മലയാള സിനിമയുടെ യുവ സൂപ്പർ താരമായ പൃഥ്വിരാജ് സുകുമാരൻ ഇപ്പോൾ കൈ നിറയെ ചിത്രങ്ങളുമായി തിരക്കിലാണ്. കുരുതി, തീർപ്പ്, കോൾഡ് കേസ്, ഭ്രമം എന്നിവയാണ് ഒരുപാട് വൈകാതെ റീലീസ് ചെയ്യാനുള്ള പൃഥ്വിരാജ് ചിത്രങ്ങൾ. കൂടാതെ മോഹൻലാൽ ആദ്യമായി സംവിധാനം ചെയ്യുന്ന ബറോസ്, ബ്ലെസ്സി ഒരുക്കുന്ന ആട് ജീവിതം, ഷാജി കൈലാസ് ഒരുക്കുന്ന കടുവ, ഡിജോ ജോസ് ആന്റണി ഒരുക്കുന്ന ജനഗണമന എന്നിവയും തീർക്കാൻ ബാക്കിയുള്ള പൃഥ്വിരാജ് സുകുമാരനെ കേന്ദ്ര കഥാപാത്രമാക്കി ഒട്ടേറെ ചിത്രങ്ങൾ പല സംവിധായകരും പ്രഖ്യാപിച്ചിട്ടുമുണ്ട്. കാളിയൻ, വിലായത് ബുദ്ധ തുടങ്ങി ഒട്ടേറെ ചിത്രങ്ങൾ അങ്ങനെ അണിയറയിൽ ഒരുങ്ങുന്നുണ്ട്. ലുസിഫെർ എന്ന മോഹൻലാൽ ചിത്രമൊരുക്കി സംവിധായകനായി കൂടി അരങ്ങേറ്റം കുറിച്ച പൃഥ്വിരാജ് അടുത്ത വർഷം അതിന്റെ രണ്ടാം ഭാഗവും മോഹൻലാലിനെ നായകനാക്കി ഒരുക്കാനുള്ള തയ്യാറെടുപ്പിലാണ്.
നൂറിലേറെ ചിത്രങ്ങളിൽ ഇതിനോടകം അഭിനയിച്ചു കഴിഞ്ഞ പൃഥ്വിരാജ് ഇപ്പോഴിതാ മലയാള സിനിമയിലെ തന്റെ പ്രീയപ്പെട്ട സഹതാരങ്ങളിൽ ഒരാളെ കുറിച്ചു സംസാരിക്കുകയാണ്. ബിജു മേനോൻ ആണ് ആ പ്രീയപ്പെട്ട സഹതാരമെന്നും അതിനു കാരണം അദ്ദേഹത്തോടൊപ്പം കുറച്ചു ദിവസം നമ്മൾ ചെലവഴിക്കുമ്പോൾ നമ്മുക്ക് ലഭിക്കുന്ന പോസിറ്റീവ് എനര്ജിയും സന്തോഷവുമാണ് എന്നും പൃഥ്വിരാജ് പറയുന്നു. എത്ര സന്തോഷവാനാണ് അദ്ദേഹം എന്നത് കാണുമ്പോൾ ചെറിയ അസൂയയും ഉണ്ടെന്നും പൃഥ്വിരാജ് പറയുന്നു. സച്ചി സംവിധാനം ചെയ്ത അനാർക്കലി, അയ്യപ്പനും കോശിയും എന്നീ ചിത്രങ്ങളിലൂടെ ആണ് പൃഥ്വിരാജ്- ബിജു മേനോൻ ടീമിന്റെ രസതന്ത്രം പ്രേക്ഷകർ ഏറ്റവും കൂടുതൽ കണ്ടറിഞ്ഞത്. ബിജു മേനോനെ കൂടാതെ പൃഥ്വിരാജ് ഏറ്റവും കൂടുതൽ സമയം ചെലവിടാൻ ഇഷ്ടപ്പെടുന്ന സഹതാരങ്ങൾ മോഹൻലാൽ, മുരളി ഗോപി എന്നിവരാണ്. ഇരുവരുടെയും കടുത്ത ആരാധകൻ കൂടിയാണ് പൃഥ്വിരാജ്
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
മലയാളത്തിലെ എക്കാലത്തേയും ഏറ്റവും വലിയ ചിത്രമായി ഒരുക്കുന്ന മോഹൻലാൽ ചിത്രം എമ്പുരാൻ ഇപ്പോൾ ഗുജറാത്തിൽ പുരോഗമിക്കുകയാണ്. ഇതിനോടകം നൂറു ദിവസത്തെ…
ടോവിനോ തോമസ് നായകനായ അജയന്റെ രണ്ടാം മോഷണം ബ്ലോക്ക്ബസ്റ്റർ ഹിറ്റായി കുതിപ്പ് തുടരുകയാണ്. സുജിത് നമ്പ്യാർ രചിച്ച്, നവാഗതനായ ജിതിൻ…
മലയാളത്തിലെ പ്രശസ്ത സംവിധായകരിലൊരാളായ ടി കെ രാജീവ് കുമാർ ഒരുക്കാൻ പോകുന്ന പുതിയ ചിത്രത്തെ കുറിച്ചുള്ള വാർത്തകളാണ് ഇപ്പോൾ സമൂഹ…
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
This website uses cookies.