‘ഒരു അഡാർ ലൗ’ എന്ന ചിത്രത്തിലെ ‘മാണിക്യമലരായ പൂവി’ എന്ന ഗാനരംഗത്തിലെ പുരികം കൊണ്ടും കണ്ണുകൊണ്ടുമുള്ള ആഭിനയത്തിലൂടെ ലോകമെമ്പാടും ആരാധകരെ സ്വന്തമാക്കിയ താരമാണ് പ്രിയ വാര്യർ. ഗാനം പുറത്തിറങ്ങി മിനിറ്റുകൾക്കുള്ളിലാണ് താരത്തിന്റെ ഇൻസ്റ്റഗ്രാം ഫോളോവേർസ് മില്യണിലേക്കുയർന്നത്. അഭിനയത്തോടൊപ്പം മോഡലിംഗ് രംഗത്തും സജീവമാണ് പ്രിയ വാര്യർ. താരത്തിന്റെ വസ്ത്രധാരണം സോഷ്യൽ മീഡിയകളിൽ പലപ്പോഴും ചർച്ച ആകാറുണ്ട്. താരം പോസ്റ്റ് ചെയ്യുന്ന ഗ്ലാമറസ് ഫോട്ടോകൾക്ക് കീഴെ മോശം കമന്റുകളും നിറയാറണ്ട്. എന്നാൽ ഇതൊന്നും തന്നെ ബാധിക്കുന്നില്ല എന്നാണ് പ്രിയ വാര്യർ പറയുന്നത്. വെറൈറ്റി മീഡിയ എന്ന ചാനലിന് നൽകിയ അഭിമുഖത്തിലാണ് താരം ഇക്കാര്യം വെളിപ്പെടുത്തിയത്.
‘മോശം കമന്റുകൾ വരുമ്പോൾ എങ്ങനെയാണ് പിടിച്ചു നിന്നത് എന്ന അവതാരികയുടെ ചോദ്യത്തിന് “ഞാൻ ചെയ്യുന്ന കാര്യങ്ങൾ എന്നെയോ എന്റെ കുടുംബത്തേയോ, സുഹൃത്തുക്കളെയോ ബാധിക്കാത്തിടത്തോളം കാലം ഞാൻ അത് കാര്യമാക്കുന്നില്ല. എന്റെ ജീവിതമാണ്, എന്റെ ശരീരമാണ്, എന്റെ വസ്ത്രധാരണമാണ്. മറ്റുള്ളവർ പറയുന്നത് മുഖവിലക്കെടുക്കേണ്ടതുണ്ടെന്ന് ഞാൻ കരുതുന്നില്ല” എന്നാണ് പ്രിയ വാര്യർ മറുപടി പറഞ്ഞത്.
തൃശ്ശൂർ പൂങ്കുന്നം സ്വദേശിനിയായ പ്രിയ മലയാളത്തിന് പുറമെ അന്യഭാഷ ചിത്രങ്ങളിലും പരസ്യങ്ങളിലും അഭിനയിച്ചിട്ടുണ്ട്. രഞ്ജിത്ത് ശങ്കർ സംവിധാനം ചെയ്യുന്ന ‘ഫോർ ഇയേർസ്’ ആണ് പ്രിയയുടെ പുതിയ ചിത്രം. കലാലയ ജീവിതവും പ്രണയവും പ്രമേയമാക്കിയ ചിത്രം നവംബർ 25 ന് തിയറ്റർ റിലീസ് ചെയ്യും. സർജനോ ഖാലിദ് നായകനായെത്തുന്ന ചിത്രം ഡ്രീംസ് ആൻഡ് ബിയോണ്ടിന്റെ ബാനറിൽ രഞ്ജിത് ശങ്കറും ജയസൂര്യയും ചേർന്നാണ് നിർമിക്കുന്നത്.
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
രാജ്കുമാർ സേതുപതി അവതരിപ്പിക്കുന്ന, റയോണ റോസ് പ്രൊഡക്ഷൻസ് നിർമ്മിച്ച് ഉല്ലാസ് കൃഷ്ണ സംവിധാനം ചെയ്ത പുഷ്പക വിമാനത്തിലെ 'ആലംബനാ' എന്ന…
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
This website uses cookies.