ഇപ്പോൾ തരംഗമായി മാറുന്ന പുതിയ സോഷ്യൽ മീഡിയ പ്ലാറ്റ്ഫോമാണ് ക്ലബ് ഹൌസ്. മലയാള സിനിമയിലെ പ്രശസ്ത സിനിമാ താരങ്ങൾ മുതൽ ഒട്ടേറെ സെലിബ്രിറ്റികൾ ഇപ്പോൾ ക്ലബ് ഹൗസിലും സ്ഥിരം സാന്നിധ്യമാണ്. ഈ ലോക്ക് ഡൌൺ സമയത്തു ലോകത്തിന്റെ പല കോണിൽ ഇരിക്കുന്നവരുമായി സംസാരിക്കാൻ സാധിക്കുന്നു എന്നതും ലൈവ് ആയി കാര്യങ്ങൾ ചർച്ച ചെയ്യാൻ സാധിക്കുന്നു എന്നതുമാണ് ഈ മാധ്യമത്തിന്റെ ഏറ്റവും വലിയ ഗുണം. ഒട്ടേറെ വിഷയങ്ങൾ ആണ് ദിനം പ്രതി ഇപ്പോൾ ക്ലബ് ഹൌസ് കൂട്ടായ്മകളിൽ ചർച്ച ചെയ്യപ്പെടുന്നത്. എന്നാൽ അതിനൊപ്പം സിനിമാ താരങ്ങളുടെ പേരിൽ വ്യാജ അക്കൗണ്ടുകൾ സൃഷ്ടിക്കുന്നവരുമുണ്ട്. പലരും തമാശക്ക് വേണ്ടിയാണു അത് ചെയ്യുന്നത് എങ്കിലും ചിലപ്പോഴൊക്കെ അത് വലിയ പ്രശ്നങ്ങൾ സൃഷ്ടിക്കാറുമുണ്ട്. ഇപ്പോഴിതാ, തന്റെ പേരിൽ ഒരാൾ ക്ലബ് ഹൗസിൽ ഫേക് അക്കൗണ്ട് തുടങ്ങിയെന്നു വെളിപ്പെടുത്തിക്കൊണ്ടും, താൻ ആ മാധ്യമത്തിൽ അംഗമല്ല എന്ന് തുറന്നു പറഞ്ഞു കൊണ്ടും പൃഥ്വിരാജ് സുകുമാരൻ രംഗത്ത് വന്നിരുന്നു. എന്നാൽ സൂരജ് നായർ എന്ന പൃഥ്വിരാജ് ആരാധകനും മിമിക്രി കലാകാരനുമായ ആൾ, താനാണ് അത് ചെയ്തത് എന്നും, തനിക്കു ഒരു തെറ്റ് പറ്റിയതുമാണെന്നു പറഞ്ഞു കൊണ്ട് പ്രിത്വിരാജിനോട് ക്ഷമാപണം നടത്തി സോഷ്യൽ മീഡിയ പോസ്റ്റ് ഇട്ടു.
പൃഥ്വിരാജ് സുകുമാരന്റെ ശബ്ദത്തിലാണ് സൂരജ് ക്ലബ് ഹൗസിലെ ആ ചർച്ചയിൽ സംസാരിച്ചത്. ഏതായാലും സൂരജിന്റെ ക്ഷമാപണം സ്വീകരിച്ച പൃഥ്വിരാജ്, ഇങ്ങനെ വ്യാജ പ്രൊഫൈലുകൾ ഉണ്ടാക്കുന്നതിലെ പ്രശ്നങ്ങളും ചൂണ്ടി കാണിച്ചു. മാത്രമല്ല, സൂരജിന്റെ മിമിക്രി ചെയ്യാനുള്ള കഴിവിനെ അഭിനന്ദിക്കുകയും ചെയ്യുന്നു പൃഥ്വിരാജ്. തന്റെ ഇൻസ്റ്റാഗ്രാം അക്കൗണ്ടിലൂടെ ആണ് പൃഥ്വിരാജ് സൂരജിനെ അഭിന്ദിച്ചു പോസ്റ്റ് ഇട്ടതു. ഈ കഴിവുകൾ സൂരജിനെ ഒരുപാട് ഉയരങ്ങളിൽ എത്തിക്കട്ടെ എന്നും മലയാള സിനിമയിലെ ഒട്ടേറെ വലിയ കലാകാരൻമാർ മിമിക്രിയിലൂടെ ആണ് ശ്രദ്ധിക്കപ്പെട്ടത് എന്നും പൃഥ്വരാജ് പറയുന്നു. താൻ ക്ലബ് ഹൗസിൽ ഇല്ലെന്നു ഒരിക്കൽ കൂടി പറഞ്ഞു കൊണ്ടാണ് പൃഥ്വിരാജ് തന്റെ പോസ്റ്റ് അവസാനിപ്പിച്ചത്.
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
This website uses cookies.