മലയാളത്തിന്റെ മഹാനടൻ മോഹൻലാലിന്റെ മകനും യുവ താരവുമായ പ്രണവ് മോഹൻലാൽ നായകനായി എത്തുന്ന പുതിയ ചിത്രമാണ് ഹൃദയം. പ്രശസ്ത ഗായകനും സംവിധായകനും രചയിതാവും നിർമ്മാതാവും നടനുമൊക്കെയായ വിനീത് ശ്രീനിവാസൻ രചിച്ചു സംവിധാനം ചെയ്യാൻ പോകുന്ന ഈ ചിത്രത്തിലെ നായികാ വേഷം ചെയ്യുന്നത് പ്രിയദർശന്റെ മകൾ കല്യാണി പ്രിയദർശനാണ്. ഈ ചിത്രത്തിന്റെ ഒഫീഷ്യൽ പ്രഖ്യാപനം നടത്തിയത് മോഹൻലാൽ ആണ്. ഇപ്പോഴിതാ യുവ സൂപ്പർ താരം പൃഥ്വിരാജ് സുകുമാരനും ഈ ചിത്രത്തിന്റെ ഭാഗമായി എത്തുകയാണ്. എന്നാൽ നടനായല്ല ഗായകനായാണ് പൃഥ്വിരാജ് ഈ ചിത്രത്തിലെത്തുന്നത്. പൃഥ്വിരാജ് പാടുന്ന ഗാനത്തിന്റെ റെക്കോഡിങ് ഇപ്പോൾ നടക്കുകയാണെന്ന് സംവിധായകൻ വിനീത് ശ്രീനിവാസൻ തന്നെയാണ് ഏവരെയും അറിയിച്ചത്.
ഒരുപാട് വർഷങ്ങൾക്ക് ശേഷം പ്രശസ്ത സിനിമാ നിർമ്മാണ ബാനറായ മേറിലാണ്ട് സിനിമാസ് മലയാള സിനിമയിലേക്ക് തിരിച്ചെത്തുകയാണ്. ഈ ബാനറിൽ ഹൃദയം നിർമ്മിക്കുന്നത് വൈശാഖ് സുബ്രഹ്മണ്യമാണ്. ഹിഷാം അബ്ദുൽ വഹാബ് സംഗീതമൊരുക്കുന്ന ഈ ചിത്രത്തിൽ സംഗീതത്തിന് വലിയ പ്രധാന്യമുണ്ടെന്നാണ് സൂചന. പൃഥ്വിരാജ് ഇതിനു മുമ്പും സിനിമയിൽ പാടിയിട്ടുണ്ട്. നോബിൾ ബാബു തോമസ് സഹനിർമ്മാതാവായി എത്തുന്ന ഈ ചിത്രം ഈ വർഷം ഏപ്രിലിൽ ആരംഭിച്ചു ഓണം റിലീസ് ആയി എത്തും എന്നാണ് അറിയിച്ചിരിക്കുന്നത്. മലർവാടി ആർട്സ് ക്ലബ്, തട്ടത്തിൻ മറയത്, തിര, ജേക്കബിന്റെ സ്വർഗ്ഗ രാജ്യം എന്നിവയാണ് വിനീത് ശ്രീനിവാസൻ ഇതിനു മുൻപ് സംവിധാനം ചെയ്ത ചിത്രങ്ങൾ. ഹൃദയം എന്ന ഈ ചിത്രം ഒരു ഡ്രാമ ആണെന്നും പതിനേഴു വയസ്സ് മുതൽ തന്റെ ഇപ്പോഴത്തെ പ്രായം വരെയുള്ള ഒരു ചെറുപ്പക്കാരന്റെ ജീവിതമാണ് ഈ ചിത്രത്തിലൂടെ പ്രേക്ഷകരിലേക്ക് എത്തിക്കാൻ ഉദ്ദേശിക്കുന്നത് എന്നും വിനീത് ശ്രീനിവാസൻ മാധ്യമ അഭിമുഖത്തിൽ വെളിപ്പെടുത്തിയിരുന്നു.
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
പ്രേമലു എന്ന ചിത്രത്തിന്റെ മഹാവിജയത്തോടെ മലയാള സിനിമാപ്രേമികളുടെ പ്രിയങ്കരനായി മാറിയിരിക്കുകയാണ് നസ്ലൻ ഗഫൂർ എന്ന യുവതാരം. തണ്ണീർ മത്തൻ ദിനങ്ങൾ…
പ്രേക്ഷകർ ഏറെ ആകാംഷയോടെ കാത്തിരുന്ന ഒരു കട്ടിൽ ഒരു മുറിയിലെ "നെഞ്ചിലെ" എന്ന ഗാനം യുട്യൂബിൽ റിലീസ് ചെയ്തു. രഘുനാഥ്…
This website uses cookies.