[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Categories: Latest News

മകൻ കുഴപ്പക്കാരൻ ആണ്, അപ്പൻ അതിലും കുഴപ്പം; കോശിയും കുര്യനും വരുന്നു..!

നാല് വർഷം മുൻപ് അനാർക്കലി എന്ന സൂപ്പർ ഹിറ്റ് ചിത്രം പൃഥ്വിരാജ് സുകുമാരനെ നായകനാക്കി ഒരുക്കി സംവിധായകനായി അരങ്ങേറിയ പ്രശസ്ത രചയിതാവ് സച്ചി സംവിധാനം ചെയ്യുന്ന രണ്ടാമത്തെ ചിത്രമാണ് അയ്യപ്പനും കോശിയും. പൃഥ്വിരാജ് സുകുമാരൻ, ബിജു മേനോൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രം രചിച്ചതും സച്ചി തന്നെയാണ്. ഗോൾഡ് കോയിൻ മോഷൻ പിക്‌ചേഴ്‌സിന്റെ ബാനറിൽ പ്രശസ്ത രചയിതാവും സംവിധായകനുമായ രഞ്ജിത്ത് നിർമ്മിക്കുന്ന ഈ ചിത്രത്തിലെ പുതിയ സ്റ്റിൽ ആണ് ഇപ്പോൾ സോഷ്യൽ മീഡിയയുടെ ശ്രദ്ധയാകർഷിക്കുന്നത്. പൃഥ്വിരാജ് സുകുമാരൻ, രഞ്ജിത് എന്നിവരുടെ ഈ ചിത്രത്തിലെ കഥാപാത്രങ്ങളുടെ സ്റ്റിൽ ആണത്.

പൃഥ്വിരാജ് അവതരിപ്പിക്കുന്ന കോശി എന്ന കഥാപാത്രത്തിന്റെ അപ്പൻ ആയാണ് രഞ്ജിത്ത് ഈ ചിത്രത്തിൽ അഭിനയിക്കുന്നത്. കുര്യൻ എന്നാണു രഞ്ജിത്ത് അവതരിപ്പിക്കുന്ന കഥാപാത്രത്തിന്റെ പേര്. മകൻ കോശി കുഴപ്പക്കാരൻ ആണെങ്കിൽ അപ്പൻ കുര്യൻ അതിലും വലിയ കുഴപ്പക്കാരൻ ആണെന്ന വാക്യത്തോടെയാണ് ഈ ചിത്രം സോഷ്യൽ മീഡിയയിൽ പ്രചരിക്കുന്നത്. ഏതായാലും മാസ്സ് ലുക്കിൽ പ്രത്യക്ഷപ്പെട്ടിട്ടുള്ള ഈ അപ്പന്റെയും മകന്റെയും സ്റ്റിൽ ആരാധകർക്ക് വലിയ ആവേശമാണ് പകർന്നു നൽകുന്നത്. ഒരു റിട്ടയേർഡ് പട്ടാളക്കാരൻ ആയാണ് പൃഥ്വിരാജ് ഈ ചിത്രത്തിൽ അഭിനയിക്കുന്നത് എന്നാണ് റിപ്പോർട്ടുകൾ പറയുന്നത്. പോലീസുകാരൻ ആണ് ഈ ചിത്രത്തിലെ ബിജു മേനോൻ അവതരിപ്പിക്കുന്ന അയ്യപ്പൻ നായർ എന്ന കഥാപാത്രം.

അന്ന രാജൻ, സിദ്ദിഖ്, അനു മോഹൻ, ജോണി ആന്റണി, അനിൽ നെടുമങ്ങാട്, സാബുമോൻ, ഷാജു ശ്രീധർ, ഗൗരി നന്ദ എന്നിവരും അഭിനയിക്കുന്ന ഈ ചിത്രത്തിന്റെ ഷൂട്ടിംഗ് ഇപ്പോൾ വയനാട് ആണ് നടക്കുന്നത്. പാലക്കാടും ചിത്രീകരണം ഉള്ള ഈ സിനിമ അടുത്ത വർഷം തീയേറ്ററുകളിൽ എത്തും. ജേക്സ് ബിജോയ് സംഗീത സംവിധാനം നിർവഹിക്കുന്ന ഈ ചിത്രത്തിന് വേണ്ടി ക്യാമറ ചലിപ്പിക്കുന്നത് സുദീപ് ഇളമണ് ആണ്.രഞ്ജൻ എബ്രഹാം ആണ് ഈ ചിത്രത്തിന്റെ എഡിറ്റർ. പൃഥ്വിരാജ് അഭിനയിക്കുന്ന ഡ്രൈവിംഗ് ലൈസൻസ് എന്ന ജീൻ പോൾ ലാൽ ചിത്രവും രചിച്ചിരിക്കുന്നത് സച്ചി ആണ്. ആ ചിത്രം ഈ വർഷം ക്രിസ്മസിന് എത്തും എന്നാണ് വിവരങ്ങൾ പറയുന്നത്.

webdesk

Recent Posts

ലോക ചാപ്റ്റർ 2 പ്രഖ്യാപിച്ചു; നായകനും വില്ലനുമായി ടോവിനോ തോമസ്

ബ്ലോക്ബസ്‌റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…

5 hours ago

കംപ്ലീറ്റ് ഫൺ റൈഡാവാൻ ഷറഫുദീൻ – അനുപമ പരമേശ്വരൻ ചിത്രം; “പെറ്റ് ഡിറ്റക്ടീവ്” തീം സോങ്ങ് പുറത്തിറങ്ങി.

ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…

2 days ago

അടിച്ചു മോനേ, സഞ്ജു സാംസൺ സെഞ്ച്വറി അടിച്ചു.. സെന്ന ഹെഗ്ഡെയുടെ ‘അവിഹിതം’ ട്രെയിലർ പുറത്തിറങ്ങി.

ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…

2 days ago

ഞെട്ടിക്കാൻ റിമ കല്ലിങ്കൽ. ‘തീയേറ്റർ’ റഷ്യയിലെ കാസാനിലേക്ക് ; ചിത്രം ഒക്ടോബർ 16ന് തീയറ്ററുകളിൽ എത്തും.

ദേശീയ പുരസ്‌കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…

5 days ago

പ്രണയത്തിന് ആയുസുണ്ടോ?; നവ്യ നായർ – സൗബിൻ ഷാഹിർ ചിത്രം “പാതിരാത്രി”യുടെ ടീസർ പുറത്തിറങ്ങി.

നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…

5 days ago

നവ്യ നായർ- സൗബിൻ ഷാഹിർ ചിത്രം “പാതിരാത്രി” ടീസർ നാളെ; റിലീസ് ചെയ്യുന്നത് മമ്മൂട്ടി

നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…

6 days ago

This website uses cookies.