ദളപതി വിജയ് നായകനായി എത്തുന്ന ലോകേഷ് കനകരാജ് ചിത്രം ലിയോ കാത്തിരിക്കുകയാണ് തെന്നിന്ത്യൻ സിനിമാ പ്രേമികളും വിജയ് ആരാധകരും. ഒക്ടോബർ പത്തൊന്പതിനു റിലീസ് ചെയ്യാൻ പോകുന്ന ഈ ചിത്രം ഇതിനോടകം വലിയ ഹൈപ്പാണ് സൃഷ്ടിച്ചിരിക്കുന്നത്. എന്നാൽ ലിയോക്കൊപ്പം നിൽക്കുന്ന ഹൈപ്പിലേക്കാണ് അടുത്ത വിജയ് ചിത്രവും പോകുന്നതെന്ന സൂചനയാണ് ഇപ്പോൾ ലഭിക്കുന്നത്. മങ്കാത്ത, മാനാട് തുടങ്ങിയ സൂപ്പർ ഹിറ്റുകളൊരുക്കിയ വെങ്കട് പ്രഭു സംവിധാനം ചെയ്യുന്ന ചിത്രത്തിലാണ് വിജയ് ഇനി അഭിനയിക്കുക. ഒക്ടോബറിൽ ഷൂട്ടിംഗ് ആരംഭിക്കാൻ പോകുന്ന ഈ ചിത്രത്തിന്റെ താരനിരയെ കുറിച്ച് വരുന്ന റിപ്പോർട്ടുകളാണിപ്പോൾ ശ്രദ്ധ നേടുന്നത്. ജ്യോതിക, പ്രിയങ്ക മോഹൻ എന്നിവരായിരിക്കും ഇതിലെ നായികാ വേഷങ്ങൾ ചെയ്യുകയെന്നാണ് സൂചന.
എന്നാലിപ്പോൾ വരുന്ന വാർത്തകൾ പ്രകാരം, പ്രശസ്ത സംവിധായകനും നർത്തകനും നടനുമായ പ്രഭുദേവയും, സൂപ്പർ താരമായ മാധവനും ഈ ദളപതി ചിത്രത്തിന്റെ ഭാഗമാകും. മാധവൻ- വിജയ് ടീം ആദ്യമായാണ് ഒന്നിക്കുന്നതെങ്കിൽ, പോക്കിരി, വില്ല് എന്നീ ചിത്രങ്ങളിലൂടെ നമ്മൾ പ്രഭുദേവ- വിജയ് ടീമിനെ ഒന്നിച്ചു കണ്ടതാണ്. ഇവർക്കൊപ്പം തമിഴിലെ പ്രശസ്ത യുവതാരമായ ജയ് കൂടി ഈ ചിത്രത്തിന്റെ ഭാഗമാകുമെന്നാണ് റിപ്പോർട്ട്. 21 വർഷം മുൻപ് റിലീസ് ചെയ്ത ഭഗവതി എന്ന ചിത്രത്തിലാണ് വിജയ്- ജയ് ടീം ആദ്യമായി ഒന്നിച്ചത്. ഇത് കൂടാതെ അച്ഛനും മകനുമായി ഇരട്ട വേഷത്തിലാണ് ഈ വെങ്കട് പ്രഭു ചിത്രത്തിൽ വിജയ് അഭിനയിക്കുക എന്ന വാർത്തകളും വരുന്നുണ്ട്. യുവാൻ ശങ്കർ രാജ സംഗീതമൊരുക്കുന്ന ഈ ചിത്രം നിർമ്മിക്കുന്നത് എ ജി എസ് എന്റർടൈൻമെന്റ് ആണ്.
സിംഹ, ലെജൻഡ്, അഖണ്ഡ എന്നീ ഹാട്രിക് ബ്ലോക്ക്ബസ്റ്റർ ചിത്രങ്ങൾക്ക് ശേഷം നന്ദമൂരി ബാലകൃഷ്ണയും സംവിധായകൻ ബോയപതി ശ്രീനുവും ഒന്നിക്കുന്ന പുതിയ…
അന്താരാഷ്ട്ര തലത്തിൽ തരംഗങ്ങൾ സൃഷ്ടിച്ചതിന് ശേഷം, പായൽ കപാഡിയയുടെ 'ഓൾ വി ഇമാജിൻ ആസ് ലൈറ്റ്' 2024 നവംബർ 22…
സൂര്യയെ നായകനാക്കി എ ആർ മുരുഗദോസ് സംവിധാനം ചെയ്ത ബ്ലോക്ക്ബസ്റ്റർ തമിഴ് ചിത്രമാണ് 2005 ൽ പുറത്തു വന്ന ഗജിനി.…
തണ്ണീർ മത്തൻ ദിനങ്ങൾ, സൂപ്പർ ശരണ്യ എന്നീ സൂപ്പർ ഹിറ്റുകൾക്കും പ്രേമലു എന്ന ബ്ലോക്ക്ബസ്റ്റർ ചിത്രത്തിനും ശേഷം ഗിരീഷ് എ…
മലയാള സിനിമ കണ്ട ഏറ്റവും വലിയ ചിത്രങ്ങളിൽ ഒന്നായ കത്തനാറിന്റെ ചിത്രീകരണം പൂർത്തിയായി. രണ്ടു ഭാഗങ്ങളായി എത്തുന്ന ഈ ചിത്രത്തിന്റെ…
ഇന്ന് ജന്മദിനം ആഘോഷിക്കുന്ന യുവസൂപ്പർതാരം പൃഥ്വിരാജ് സുകുമാരന് ആശംസകൾ അർപ്പിച്ചു കൊണ്ട് മോഹൻലാൽ നായകനായ എമ്പുരാൻ എന്ന ചിത്രത്തിലെ പൃഥ്വിരാജ്…
This website uses cookies.