500 കോടി കളക്ഷനുമായി പ്രഭാസ് – പൃഥ്വിരാജ് ചിത്രം “സലാർ”

ഹോംബാലെ ഫിലിംസിന്റെ ബാനറിൽ പ്രശാന്ത് നീൽ ഒരുക്കിയ പ്രഭാസ് – പൃഥ്വിരാജ് ചിത്രം “സലാർ” ബോക്സ്‌ ഓഫീസിൽ വിജയ കുതിപ്പ് തുടരുന്നു. ആഗോള തലത്തിൽ റിലീസ് ആയ എല്ലാം കേന്ദ്രങ്ങളിൽ നിന്നുമായി ഇതിനോടകം തന്നെ ചിത്രം നേടിയത് 500 കോടിയോളം ആണെന്ന് അണിയറ പ്രവർത്തകർ വ്യക്തമാക്കുന്നു.

ബോക്സ് ഓഫീസ് തേരോട്ടം തുടർന്നു കൊണ്ടിരിക്കുന്ന സലാർ ഇന്ത്യയ്ക്കുള്ളിൽ 6 ദിവസത്തെ മൊത്തം കളക്ഷൻ 297.40 കോടി രൂപയാണ്. ആഗോള ബോക്‌സ് ഓഫീസിലും സലാറിന്റെത് ചരിത്ര വിജയമാണ്. ചൊവ്വാഴ്ചയോടെ വിദേശ കളക്ഷനുകളിൽ 12 മില്യൺ ഡോളർ നേടി എന്നാണ് റിപ്പോർട്ടുകൾ

പൃഥ്വിരാജ് പ്രൊഡക്ഷൻസും മാജിക്‌ ഫ്രെയിംസും ചേർന്ന് കേരളത്തിൽ വിതരണം ചെയ്ത ഈ ചിത്രത്തിന് വമ്പൻ ഓപ്പണിങ് ആണ് ലഭിച്ചത്. കേരളത്തിൽ നിന്ന് ഈ വർഷം ഏറ്റവും വലിയ ആദ്യ ദിന കളക്ഷൻ നേടുന്ന തെലുങ്ക് ചിത്രമായി സലാർ മാറിയിരുന്നു. കേരളം ബോക്സ് ഓഫീസിലും സലാർ വമ്പൻ നേട്ടമാണ് കൈവരിച്ചിരിക്കുന്നത്.

മാസ്സ് ആക്ഷൻ തീ പാറും രംഗങ്ങൾ കൊണ്ടും ഇമോഷണൽ ഡ്രാമ എന്ന് കൊണ്ടും തീയേറ്ററുകളിൽ ആരാധകർക്കിടയിൽ ആവേശമാകുകയാണ് സലാർ. ദേവയായി പ്രഭാസും, വരദ രാജ മന്നാർ ആയി പൃഥ്വിരാജും ഒന്നിക്കുന്ന സലാറിൽ രണ്ട് സുഹൃത്തുക്കളുടെ കഥയാണ്‌ പറയുന്നത്. ഇരുവരും എങ്ങനെ കൊടും ശത്രുക്കളായി മാറപ്പെടുന്നു എന്നുള്ളതിലേക്കാണ് സലാർ പാർട്ട്‌ 1 സീസ് ഫയർ ആദ്യ ഭാഗം മിഴി തുറക്കുന്നത്, മികവുറ്റ ആക്ഷൻ രംഗങ്ങൾ കൊണ്ട് വേറെ ഒരു വിസ്മയ ലോകം സൃഷ്ടിച്ചിരിക്കുകയാണ് പ്രശാന്ത് നീൽ. നല്ലൊരു മാസ്സ് ക്ലാസ്സ് ഫീലാണ് ഓഡിയൻസിന് കൊടുക്കുന്നത്.

തമിഴ്,ഹിന്ദി, മലയാളം, തെലുങ്ക്,കന്നഡ എന്നിങ്ങനെ 5 ഭാഷകളിലായി എത്തിയ ചിത്രത്തിൽ ശ്രുതി ഹാസൻ, ജഗപതി ബാബു,ബോബി സിംഹ, ടിന്നു ആനന്ദ്, ഈശ്വരി റാവു, ശ്രീയ റെഡ്‌ഡി, രാമചന്ദ്ര രാജു എന്നിവരാണ് മറ്റു അഭിനേതാക്കൾ. വമ്പൻ താര നിര തന്നെയാണ് ചിത്രത്തിലുള്ളത്.

നിർമ്മാണം -വിജയ് കിരഗാണ്ടുർ , കെ. വി. രാമ റാവു, ഛായാഗ്രഹണം ഭുവൻ ഗൗഡ, സംഗീത സംവിധാനം രവി ബസ്രുർ, പ്രൊഡക്ഷൻ ഡിസൈനർ – ടി എൽ വെങ്കടചലപതി, ആക്ഷൻസ് – അൻമ്പറിവ്, കോസ്റ്റും – തോട്ട വിജയ് ഭാസ്കർ, എഡിറ്റർ – ഉജ്വൽ കുൽകർണി, വി എഫ് എക്സ് – രാഖവ് തമ്മ റെഡ്‌ഡി. പി ആർ ഒ-മഞ്ജു ഗോപിനാഥ്, മാർക്കറ്റിംഗ് കൺസൾട്ടന്റ് – ബിനു ബ്രിങ്ഫോർത്ത്, എന്നിവരാണ് മറ്റു അണിയറ പ്രവർത്തകർ.