത്തിലെ നായകനായി എത്തുന്നത്.
അമൃത അയ്യർ നായിക വേഷം ചെയ്യുന്ന ഈ ചിത്രം നിർമ്മിച്ചിരിക്കുന്നത് പ്രൈംഷോ എന്റര്ടെയ്ൻമെന്റിന്റെ ബാനറില് കെ നിരഞ്ജൻ റെഡ്ഢിയാണ്. ഇന്ത്യൻ പുരാണ കഥകളിലെ ശക്തമായ കഥാപാത്രങ്ങളിൽ നിന്നും പ്രചോദനം ഉൾക്കൊണ്ടുകൊണ്ടു, ആ കഥകളിലെ സൂപ്പർഹീറോകൾക്ക് തുല്യമായ കഥാപാത്രങ്ങളെ ഉൾപ്പെടുത്തി ഒരു സിനിമാറ്റിക് വേൾഡ് നിർമ്മിക്കാനുള്ള പരിശ്രമമാണ് ഹനുമാൻ എന്ന ചിത്രത്തിലൂടെ പ്രശാന്ത് വർമ്മ തുടങ്ങുന്നത്. ഹനുമാന്റെ ശക്തികൾ ഉൾക്കൊള്ളുന്ന പുരാണകഥയുടെ അടിസ്ഥാനത്തിലാണ് ഈ ചിത്രം അദ്ദേഹം ഒരുക്കിയത്. വരലക്ഷ്മി ശരത്കുമാർ, വിനയ് റായ്, സത്യരാജ്, ദീപക് ഷെട്ടി തുടങ്ങിയ ജനപ്രിയ താരങ്ങളും അണിനിരക്കുന്ന ഈ ചിത്രത്തിന് വേണ്ടിക്യമാറ ചലിപ്പിച്ചത് പ്രശസ്ത ഛായാഗ്രാഹകൻ ശിവേന്ദ്രയാണ്. തെലുങ്ക്, തമിഴ്, ഹിന്ദി, കന്നഡ, മലയാളം ഭാഷകളിൽ റിലീസ് ചെയ്യാൻ പോകുന്ന ഹനുമാൻ ആദ്യത്തെ പാൻ ഇന്ത്യ സൂപ്പര് ഹീറോ സിനിമ എന്ന വിശേഷണത്തോടെയാണ് എത്തുക. അനുദീപ് ദേവ്, ഹരി ഗൗഡ, ജയ് കൃഷ്, കൃഷ്ണ സൗരഭ് എന്നിവരാണ് ഇതിന് വേണ്ടി സംഗീതമൊരുക്കുന്നത്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
പ്രതീക്ഷകൾ ഉണർത്തി മജു ചിത്രം 'പെരുമാനി' നാളെ മുതൽ (2024 മെയ് 10) തിയറ്ററുകളിൽ പ്രദർശനത്തിനെത്തുന്നു. സിനിമ കാണാൻ പ്രേക്ഷകരെ…
പ്രേക്ഷക-നിരൂപക പ്രശംസ നേടിയ 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി' റിലീസിനൊരുങ്ങുന്നു. മെയ് 10ന് ചിത്രം തിയറ്ററുകളിലെത്തും. സണ്ണി…
This website uses cookies.