ഇന്ന് നാല്പതാം ജന്മദിനം ആഘോഷിക്കുന്ന മലയാളത്തിന്റെ യുവ സൂപ്പർ താരം പൃഥ്വിരാജ് സുകുമാരന് ആശംസകളുമായി ഒരു പുതിയ മോഷൻ പോസ്റ്ററുമായി എത്തിയിരിക്കുകയാണ് പൃഥ്വിരാജ് ചെയ്യാൻ പോകുന്ന അടുത്ത ചിത്രത്തിന്റെ അണിയറ പ്രവർത്തകർ. കാളിയൻ എന്ന ചിത്രമാണ് പൃഥ്വിരാജ് വൈകാതെ ചെയ്യാൻ പോകുന്നത്. അതിന്റെ ഒരു ഗംഭീര പോസ്റ്ററാണ് ഇപ്പോൾ റിലീസ് ചെയ്തിരിക്കുന്നത്. ഒരു കുതിരപ്പുറത്ത്, യോദ്ധാവിന്റെ വേഷത്തിൽ ഒരു മലമുകളിൽ പൃഥ്വിരാജ് നിൽക്കുന്ന പോസ്റ്ററാണ് വന്നിരിക്കുന്നത്. ഇപ്പോൾ പ്രീ-പ്രൊഡക്ഷൻ സ്റ്റേജിലുള്ള ഈ ചിത്രം ഈ വർഷം അവസാനം ഷൂട്ടിംഗ് ആരംഭിക്കും. നവാഗതനായ എസ് മഹേഷ് സംവിധാനം ചെയ്യാൻ പോകുന്ന ഈ ചിത്രം, വേണാട് ചരിത്രത്തിലെ വീരപുരുഷനും പടത്തലവനുമായ ഇരവിക്കുട്ടിപ്പിള്ളയുടെയും, ആത്മ മിത്രം കുഞ്ചിറക്കോട്ട് കാളിയുടെയും കഥയാണ് പറയാൻ പോകുന്നത്.
മാധ്യമപ്രവര്ത്തകനായ ബി ടി അനില് കുമാര് തിരക്കഥ രചിച്ചിരിക്കുന്ന ഈ ചിത്രം മാജിക് മൂണ് പ്രൊഡക്ഷന്സിന്റെ ബാനറില് രാജീവ് ഗോവിന്ദനാണ് നിർമ്മിക്കുക. കെ ജി എഫ് സീരീസിലൂടെ ഇന്ത്യ മുഴുവൻ പ്രശസ്തനായ സംഗീത സംവിധായകൻ രവി ബസ്റൂർ ആണ് ഈ ചിത്രത്തിന് വേണ്ടി സംഗീത സംവിധാനം നിർവഹിക്കുക. ബംഗ്ലാന് പ്രൊഡക്ഷന് ഡിസൈന് നിർവഹിക്കുന്ന ഈ ചിത്രത്തിന് ക്യാമറ ചലിപ്പിക്കുന്നത് സുജിത് വാസുദേവ് ആണ്. ജയൻ നമ്പ്യാർ ഒരുക്കാൻ പോകുന്ന വിലായത് ബുദ്ധയാണ് പൃഥ്വിരാജ് ഉടനെ ചെയ്യുന്ന ചിത്രം. അത് പൂർത്തിയാക്കി അദ്ദേഹം കാളിയനിൽ ജോയിൻ ചെയ്യുമെന്നാണ് വാർത്തകൾ പറയുന്നത്. അതിനു ശേഷമാണു മോഹൻലാൽ നായകനായ എംപുരാന്റെ സംവിധാനത്തിലേക്ക് പൃഥ്വിരാജ് കടക്കുക. പൃഥ്വിരാജ് സുകുമാരന്റെ കരിയറിലെ തന്നെ ഏറ്റവും വലിയ ചിത്രമാണ് കാളിയൻ.
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
മലയാളത്തിലെ എക്കാലത്തേയും ഏറ്റവും വലിയ ചിത്രമായി ഒരുക്കുന്ന മോഹൻലാൽ ചിത്രം എമ്പുരാൻ ഇപ്പോൾ ഗുജറാത്തിൽ പുരോഗമിക്കുകയാണ്. ഇതിനോടകം നൂറു ദിവസത്തെ…
ടോവിനോ തോമസ് നായകനായ അജയന്റെ രണ്ടാം മോഷണം ബ്ലോക്ക്ബസ്റ്റർ ഹിറ്റായി കുതിപ്പ് തുടരുകയാണ്. സുജിത് നമ്പ്യാർ രചിച്ച്, നവാഗതനായ ജിതിൻ…
മലയാളത്തിലെ പ്രശസ്ത സംവിധായകരിലൊരാളായ ടി കെ രാജീവ് കുമാർ ഒരുക്കാൻ പോകുന്ന പുതിയ ചിത്രത്തെ കുറിച്ചുള്ള വാർത്തകളാണ് ഇപ്പോൾ സമൂഹ…
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
This website uses cookies.