മലയാളികളുടെ പ്രിയതാരം പൃഥ്വിരാജും യുവാക്കളുടെ പ്രിയങ്കരനായ ആന്റണി വർഗ്ഗീസും ഒന്നിക്കുന്നു എന്ന സൂചനകളാണ് പുറത്തുവരുന്നത്. സ്വാതന്ത്ര്യം അർദ്ധരാത്രിയിൽ എന്ന ചിത്രത്തിന്റെ വലിയ വിജയത്തിലാണ് ആന്റണി വർഗീസ് ഇപ്പോൾ. സ്വാതന്ത്ര്യം അർദ്ധരാത്രിയിൽ സംവിധാനം ചെയ്ത ടിനു പാപ്പച്ചൻ തന്നെയായിരിക്കും ഈ ചിത്രവും സംവിധാനം ചെയ്യുക എന്നാണ് അനൗദ്യോഗികമായ വിവരങ്ങൾ സൂചിപ്പിക്കുന്നത്. ചിത്രത്തെ പറ്റിയുള്ള ഔദ്യോഗികമായ വിവരം വരും ദിവസങ്ങളിൽ പുറത്തുവിടും എന്നാണ് കരുതുന്നത്. വരുന്ന വാർത്തകൾ സത്യമാണെങ്കിൽ മലയാളത്തിൽ സംഭവിക്കുന്ന ഏറ്റവും വലിയ ചിത്രങ്ങളിൽ ഒന്ന് ഈ വർഷം തന്നെ സംഭവിക്കുമെന്ന് ഉറപ്പിക്കാം. യുവാക്കളുടെ പ്രിയങ്കരരായ രണ്ട് താരങ്ങൾ ഒന്നിക്കുന്നു അതും എന്നും മികച്ച ചിത്രങ്ങൾ ഒരുക്കുന്ന നായകന്മാർ പ്രതീക്ഷകളും ഏറെയാണ്.
മലയാളികളെ നിരവധി വർഷങ്ങളായി വിസ്മയിപ്പിക്കുന്ന നടനാണ് പൃഥ്വിരാജ്. വ്യത്യസ്ത ചിത്രങ്ങളിലൂടെ മലയാളത്തെ മറ്റൊരു തലത്തിലേക്ക് ഉയർത്തുന്ന ചിത്രങ്ങൾ ഒരുക്കുന്നതിൽ അദ്ദേഹം വളരെയധികം ശ്രദ്ധിചെലുത്താറുണ്ട്. പുത്തൻ ചിത്രമായ 9 എന്ന സയൻസ് ഫിക്ഷൻ ചിത്രത്തിൽ അഭിനയിക്കുകയാണ് അദ്ദേഹം ഇപ്പോൾ. ലിജോ ജോസ് പല്ലിശേരി സംവിധാനം ചെയ്ത ചിത്രം അങ്കമാലി ഡയറീസ് എന്ന ചിത്രത്തിലൂടെ നായകനായി എത്തിയ ആന്റണി വർഗീസ് ചിത്രത്തിലെ പ്രകടനത്തിലൂടെ വലിയ ശ്രദ്ധ പിടിച്ചു പറ്റിയിരുന്നു. പിന്നീട് ഒരു വർഷത്തിന് ശേഷമാണ് ആന്റണി വർഗീസ് വീണ്ടുമെത്തുന്നത്. ലിജോ ജോസ് പല്ലിശ്ശേരിയുടെ ശിഷ്യനായ ടിനു പാപ്പച്ചൻ സംവിധാനം ചെയ്ത ചിത്രത്തിലൂടെ വീണ്ടും മലയാളികൾക്ക് മുൻപിൽ എത്തിയ ആന്റണി വർഗീസ്, ചിത്രത്തിലെ പ്രകടനത്തിലൂടെ വീണ്ടും ഞെട്ടിച്ചു. ചിത്രം വമ്പൻ ഹിറ്റായി മാറിക്കൊണ്ടിരിക്കുകയാണ്.
നടൻ ഷെയ്ൻ നിഗം പ്രധാന വേഷത്തിലെത്തുന്ന പുതിയ തമിഴ് ചിത്രത്തിന് യേർക്കാടിൽ പരമ്പരാഗത പൂജാ ചടങ്ങുകളോടെ തുടക്കമായി. ട്രൂ സ്റ്റോറീസിന്റെ…
സുരാജ് വെഞ്ഞാറമൂട് കേന്ദ്ര കഥാപാത്രത്തെ അവതരിപ്പിക്കുന്ന പുതിയ ചിത്രത്തിന് ഇന്ന് തുടക്കം. ജഗൻ ഷാജി കൈലാസാണ് ചിത്രം സംവിധാനം ചെയ്യുന്നത്.…
‘സീൻ’ എന്ന ചിത്രം ആദ്യം ഫഹദ് ഫാസിലിനെ നായകനാക്കി ഒരുക്കാനായിരുന്നു പദ്ധതിയെന്ന് സംവിധായകൻ ജിത്തു മാധവൻ. ഫഹദ്–നസ്രിയ ജോഡിയെ കേന്ദ്രകഥാപാത്രങ്ങളാക്കിയായിരുന്നു…
ജയിലർ- 2 ൻ്റെ ആദ്യ പ്രദർശനത്തോടെ ഡോൾബി അറ്റ്മോസ് സാങ്കേതിക മികവോടെ കേരളത്തിലെ ആദ്യ ഡോൾബി സിനിമ തിയ്യേറ്ററായ ഇ…
പോംപി എന്റർടൈൻമെന്റ്സ് & ഫ്ലൈയിങ് കളേഴ്സ് എന്റർടൈൻമെന്റ്സ് ചേർന്നൊരുക്കുന്ന ഏറ്റവും പുതിയ ചിത്രം ആരണ്യകാണ്ഡത്തിന്റെ പൂജ ഇന്ന് അഞ്ചുമന ക്ഷേത്രത്തിൽ…
മലയാള സിനിമയിൽ വ്യത്യസ്തമായൊരു ഫാന്റസി കോമഡി ത്രില്ലർ അനുഭവം സമ്മാനിക്കുകയാണ് പ്രിൻസ് ജോയ് സംവിധാനം ചെയ്ത ‘ടൈറ്റൻസ്’. കോമഡിയും ക്രൈമും…
This website uses cookies.