ലേഡി സൂപ്പർ സ്റ്റാർ നയൻ താര പ്രധാന വേഷത്തിലെത്തിയ കോലമാവ് കോകില, ശിവകാർത്തികേയൻ നായകനായി എത്തിയ ഡോക്ടർ എന്നീ സൂപ്പർ ഹിറ്റുകൾ നമ്മുക്ക് സമ്മാനിച്ച സംവിധായകൻ ആണ് നെൽസൺ ദിലീപ്കുമാർ. ഇപ്പോൾ ദളപതി വിജയ് നായകനായ തന്റെ പുതിയ ചിത്രമായ ബീസ്റ്റിന്റെ പോസ്റ്റ്- പ്രൊഡക്ഷൻ ജോലികളിൽ ആണ് അദ്ദേഹം. ആരാധകർ ഏറെ കാത്തിരിക്കുന്ന ഈ വമ്പൻ ചിത്രം നിർമ്മിക്കുന്നത് സൺ പിക്ചേഴ്സ് ആണ്. വരുന്ന ഏപ്രിൽ പതിനാലിന് ബീസ്റ്റ് റിലീസ് ചെയ്യുമെന്നുള്ള വിവരങ്ങളാണ് ലഭിക്കുന്നത്. ഇപ്പോഴിതാ, പുതിയ വാർത്തകൾ പ്രകാരം ബീസ്റ്റ് എന്ന ചിത്രത്തിന് ശേഷം നെൽസൺ ദിലീപ്കുമാർ ഒരുക്കാൻ പോകുന്നത് തലൈവർ സൂപ്പർ സ്റ്റാർ രജനികാന്ത് നായകനായ ചിത്രമാണ്. സൺ പിക്ചേഴ്സ് തന്നെയാണ് ഈ ചിത്രവും നിർമ്മിക്കുക എന്നും അധികം വൈകാതെ തന്നെ ഇതിന്റെ ഒഫീഷ്യൽ പ്രഖ്യാപനം ഉണ്ടാകുമെന്നും തമിഴ് മാധ്യമങ്ങൾ റിപ്പോർട്ട് ചെയ്യുന്നു.
കോലമാവ് കോകില, ഡോക്ടർ, ബീസ്റ്റ് എന്നീ ചിത്രങ്ങൾക്ക് സംഗീതം ഒരുക്കിയ അനിരുദ്ധ് രവിചന്ദര് തന്നെയാവും ഈ ചിത്രത്തിനും സംഗീതമൊരുക്കുക എന്നാണ് സൂചന. ഏതായാലും ചിത്രത്തിന്റെ ഒഫീഷ്യൽ പ്രഖ്യാപനം വരാൻ കാത്തിരിക്കുകയാണ് രജനികാന്ത് ആരാധകർ. സിരുതൈ ശിവ ഒരുക്കിയ അണ്ണാത്തെ എന്ന ചിത്രത്തിലാണ് രജനികാന്ത് ഇതിനു മുൻപ് അഭിനയിച്ചത്. തമിഴിലെ പുതിയ തലമുറയിലെ സംവിധായകർക്കൊപ്പം കൈകോർക്കാൻ ഉത്സാഹം കാണിക്കുന്ന നടൻ കൂടിയാണ് രജനികാന്ത്. പാ രഞ്ജിത്ത്, കാർത്തിക് സുബ്ബരാജ് എന്നിവർക്കൊപ്പവും രജനികാന്ത് കൈകോർത്ത ചിത്രങ്ങൾ വന്നിരുന്നു. ദളപതി വിജയ് നായകനായ നെൽസൺ ചിത്രം ബെസ്റ്റിലെ ആദ്യ ഗാനം ഫെബ്രുവരി പതിനാലിന് റിലീസ് ചെയ്യാൻ പോകുന്നത് കൊണ്ട് തന്നെ അതിനുള്ള കാത്തിരിപ്പിലാണ് ഇപ്പോൾ നെൽസൺ ദിലീപ്കുമാർ എന്ന സംവിധായകന്റെ ആരാധകർ.
ക്യൂബ്സ് എന്റർടെയ്ന്മെന്റ്സ് നിര്മ്മാണത്തില് ഉണ്ണി മുകുന്ദനെ നായകനാക്കി ഹനീഫ് അദനി സംവിധാനം ചെയ്യുന്ന പുതിയ ചിത്രമായ മാർക്കോ പ്രേക്ഷകരുടെ മുന്നിലെത്താനുള്ള…
ഓണക്കാലചിത്രങ്ങളിൽ ഏറ്റവും കൂടുതൽ കളക്ഷൻ സ്വന്തമാക്കിയതിന് ശേഷം വരാൻ പോകുന്ന പൂജ അവധികളിലും മികച്ച കളക്ഷൻ ലക്ഷ്യമിട്ട് A.R.M. 100…
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
This website uses cookies.